حقيبه مصغرهـ فيهآ جميع آلروآبط آلمهمه للمبتعث عن آلولآيآت آلمدن آلجآمعآت آلمعآهد !!

آلحمد لله وهذآ آلمهم إن آلشخص يستفيـــد يودعلي بآلخير ..

فعلآ آلجوآب أللي بخصوص أنوآع آلفيز :
F1 : طآلب يستطيع درآسة 21 سآعه وأكثر في آلإسبوع ودرآسة آلجآمعة فيمآ بعــد ..
F2 : طآلب يدرس عدد سآعآت أقل .. وأحيآن لو مآيبي يدرس مآيدرس ..

وإنتبه لآ تعتمــد على قآئمة آلمعآهد من نآحية F1/F2 لأن هذآ آلشرط فقط على حسب آلمعهد ..
فيه وحدهـ هنآ جآت مع زوجهــآ بفيزهـ من نوع F2 وآلمعهد في آلقآئمه مكتوب F2/F1 ويوم قدموآ عليه رفض يعطيهآ قبول !!
بحجة إن آلمعهد لآ يقبل أللي فيزتهم F2 ..
إنت لآزم تســأل آلمعهد يقبل حآمل آلـ F2 أو لآ ..
أمآ بخصوص آلملحقية من نآحية آلمعهد يقبل آلمرآفق أو لآ .. مآيركزوآ على هذآ آلموضوع أهم شي جيب لهم قبول وخلآص ..
وآلقآئمة أللي تشوفهآ هذهـ فقط تطبق على آلمبتعث يعني آلمرآفق يدرس يدرس حتى لو كآن آلمعهد متكدس ..


أمآ آلتوآريخ لآزم تنتبــــه لنقطة مهمه .. آلنظآم الأمريكي في آلتوآريخ معكوس وأللي إنت شفته هذآ تآريخ معكوس ..
آلنظآم آلأمريكي آلمتبع في كتآبة آلتآريخ :
شهــر/يوم/سنــة
يعني آلمعهد أقفل بتآريخ 12/04/2013 .. قبل 5 شهور
إذآ كآن جنبه كلمـــة مقفل .. أو كلمة متكدس !!
وإذآ مآجنبه شـــي .. يتبين لـــي إنهم أعآدوآ فتحه بهذآ آلتآريخ ..
آلمعهد أللي قصدكـ عليه وش مكتوب جنبه غير آلتآريخ .. إذآ مو مكتوب شي معنآته آلمعهد كآن مغلق وفتحوهـ بآلتآريخ آلمكتوب جنبه ..

وأي إستفسآرآت تفـــضل ..

ماتقصر اخوي وجزاك الله الجنة ..


كان جنب المعهد كلمة متكدس وجنبه التاريخ ..

انا الحين شايله هم المرافق بجد كيف اذا المدينة اللي اخترتها مافيها معهدين وكلهم f1 اوك راح استفسر واسال اذا يقبلون f2 او لا .. لنفرض انه لا مايقبلون ايش الحل ..

اقدر اخليه يطلع من هنا بفيرا f1 ؟ والمشكلة انه مايعطونه ضمان مالي الا لاوصلنا هناك .. انا مابيه يقعد شهر شهرين او اكثر من غير شي .. والله يطفش ويرجع واكل انا هواء *_*

وشهادة بنكية مراح يقدر يطلع لان توه ماصار له شهر موظف .. واحتمال يترك اذا جاء القبول النهائي ..

والله جد محتارة .. وخفت اكثر لما قلت ان مو كل معهد كاتبة جنبها f1,f2 يعني تقبل

آللهـــم آمين أجمعيــــن ..
بقولكـ شـــي مهم .. إذآ مرآفقكـ نــآوي يكمل درآستـــه آلأكآديمية معكـ من لغــة ومعهــد ونآوي ينتظم في درآسته من أول مآيروح معكـ للبعثه إلى تنتهي
آلأفــضل يآخــذ F1 من هنــآ ..
لأن بعدين إذآ ربي وفقه وخلص لغــة ويبي يدر جآمعة لآزم يحول فيزتــه إلى F1 .. وإنتي بدل وجع آلرآس هذآ كله تقديم أورآق من جديد وتحويل ..
مرهـ وحدهـ خليه يآخــذ F1 من بدري ..

أمآ آلضمآن آلمآلي ترى بسيطــة .. أقرب شخص من عآئلتكم من أبوكـ أو أخوكـ أو أي أحــد يحول لحسآبه مبلغ معين ويآخــذ عليهآ شهآدة بنكية يقدم فيهآ
على آلمعآهــد وبعدين للسفآرهـ ..
وبكذآ تنحل قضية آلشهآدة آلبنكية ..

بآلتوفيق ..

والله ياخوي ماقصرت ربي يسسد لك خطاك ويسخر لك عبيده وين مارحت ..

