الأعضاء الإشتراك و التسجيل

الملتقيات
ADs

»» واحــــــــــد يراقبنــــــــي

»» واحــــــــــد يراقبنــــــــي


NOTICE

تنبيه: هذا الموضوع قديم. تم طرحه قبل 1660 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Abeer 511
    Abeer 511

    مبتعث فعال Active Member

    Abeer 511 الولايات المتحدة الأمريكية

    Abeer 511 , أنثى. مبتعث فعال Active Member. من السعودية , مبتعث فى الولايات المتحدة الأمريكية , تخصصى mathematics , بجامعة معهد
    • معهد
    • mathematics
    • أنثى
    • Boston, Massachusetts
    • السعودية
    • Feb 2012
    المزيدl

    May 31st, 2013, 11:10 AM



    السلام عليكم ورحمه الله وبركاته


    يوم من الأيام غبت عن المعهد ، ورحت محل الآبل آشتري لاب .. كان يومي كله مشاوير ،، رجعت البيت حطيت الاب واخذت عربيتي ورحت السبور ماركت يبعد 3 دقايق ،،

    قدام بيتي محلات كثيره الصيدليه ومحل ادوات ومكتيه ومطاعم ... دا كله نفس الشارع حق بيتي

    المهم رجعت البيت وحطيت الآغراض السوبر ماركت ونزلت مره تانيه ..

    رحت المحل الآول وأشتريت وخرجت .. رحت المحل الثاني وشفت رجال يناظر فيني لدرجه اني اناظر فيه ما يشيل عينه! المهم طنشت اشتريت وخرجت ..

    رحت المحل الثالث تفاجأت لقيت الرجال موجود وبرضو يناظر ،، طنشت اشتريت وخرجت قلت في نفسي لا امريكا مافيها كذا عندها نظام قوي"..

    رحت المحل الرابع كان المحل "الصيدليه" تفاجأت لقيت الرجال موجود وناظرت فيه يعني ايش فيه! وكانت الصيدليه مقسمه أكثر من لاين .. وانا وهو كنا في لاين واحد ..

    وبعدين هوا راح وانا طولت لاني كنت اختار في الفواحات وكدا وطوووولت مرررره وجاء في بالي انه الرجال خلاص خرج من المحل وبعدين لمن بطلع من الاين

    شفته هو يراقبني وجسمه مايل ماني عارفه كيف آوصف يعني زي الي يتجسس ويصبر ،، وانفجع مني لانه هوا واقف يصبر وانا مشيت بسرعه ووقفت لانه صار تصادم بيننا

    فآضطريت آوقف وهوا عدل جسمه ووقف وطالعت فيه نظره قويه وعصبت المهم سرعت شوي ورحت عند الكاشير وجاء وراي ناس كثير .. قلت في نفسي الحين اروح البيت ومايمديه يلحقتي

    عشان الاين طويل المهم انا كنت مررره مركزه بـ باب الخروج ،، لمن جاء دوري احاسب في نفس الوقت هوا خرج من المحل لانه ما إشترى شي! ..

    المهم الجوووله هذي كلها هوا ما آشترى شي !

    المهم .. طلعت برا المحل .. لقيته واقف يدخن .. من توتري اتصلت ع صحبتي قلت لها شوفي واحد يراقبني وانا مستحيل راح ارجع البيت ما ابغاه يعرف بيتي وهوا دخل معاي كل المحلات ومااشترى شي

    سآلتني صحبتي .. هو سعودي ولا آمريكي .. قلت الله يقلعه لاهو سعودي ولا هو امريكي بس الظاهر عربي

    وكنت معصبه صوتي عااااالي و اردد في الكلام وخايفه وواقفه عند الصيدليه

    المهم هو تحرك ومشي وهو مازال يدخن يعني ماخلص التدخين وبعدين مشي لا شكله سمع كلامي .. ومشي شوي ويلف يناظر وراه ويلقاني واقفه ما اتحرك .. وعلى هذا الحال الييييين راح بعيد واخذ اللفه

    وانا بعدها رجعت بيتي كانت الساعه 3 مساء يعني شكله ماعنده دوام ،، صحباتي يقولوا ليكون عشان شاف الاب او يبغى يسحب الشطه ويهرب وووووووو

    قلت لهم شنطتي بالبيت مع الاب .. وانا نزلت بدون شي في الجيب الجوال والمفتاح والكرت الصراف لاني عارفه راح اشتري اغراض كتيره ومابدي آثقل ع نفسي

    المهم بعد فتره ،،

    رحت محل كوفي مع صحبتي .. وكانت فيها طاوله فيها شباب من ضمنها جالس معاهم ابو صحبتي والرجال

    صحبتي قالت لابو صحبتي "سلام " ، بس انا ما سلمت من الصدمه اناظر في الرجال وهو ضحك!!!!! ومسك الضحكه عشان لايفضح نفسه قدام اصحابه..

    المهم ،،

    ابو صحبتي من النوع الي يتكلم كثير وعلى نياته ،، بس مجرد الرجال يسآل من هذولا!

    يقول وووووووووووو ساكنه كدا وتدرس كدا ... الخ

    افكر اروح الكوفي مره ثانيه .. واكلم الرجال وافضحه قدام آصحابه ؟؟؟

    انا بصراحه انصدمت انه من ضمن الشله واخاف انصدم اكثر اذا طلع سعودي

    وشكرا لنصائحكم ،،

    "اللي مو عاجبه الموضوع لا يرد بلييييز "


  2. انا اوافق اختي نوسه ,,

    لاتسكتين ابدا , احيانا السكوت يزيد الوضع سوء ويجعل الطرف الثاني يزيد في تصرفاته

    كلمي صاحبتك واعرفي من ابوها من هو ذالشخص وانا رايي تقولين لهل القصه , ابو صديقتك ماراح يسكت عنه وبيدافع عنك كانك بنته .

    وطولي بالك اختي واذا شفتيه خليك عادي لاترتبكي.
    7 "
  3. التصرف الصحيح تسوين زي باقي الامريكيات
    المفروض انك وانتي بالصيدلية تصارخين بصوت عالي تقولين للناس هذا الشخص يمشي وراي من ساعة بكل مكان يمشي وراي
    صدقيني بيعرق ويرتجف وحالته حاله وبيشرد
    7 "
  4. اختي انا مستغرب منك مادقيتي على الشرطه !!

    هنا على فكرة اي شي يصير معك ماعندك غير الشرطة .. اذكر لك مثل

    انا تو نقلت الى بيت دورين .. المهم هذاك اليوم جالس اذاكر بالصاله واسمع شي منكسر في باب الحديقة

    طبعا باب الحديقة من جزاز ! اطلع برا واشوف بيضه مكسورة واطلع فوق غرفتي واشوف بيضة مكسورة

    على طول طلعت البلكوني ماشفت احد

    اتصلت على الشرطة وجاو عندي

    اختي عشان سلامتك لابد تتصلين على الشرطة مرة ثانية لاسمح الله

    هذا عربي وشكله مايستحي على وجهه ! انتبهي لنفسك وانا اخوك

    موفقه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.