[الدمام-دبي-دالاس-ويسكونسن] الخطوط الاماراتيه

مسار رحلتك جدا ممتاز ياغالي ..
وبالعكس .. الشيء الوحيد اللي ممكن يعيب رحلتك هو وقت الترانزيست في مطار دبي !
سبع ساعات جدا كثيره ..
انا ما اخذ اكثر من اربع ساعات ترانزيست في مطار دبي .. التفتيش فيه ماياخذ اكثر من ساعه حتى لو كان الطابور واصل الى الجهه الثانيه من المطار !
تفتيشهم سريع ..

ونصيحتي لك بما ان محطتك الاولى بتكون من الامارات ..
خلك خفيف .. بمعنى .. اغراضك خلها مرتبه داخل الشنطه بشكل سهل للتفتيش ..
ومن الان اي عطورات لا تاخذها معك لانهم راح يصادرونها .. لانهم صادروا علي عطوراتي كلها ماخلولي شي منها ! < والله كلها غاليه ولكن متحسف على واحد جايني هديه من اختي ..
(اذا معك عطورات خلها بالعفش .. ولا تحطها بالشنطه اللي بتدخل فيها للطياره ) ...
وايضا راح يكون فيه تفتيش على الجزم اعزكم الله ..
فحاول تلبس صندل حتى ماتتعب باللبس والفصخ ! ..

تفتيش بالمطار الاماراتي شوي ملعوز بس سريع بنفس الوقت ..

بإختصار .. في مطار الامارات .. حاول تخلي الشنطه اللي بتدخل فيها للطياره مافيها الا ملابس .. اما بقية الاغراض .. خلها بالشحن مع العفش .!

اما عن مطار دالاس - تاكساس ..
فانا اختلف اخوي بدر ..
الطياره ماتجي من اقصى الشمال .. بل تجي من الشرق .. وهذا يعني انها راح تحلق من فوق نيويورك ووالجزء الشرقي من كندا (تورينتو) ...
هذا على حسب تجربتي المتواصله في مطار دالاس تاكساس ومطار اتلانتا ..
من الممكن ان تجربة اخوي بدر كانت مختلفه لظروف ما حصلت بخطة الرحله في هذاك الوقت ..

بالاضافه الى ان المده بالطياره الداخليه راح تكون اقل يعني حدود الساعه الا ربع او اقل يعني بيكون اسرع للوصول ..


ااما عنك اخي سلمان ..
في الرحلات القادمة .. حاول ان تكون محطتك الاولى بامريكا شيكاقو .. حتى تكون الرحله الداخليه من شيكاقو الى ويسكونسن بمده اقصر واسرع ..
لان اقرب مطار دولي لويسكونسن هو شيكاقو ..


وتبقى مسألة اختيار المطارات مسأله شخصيه تعتمد على صاحبها ..

على كل حال .. الله يوصلك بالسلامه وانا اخوك ..

ان كانك حجزت فخلاص توكل على الله , لكن المرة الثانية افضل خطوط لك هي القطرية !

من الدمام للدوحة ( توقف ساعتين في الدوحة) وبعدها من الدوحة لشيكاغو , ومن شيكاغو لولايتك والمسافة بينهم اقل من ساعة للعلم فقط

اخوي لا تحسف الامارتيه ممتازه وانشاء توصل بالسلامه

يعطيك العافيه اخوي على المعلومات وماتقصر
طيب يعني لو خذت عطوري ومسلتزمات الحلاقه وحطيتهك مع العفش ماعندي مشكله ولا كيف الوضع...؟
وعلى فكرة مطار جنرال ميتش-ملواكي, في وسكنسون مطار دولي ويبعد عن الجامعه حول 15 دقيقه