السلام عليكم ورحمة الله
انا ان شالله رايح لمدينة سانت لويس بولاية ميسوري انا وزوجتي ومعاي طفله عمرها سنه ونصف بالحقيقه مادري اذا كانت فلوسي تكفي للأثاث والسياره وما شابه
مع العلم ان ميزانيتي 16 الف دولار شرايكم ؟؟؟؟؟؟؟؟؟
عرض للطباعة
السلام عليكم ورحمة الله
انا ان شالله رايح لمدينة سانت لويس بولاية ميسوري انا وزوجتي ومعاي طفله عمرها سنه ونصف بالحقيقه مادري اذا كانت فلوسي تكفي للأثاث والسياره وما شابه
مع العلم ان ميزانيتي 16 الف دولار شرايكم ؟؟؟؟؟؟؟؟؟
على حساب الدولة ولا الخاص !!
اذا انت جاي مبتعث راح تكفيك وتزيد انشاءالله
انا مثلك جيت مع زوجتي وبنتي وبنفس الولاية لكن مدينة اخرى نفس اسعار سانت لويس اخذت معي تقريبا 25 الف ريال سعودي والحمدلله كفتني
هي تعتمد على نوع السيارة الي تبي تشتريها السيارات بتلقى من 4000 الى 15000 دولار
انا مبتعث يا باسم وشكرا امير
الله يزيدك من فضله، 16 ألف تكفيك بإذن الله، ويبقى الموضوع على حسب السيارة؛ فالسيارة قد تجدها من 3500 إلى 35000 على حسب رغبتك وحاجتك.
وعليكم السلام ورحمة الله وبركاته ..
أولا الله يجيبكم بالسلامه ويبعد عنكم كل مكروه يارب العالمين ..
ثانيا الله يزيدك ويبارك لك فيما اعطاك ..
ثالثا ..
مثل ماقالولك الاخوان .. السياره هي اللي راح تكلف .. اما بقية الامور فبسيطه باذن الله ..
إذا كان على الاثاث وماشابهه .. حط في بالك 3000$ هذي خاصه للاثاث بشكل كامل .. وللعلم راح يبقى معك مبلغ مو شوي منها !
هذا طبعا اذا ماراح تثقل في اثاث الشقه .. يعني خذ حسب احتياجك فقط .. حاول انك تقتصد .. لان الاثاث امره هين وبإمكانك تزيد فيه بعدين !
لكن مبدئيا خذلك فقط الامور الاساسيه مثل السرير والتلفزيون والكنب والاشياء المستخدمه بشكل دائم ..
حتى بعد فتره لو حبيت تنقل لمكان افضل من المكان اللي انت فيه .. الا تكون خفيف وتنقل وتستقر بالمكان الجديد .!
ولو حبيت مكانك ولا تبي تغيره .. بإمكانك تزيد باثاث الشقه على راحتك ..
والسياره امرها هين ان شاء الله .. بس دورلك سياره اقل من 10$ دولار .. راح تلاقي كثير .. بس شف اللي يناسبك وتوكل على الله !
وترا للمعلوميه .. 16$ الف دولار .. هذي تجيبلك كوريلا وكاله تيوتا :) .. وانت عليك الحسبه ! ..
واذا تبي نصيحتي ..
اذا عندك امكانيه تزيد هالمبلغ .. زيد قد اللي تقدر عليه ..
حاول ماتطلع الا ومعك على الاقل 20$ الف دولار ..
لان اول الايام راح تتعب بتكاليف السكن والايجار والفواتير وما الى ذلك .. يعني راح تصرف اول شهر لايقل عن 5000$ وهذا بدون السياره ! (وقابل للزياده ) .. !
فالزياده ولا النقصان ! ..
واللي يبقى راح تقدر تحط شي منه بالسياره .. والباقي اكيد بتخليه لحالات الطوارئ ! ..
الله ييسر امورك ويحفظكم ويبعد عنكم كل شر يارب العالمين ..