"التعليم العالي" تفتتح التقديم للمرحلة التاسعة لـ "الابتعاث" مطلع رمضان

السلام عليكم
انا مطابق لكل الشروط الا العمر اكبر بشهرين وعندي قبول جامعي وفيزا هل ممكن يتساهلو للي عنده فكرة ياريت يفيدني والله يوفق الجميع

انا دوبني سجلت في المرحلة التاسعه والحمدلله كل شي تمام بس المعدل غيرته انا معدلي 72.39 حطيته 82.39
تتوقعون ممكن يمشوني ولا راح يجلسون لي

صباح الخير ...
الحمدلله سجلت في المرحلة التاسعة بس حبيت أستفسر عن المعدل معدلي 3.35 من 5 هل يتم التجاوز عنه ؟؟
لأن اللي طالبينه 3.75 فيه فوارق بسيطه ..!!
ياليت أحد يفيدني ..
بالتوفيق للجميع ~

السلام عليكم
بصراااحه انا قصتي طوييله مع الابتعاث لكن ابغى استشير ومالي الا انتوا اتمنى انكم تساعدوني الاني محتااره وتعبت من التفكيير
واتمنى من كل شخص يقرا الموضوع يعطيني رأيه
انا كان حلمي ابتعاث من الثانويه اختبرت قياس وماجبت الدرجه المطلوبه انقبلت في جامعه الملك فيصل تخصص كميا لكن السنه الي بعدها اختبرت قياس مره ثانيه وكمان ماجبت نسبه والسنه الي بعدها اللي هي السنه عدت الامتحان مره ثانيه وجبت النسبه المطلوبه الحمدالله والشروط منطبقه علي 100% بس راح من عمري سنتين ومتردده مره واخاف انتظر واقدم ماجستير يكون برنامج الابتعاث خلص او ما اجيب المعدل المطلوب وما اضمن الظروف بعد كم سنه
الان الابتعاث وفرصه ما ابغى اطوفها وخصوصا اني ضامنته الان
اتمنى انكم تساعدوني

وعليكم السلام اتوقع هذي اخر سنه لك تقدمين بشهاده الثانوي لان لازم مايكون اكثر من ثلاث سنوات
وبرنامج الملك الى المرحله 15 وحنا ب 9
لكن مثل ماتفضلتي مو مضمون المعدل
انا ارشح الابتعاث لانك ماعدتي القياس الا علشان تبتعثين
استخررررررري والله يكتب لك.الخيره

من لاينطبق عليه الشروط حتى لو اتاه ترشيح مبدئي ماراح يجيه ترشيح نهائي
ان شاء الله خيره
والله يسهل

انا متخرجه من سنتين يعني باقي لي سنه كمان
يعطيييك العااافيه

- - - مشاركة محدثة - - -

الشروط منطبقه علي 100%

والله مثل ماقلتي البعثات في السنوات الجايه مو مضمونه وكل سنه تصعب الشروط اكثر واكثر لإرتفاع عدد المبتعثين وللإكتفاء نوعاً ما
فـ نصيحتي ورأيي المتواضع اذا كانت البعثه هاجس وحلم فـ لا تفوتي الفرصه عليك إذا مستوفيه الشروط
والسنتين الي راحت دراسه اول شي هي ماراحت ع الفاضي ، يكفي التحصيل العلمي الي اخذتيه هالسنتين ، والحمد لله على كل حال فـ بعض الناس يجلس عاطل باطل سنتين ، فـ بالعكس انتي استفدتي من هذه السنتين
فـ لاتكون عائق لك السنتين الي قضيتيها في الجامعه ..
لكن لازم تحطين في عين الاعتبار التخصصات المحدوده ، اذا كان عندك ميول لـ احد هذه التخصصات فـ go ahead

الله يوفقك ويكتب لك الي فيه خير لك وييسر امرك واذا كانت البعثه خير لك الله يسرها لك

الله يجزاكم خير على جهودكم
بالتوفيق للجميع

شكرا لكم

وبالتوفيق للجميع