انا ادري زودتها كثير بالاسئلة *_* << ترى اذا انعطيت وجه مشششكله هههههههههههههههه

بس لما قريت ردك عن الشهادة البنكية وانه يقدر ياخذ من اي احد مبلغ معين

رحت فريت في بحث مبتعث عن الموضوع هذا بس في اشياء مافهمتها ..

مثلا في اعضاء قالوا ان المبلغ عادي يكون بحدود 8000 دولار ..

وافضل اجيب قبول للمرافق من المعهد لمدة 3 شهور علشان المبلغ مايكون كبير ويقدر بهالشهرين ينضم للبعثه .. << هذا شيئ حلو لكن

في اعضاء كاتبين انو لا لازم يكون بالحساب اكثر من 30000 دولار حتى تكون موافقة السفارة اكبر وان هالمبلغ لازم يكون بالحساب لمدة 3 شهور قبل موعد السفارة ..

احتست بقصة كم المبلغ المطلوب ؟

وهل الأصح ان اجيب قبول من معهد لمدة 3 شهور علشان المبلغ يكون اقل ؟ << لأن محرج نطلب مبلغ كبير >_<

طيب الضمان المالي اللي اخذه من الوزارة مايكفي اني اضمن مرافقي فيه ؟ ع الاقل للمعهد بس

والشهادة البنكية اذا ضروري اقدمها للسفاره بس >_<

واجد اسئلتي صح >_<

ترى مسامح اذا ماجاوبت لأن مالومك ^_^

لآ لآ لآ بآلعكـــس .. إســألي وخــذي رآحتكـ ..
يعلم آلله مآكنت موجود بآلأيــآم أللي رآحت وقليل أدخل على آلمنتدى ونسيت آلموضوع ..
لإنشآغلي ببعض الأمور ) :

شوفي سآلفة لآزم هذهـ سآلفتهآ سآلفة وكل مين يفتـــي على حسب علمه, لكــن آلعلم الأكيد تلآقينه بموقع آلمعهــد
لأن دآئمآ يكتبون إنه لآبد من توفر آلمبلغ آلفلآني في حسآبه وإذآ مآلقيتي هآلشيء مكتوب في موقعهم .. أرسلي إيميل وإستفسري منهم ..
هي تعتمــد من معهــد لمعهد ..
وأنآ أفضل لكـ تطلبي قبول عآلأقــل لمدة 6 أشهــر لجل يسآعدكـ في إستخرآج آلفيزآ إذآ كآنت من نوع F1 ..
لأن أفضل حل لأي شخص يبي يطلع كمرآفق يطلب فيزة F1 لجل يقدر يدرس بعدين ومآيشيل هم تحويلهآ ..

أمآ آلمرآفق وآلضمآن آلمآلي من وزآرة آلتعليم آلعآلي .. مآرح يقبلوآ فيه نهآئيآ,
لأنهم يتعآملوآ معكـ كفرد وليـــس كـ مجموعة !!
وآلضمآن آلمآلي مكتوب فيه إسمكـ .. وآلوزآرة مآدري ليه مآيسلموآ آلمرآفق ضمآن مآلي لغرض آلقبول !!
لجل كذآ آلأفــضل تعرفــي كم آلمبلغ آللي آلمفروض يكون موجود بآلحسآب لأن أذكر مرهـ رآسلت معهد وطلبوآ مني أزيد آلمبلغ في آلشهآدة آلبنكية ..
إنتي إحتيآطآ خليه يودع مبلغ أكثر ممآ هو مطلوب لجل تزيد فترة آلقبول ..

وأي إستفســآر .. حيآكـ بأي وقت ..
موفقه,

^
^
^
هو السفاره مايهمها كم في حسابك .. المهم أنه يكون مبلغ يكفي لسداد رسوم المعهد ..
وهذا الشيء يكون مكتوب بالايتوني !
يعني مثلا الايتوني مكتوب ان قيمة التكلفه 20 الف دولار .. خلاص لابد يكون فيه مبلغ يساوي هالمبلغ بالحساب ويضاف عليه ربع القيمه كمعيشه !
بالتالي يعرف انك قادر على التعايش وسداد المستحقات الماليه في امريكا وماراح تحصلك مشاكل مستقبلا !

لانهم يعرفون ان الطالب يروح هناك ويلتحق بالبعثه < لايغرونك ترا السفاره تعرف نظام الابتعاث بكل تفاصيله ..!

ولايهمهم اذا كان المبلغ بالحساب له يوم او سنتين !
بس المهم ان المبلغ بالحساب متاح !

حتى لو اختلف المبلغ مابين الضمان البنكي وكشف الحساب .. برضوه هذي ماتسبب لك مشكله بإذن الله ..
لان اعتمادهم فقط على كشف الحساب .. ومقارنته بالمبلغ الموجود بالايتوني !

