المشاركة الأصلية كتبت بواسطة أنا العنود
الله تعالى ذكر في القران الكريم ( فإمساك بمعروف أو تسريح بإحسان )
لكن الفضايح والسجون والغربلة .. أعتبرها حماقة
يعني أكيد إن الزوجة ما وصلت لمرحلة انها تشتكي على زوجها إلا إنه فعلا مطلع عيونها ولا يفيد معه لا الحكي ولا غيره ..
طيب الشئ الأكيد إنها من تزوجت هذا المخلوق وهو على نفس الطبع مطلع عيونها ... صباح الخير لسى يعني في أمريكا تدري إنه مجننها ومطلع عيونها ...! وش الي تغير في الموضوع طالما إنها من تزوجت وهو كذا طبعه !!
لكن سالفة إنها عارفة البير وغطاه .... وقعدت تقردن زوجها يصير محرم لها في الغربة ... ويوم وصلوا هنا وشافت الوضع والحياة وبدت تفكر وتسمع لفلانة وعلانة وكلام رفيقات السوء ... وقالت بس مالك إلا تسجنينه عشان يتربى ..!!
طيب وش النتيجة !! وبعدين يعني إذا طلع من السجن على بالها بيحب على راسها وبيقول أنا خلاص تربيت !!!
ولا على بالها بيمشي مسطرة ..!!
والله ما راح يناظر فيها وبيكرهها أكثر وأكثر والأكيد إنه خلاص بيطلقون !!
وبتصير علكة على كل لسان .. لأنها عالجت الغلط بالغلط .. زوجها غلطان في تعامله معها .. وهي عالجت الغلط بغلط أعظم واسجنته ..!
وش هي الحياة اذا طلع من السجن والعيشة كلها إذا بتعيش مع واحد أو هو يعيش مع وحدة ولا بينهم تفاهم وذرة مودة ورحمة !!
ف ليش من البداية الشكاوي والمحاكم والسجون ... حتى نفسية عيالها كيف راح تكون !! ... بصراحة أعتبرها وحدة أنانية وحمقاء ... طالما ما عندها القدرة والاستطاعة انها تتحمله محد بيجبرها عليه .. تتطلق وانتهى الموضوع ..
على الأقل تطلع من حياته مثل النسمة .. دخلت بهداوة وطلعت بهداوة ...
ولو بيذكرها بعدين ... بيذكرها بالخير ولعله يندم على عمايله السوداء ..
أسأل الله أن يصلح الأحوال ..
( فإمساك بمعروف أو تسريح بإحسان )
حطي نفسك بمكان وحده زوجها ذلها من يوم تزوجته موظفه ولا تشوفين قرش واحد من الراتب
سفريات وروحات وجيات وانتي ممنوعه من كل شي لكن قدام الناس يوريهم انه عازك
سويتي كل شي اشتكيتي لاهلك واشتكيتي للناس وصاحباتك
لكن المشكله
لو طلبتي الطلاق بالسعوديه راح ياخذ عيالك
لو طلبتي الخلع لازم ترجعين المهر والراتب اللي يوصلك من وظيفتك بيد زوجك اصلا يعني ماتقدرين ترجعينه
غير المده اللي راح تقعدين تلاحقين فيها
غير ان الزوج ممكن يلعب بعقل اخوانك وابوك ويخلي الخطأ عليك
غير الشروط اللي زوجك يحددها وعلى كيفه علشان يطلقك
"هذا مو سب ولا تنقيص في القضاء بالسعوديه
احدى قريباتي راحت للمحكمه تشتكي لزوجها والقاضي امر الزوج بنصف الراتب مع توفير السكن للزوجه واذا ماتم التنفيذ يأمر بسجن الزوج
لكن المشكه وين اللي مثل هالقاضي متوفر بالسعوديه اغلب المحاكم مزدحمه بالمشاكله وواسطات ولعب مالله به عليم"
وجت لزوجك فرصه انه يكمل دراسه خارج السعوديه
سافرتوا وسمعتي من بعض الحريم انه تقدرين تاخذين حقك من زوجك
تروحين للمحكمه او المحامي وتسألين ايش تبعات القضيه
يقولون لك نوفر لك وظيفه عاديه علشان تصرفين على نفسك وعلى عيالك لحد ماتلقين وظيفه تليق بمقام شهادتك الجامعيه
الزوج اذا كان موظف يصرف عليك وعلى عيالك غصب عليه
ولا يسافر من امريكا الا بشروط كثيره علشان يضمنون لك حقك
ايش راح تسوين؟!
راح تقولين ابي ارجع للهم والغم والظلم ولا راح تقولين تشتكينه علشان تعيشين وتعيشين عيالك بعز وكرامه؟
hayway June 17th, 2013, 03:02 AM
7 " 
LinkBack URL
About LinkBacks
موضوع ليس له اي فائده من المناقشه...
الطرح جدااا فقير "موضة"؟؟؟؟
مايستفاد البيوت اسرار وكل شخص ليه مشاكله الخاصة..
للاسف الرجل السعودي"البعض" تنقصه التربيه وبعض الاحيان عدم خوف من العواقب"عارف القانون في صف" اضف ناسي انه مراقب من الله...
هل في يوم ووحده راح تشتكي عشان تادب جووزها؟؟
انت منك معاهم في البيت وجلساتهم الخاصه... انت ماتعرف كيف اتزوجو... انت مااتعرف المر الي البعض يدوقه.... الدوله راح تدعم الرجل وانت عارف .... اذا انت تخاف الله غيرك فاهم القوامه بطريقه غلط.
اذن ليس هناك داعي من مناقشه مشاكل تكاد او انها تماما خاصه بين زوجين وطريقه عشرتهم لبعض ... ممكن ساعدت اشخاص بس الزوج ماراح يقلك ويفتح فمه ويقلك اش تقصير زوجته والعكس صحيح كمان ....لانه اشياء خاصه
صدقت موضي الخلف احسن ننشغل بدرستنا وكل شخص يعدل سلوكه مع اهل بيته كما وصانا الدين ومحد راح يدخل السجن... المشكله من المجتمع في الاصل .. راي خاص اكيد