مشكلتي مع مصااريف الكتب تفضلوا

الله يعين مو بس انت كل الطلاب و انا شخصيا منهم الملحقية لا تعوض عن الكتب
و بالنسبة للتعويض يأخذ من شركة التأمين الطبي إتنا و ليس من الملحقية

كيف اتعوض منهم ؟
ممكن توضح لي الاجراءات

للا سف لا تعوض الكتب الدراسيه
وقد جربت هالموضوع مره
لا يتم تعريض الكتب الدراسيه
الله يعين

وبخصوص تطعيمات الجامعه
تقدري تسوي التطعيم خارج الجامعه مو شرط انك تسويه في الجامعه لو مايتغطي من الجامعه
عموما
التامين يوفر انك تدفع وتطلب الفواتير الاصليه من العياده
وترفع طلب تعويض لايتنا ويعوضونك

بالتوفيق

ياختي اول شي ابدا لك موضوع التطعيمات

تتصلين على العيادات الي بمدينتك وتسالينهم هل تقبلون تامين اتنا؟! اذا قالو يس تتجهين عندهم وتاخذين التطعيمات< الامر جدا سهل ومومعقد

ثاني شي اكتبي اسماء الكتب هنا او رقم ISBN وانا راح ادورهم لك بسعر ارخص باذن الله

موفقه

التطعيمات اخدونا المعهد على العياده وقالوا لازم نتطعم بنفس اليوم حتى ماكان معنا كاش وحاولت أأجل رفضوا تماما
وصار وعشان كدا ابي اعرف بالاول كيف اطلع رقمي تبع التأمين وبالتفصيييل كيف اسوي رقع طلب تعويض منهم
اما الكتب ISBN: 9780983970705 هذا اول كتاب وسعره 106$ مستعمل
ISBN: 9781429261784 وهدا مستأجر بسعر 64$ والى الان مافي متوفر سعره 168$
هدي كتابين لشهرين
اما الباقي ماباخدهم دالحين
يعطيكم العافيه على الرد

الان اشوفهم لك باذن الله

رقم تامينك تتصلين على اتنا وتكلمين الموظف وتعطينه معلوماتك وهو راح يعطيك رقم التامين الي يبتدي ب W

طبعا هذا الرقم يكفيك تماما باي عيادة او مستشفى ومايحتاج بطاقة التامين بوجود رقم ال W

رقم اتنا تقدرين تاخذينه هنا

في هذا الملتقى في موضوع مثبت تحت مسمى كل شي متعلق بشركة التامين على ماذكر

تدخلين وتاخذين الرقم وتتصلين عليهم

يستقبلون الاتصالات 24 ساعه

Psychology 10th edition by Myers | 1429261781 | 9781429261784 | Chegg.com




A Scent of Jasmine | Book | Unknown | 9780983970200 | eCampus.com Student Marketplace | Rent Buy Sell Textbook


موفقه

^^
Chegg جيد وفي كمان موقع اسمه bookrenter

في طريقة ثانيه للحصول على الكتب بشكل أرخص بس ماتنجح دائما

اللي هيه تاخذ الكتاب الاصدار الاقدم

مثلا المطلوب هو الاصدار العاشر بسعر 150$

ابحث على نفس الكتاب من نفس الكاتب بس الاصدار التاسع وتلقاه بفارق كبير جدا جدا جدا يعني في حدود 30$ او اقل حتى

وطبعا من خبرتي الفرق بين الاصدارات بسيط جدا جدا جدا ،، يعني ممكن بس اختلاف في رقم الصفحات ،، تلقى الباب العاشر يبدأ 100 وينتهي 120 ، بينما في الثاني يبدأ 110 وينتهي 130 مثلا

واحيان ارقام الاسألة تختلف ، بدل مو رقم السؤال 5 يكون 3

يعني فروق لاتذكر وسالفة بيع وبس

وعليكم السلام ورحمة الله وبركاته ..
معروف غلاء الكتب .. وفيه كتب تصل قيمتها الى 300$ .. وراح تدفعينها مغرمه على ذلك لانه ماراح تجدين كتب مستعمله ولا تقدرين تستأجرينه ..!
عادة الطلبه يستخدمون كتب مستعمله او كتب الكترونيه وهذا لحفظ اموالهم من صرفها في كتب ! ..

اذا كنتي تفضلين أن تكون الكتب "ورق" .. فافضل طريقة هي البحث في امازون عن الكتاب ... وغالبا ستجدين كتب مستعمله او جديده بنصف قيمة السوق .!
واذا ماعندك مشكله بالكتب الإلكترونيه .. فالافضل انك تشترين تابلت (مثل iPad) أو تستخدمين اللاب توب الخاص فيك .. ويصير تحملين الكتب عليه اما تستأجرينها او لو بحثتي قليلا راح تلقين كتب بالنت مجانيه (على صيغة PDF ) ..
وبهذي الطريقه توفرين 80% من قيمة الكتب ..

علما ان فيه كتب راح يشترطون عليك انه تكون مطبوعه وليس كتب الكترونيه .. وهذي الكتب عادة توصل اقيامها فوق الـ 200$ !


اغلب الطلبه يستخدمون كتب الطلبه اللي سبقوهم .. أو .. يستخدمون الكتب الالكترونيه .. لانها افضل طريقه لتخفيف تكاليف الكتب ..

اذا كنتي ملزومه بشراء الكتب .. دائما ابحثي عنها بالامازون ..
لما تدخلين صفحة الكتاب .. راح تلاقين تحت السعر مكتوب سعر الكتاب جديد وسعر الكتاب مستخدم ..
اضغطي على المستخدم وراح تلاقين ارخص سعر ممكن تلقين الكتاب فيه ..

كل ما بكرتي بشراء الكتب .. كل ما اخذتيها بقيمة ارخص ..

وطريقة انك تشترينها من بدري .. كل اللي عليك لما تسجلين الكورسات للفصل الجاي .. ترسلين رساله الى الدكتور تسألينه عن اسم الكتاب ورقم الـ ISBN اللي راح تاخذونه بالكورس الجاي مع سؤاله اذا يشترط شرائه جديد او مستخدم ..
لان احيانا يشترط انه يكون جديد لاجل يكون فيه كود للكورس على الاون لاين ..
ولما يرسلك معلومات الكتاب .. كل اللي عليك انك تبحثين عنه بامازون وتاخذينه ..
وراح يكون قيمته ارخص من قيمته لما يبتدي الفصل الجديد ..

لان مع بداية كل فصل .. اسعار الكتب ترتفع ..
والعكس لما تبين تبعين الكتب .. في وقت الدراسه تكون ماتجيب قيمه .. لكن قبل كل فصل تكون لها قيمه جيده ..