الله يسعدك اخوي ويسسر امورك يارب .. جد ماقصرت مراح انساك والله بدعوة بظهر الغيب ..

موقع المعهد مو ذاكرين شيء عن المبلغ لكن راح اراسلهم ان شاء الله ..

جد ماقصرت اخوي الله يسعدك ..

وأكيد ان شاء الله اذا عندي استفسار ببلشك ^_^

مشرفين أعضاء مبتعث .. والله ماأعرف كيف أشكركم ..
لكن والله مابنساكم بدعوة بظهر الغيب ..
يمكن الناس تستغرب شكثر انا افرح وانبسط وادعي من قلبي لكل شخص يساعدني ( مع انه ردة فعل طبيعي ) لكن والله لأني فقدت الأمل إني الاقي احد يجاوب على استفساراتي

وخصوصا المبتعثين .. لأن والله مافي مبتعث ولا مبتعثة بالمعهد والجامعه اللي ابيها كانو يساعدوني للأسف..
دخلت ع صفحة المعهد بالفيس بوك وحاولت اراسل السعوديين المسجلين بالمعهد لكن محد يرد .. والمشكلة الجامعة مالقيت لها نادي سعودي ..

وقلت بنفسي يلا بمششي ع البركة والله بيسرها لي ..

بس لما جت الأمور بخصوص محرمي ماقدرت الا استفسر وادور احد يجاوبني لان المعهد مايدرس الا f1 ..

والله من كثر ماعشت نفسية وانا اراسل السعوديين وكل يوم ادخل صفحتي ادور اجوبتهم ومالاقي لهم أجوبة ماغير أشوفهم مدهرين بصفحتهم بالاايكات للأجنبيات ^_^
وينزلون صورهم وهم مكدشين ^_^ .. أتمنى إن ربي يسسر اموري وأكون مكانهم والله والله مابخلي أحد يجي يدور عندي مساعدة والا حتى معلومة الا وهو ماخذها ^_^

أصلا بسسوي زي موظف زين واسوي هشتاق بتويتر اسمه إسألني ^_^ ..

يالله الله يجزاكم خير يارب ويسخر لكم عبيده مثل ماسخركم لنا بهالمنتدى .. وجعل كل معلومة تقدمونها لنا هنا بميزان حسناتكم بوزن جبل يارب ..

عارفه طولتها بس كان كلام بنفسي ومارتحت الا لما قلته >_<

بس عندي استفسار << هههههههههههههه ما أنسى

انت ماقصرت بردك كاتب ( ولايهمهم اذا كان المبلغ بالحساب له يوم او سنتين !
بس المهم ان المبلغ بالحساب متاح ! )

يعني اذا حطيت المبلغ بالحساب واخذت عليه شهادة بنكيه مااسحبه من الحساب الا بعد مايطلع اخوي الفيزا f1 ؟
مع انه في اعضاء كاتبين ععادي بمجرد تاخذ الشهادة عادي تسحب المبلغ كله << صحيح ؟

ترى مو لازم تروحين لهالمدينة اللي ماحصلتي فيها احد يرد عليك ،، فيه عند ولايات بالهبل شوفي وين تخصصك وحاولي تكونين في نفس المعهد التابع للجامعة او عالاقل في نفس المدينة لان ماانصح في التنقل الكثير خصوصا اذا جاء الواحد لأمريكا ووقع عقد سكن وبعدين نقل العفش وبهذلة على غير سنع .. حددي وجهتك من الان في كذا مدينة وبعدها توكلي على الله وشوفي الانسب من جميع النواحي. طبعا نصيحة لا يطلع محرمك الا بفيزا F1 من الان عشان لو جا هنا بيبهذل عشان يحولها من F2 الى F1 ..
من ناحية المبلغ هو اتوقع مافيه اشكال انك تسحبين المبلغ بس الافضل وعشان تكونين في السليم خليها الين تنتهي الفيزا.

انتي كل اللي عليك تسوينه .. انك تحطين المبلغ كامل بالحساب ... وتسوين عليه شهاده بنكيه + كشف حساب 3 شهور ...
وخلاص تقدرين تسحبين المبلغ بعدها اي وقت تبين .. بس الافضل انك تسحبينه بعد استلام الفيزا .. تحسباُ للظروف !

كل اللي اخذوا فيزا في خلال الثلاث شهور الماضيه حسب ماشفت منهم .. السفاره طلبت منهم كشف الحساب لمدة ثلاث شهور ..
وبعضهم اخذوا منه الشهاده البنكيه + كشف الحساب !

فهي تعتمد على اللي بيكون ماسك الاوراق ! اما ياخذ فقط كشف حساب او يطلب معها ضمان بنكي !

فانتي فقط وفري الاثنين .. واتركي المبلغ بالحساب مثل ماقلت لك .. لحتى تطلع الفيزا .. بعدها كيفك تصرفي بالمبلغ بمثل ماتبين !