موضة سجن الازواج في امريكا

حبيبي بكل بساطة .. الرجل له الحق ان يضرب زوجته لكي يادبها وما يكون الضرب مبرح!! نحن عندنا فرش بالعقال ويفرض رجولته عليها لانه ضعيف .. يستاهل اللي يجيه وخليه يخيس في السجن الين يعرف ان الله حق
اما على سالفة ان الزوجة تحزن .. فاكيد تراه زوجها ! ما تبغى تشوفه يتالم بس مع ذلك ما تبغى تناخذ مذلة وتنضرب بس استعباط
واما عشانك شفت حالتين .. فصدقني في البلد شي يشيب الراس وحتى يكون معروف عند ناس انها دايم تنضرب من زوجها وولا احد يقول شي ,,,, على الاقل هنا يذكرونهم بالقوانين اذا الرجل نسى فقرة من دينه

اتمنى الي يرد على الموضوع يكون متزوج او متزوجة وفاهم انا ايش اقصد ,, الي اقصده ان الصديق يبين في الغربة وفي الشده ,, فما بالك بزوجتك هي الي تسجنك وفي غربة , شيء مؤلم جدا

ماني عآرفه وش السآلفه بس الزوجة آذا سجنت زوجها معليش يعني هذي حمارة يبي من يكسر رآسها والله لو آيش يبقى زوجها وهم بغربة + تخلي كل الناس يتكلمون عليه

صدق همج !!

بعض الحرريم يبي لهم سجن مؤبد لانهم نذلات حييييل ><

وآذا فيه مشكله تحلها بهداوه موب كذا فاهمين القانون غلططط ..

اولا : السلام عليكم ورحمة الله وبركاتة اخوي يوسف .
ثانيا: الله يجزاك الف خير عما تقوم به لمساعدة اخوانك المبتعثين , على الرغم من اني ماقابلتك ولكنني ساكن في فلورتون اسمع عن مواقفك النبيلة مع اخوانك المبتعثين واسال الله العلي العظيم رب العرش الكريم ان يصلح لك الحال وييسر لك امورك.
ثالثا: بخصوص موضوع الملحقية وموضي الخلف والقنصل بلوس انجلوس , في ناس مايحبون يتحركون الا اذا كان في الموضوع اعلام, يعني احنا سوينا واحنا فعلنا, لكن اذا الاطراف مساكين مالهم ظهر مايتدخلون " بالعربي يحبون التلميع " نسال الله ان لاتقوم قائمة لهؤلاء الاشخاص لانهم مو اهل للمناصب اللي يتقلدونها.
رابعا: بخصوص موضوع الضرب انا بكون حيادي هالمرة لانه مانقدر نعمم الا بحسب الحالات , كل حاله على حده, مانقدر نقول للمراة انتي غلطانة لانك بلغتي عن زوجك لانه ممكن يكون مالها الا هذا الحل.
بعض الازواج يجيك سكران اخر الليل ومايلقى الا بنت الحلال المسكينة ويحط يدة فيها وهنا انا انصحها انها تبلغ عنه الشرطة عشان اللي مارباه ابوه وامه تربيه الحكومة.
في المقابل انا واجهت بعض الحريم من العقليات اللي يوم حطت رجلها بمطار امريكا خلاص اعتبرت نفسها امريكية و مابقي عليها الا تستنى قدام المراية لين تقلب عيونها زرق وشعرها يقلب اصفر
وخلاص اعتبرت اللي معاها " السائق الخاص" ومابقي الا لما تنزل من السيارة تعطيه شنطتها يشيلها لها لانها مسكينة تعبانه دراسة وكرف.
انا انصح كل شخص يقع في مثل هذي الحالة ونصيحة لله" اذا كانت هي المبتعثة يرجع السعودية ويبلغ الملحقية انه رجع وان مامعاها محرم ولاا انه يمد يده عليها ويروح في سين وجيم واذا كان هو المبتعث اقرب طيارة ويحجز لها ويرجعها السعوية لين تتربى مزبوط اما اذا كانت هي مبتعثة وهو خرب حياته عشانها انصحه يدور له وحدة مبتعثة ويتزوجها على سنة الله ورسوله"

هذا رايي يحتمل الصواب ويحتمل الخطا. ان اصبت فمن الله وان اخطات فمن نفسي والشيطان.
اللهم بارك لنا في شعبان وبلغنا رمضان و هون علينا سفرنا هذا و اطو بعده انك سميع مجيب الدعاء.

اللي اقدر اقوله شي واحد بس " اهلك عرفوا يربون " الله يحفظك من كل مكروة .

مشكووور اخوووي وربي يحفظك ويسهل درربك

المسأله ماهي مسألة موضه ..
وإنما هي مسألة "صحبه فاسده"..
بمعنى .. أن البنت تجتمع مع بقية البنات وتسمع منهم وتطبق على الزوج ..
حتى لو كان الزوج مو مقصر معها بشيء .. وممكن المسأله بسيطه ماتستاهل ..
لكن تطبق فكرة فلانه لانها اقنعتها بطريقتها ! ..
واذا شافت ان المسأله صارت معقده وعرفت ان اللي عملته خطأ لانها سمعت كلام فلانه من الناس !
ترجع تبكي وتتندم وتحاول تحل المشكله لاجل يردوا لها زوجها ..

وهذا الحاصل مع غالبية النساء !

الخطأ لايقع على النساء فقط .. بل الخطأ يقع على الرجال ايضا !

فالرجال لابد أن يعودوا نسائهم على وجودهم بحياتهم وعدم اتخاذ قرارات وافكار قبل الرجوع لزوجها !
لان الحياه الزوجية حياة مشاركه ..
والكل يكمل الاخر .. فلا تصلح المرأه الا بزوجها ولا يصلح الزوج الا بإمرأته ..
ولكن الأمر الاساسي يكون بالرجل .. فهو القادر على ان يضبط زوجته ويعلمها ويقودها بحياته بالطريقه التي ترضي الله ثم ترضيهم ..
وليس أن يقودها كالبهيمه .. ولعل هذا الامر يجعل النساء يلجأون الى بعضهم البعض واتخاذ قرارتهم دون علم الرجل ..
لأن فطرة المرأه تحب أن تحس بخشونته وحكمته واهتمامه بها بحياتها .. حتى تحس بالطمأنينه والأمان ..
ولكن تأتي المشاكل حينما ترى معاملة زوجها فقط لقضاء حاجه دون ان يعطيها اساس ثابت من البدايه ويعودها على حياته وماذا يريد منها ان تعمل !
فإذا المرأه لم تعرف ماذا تفعل في حياتها مع زوجها .. لجأت لقريناتها ! والذين من المفترض ان ينصحوها لخير .. ولكن بعض القرناء شر متحرك!

فلابد للرجل أن يعطي المرأه حقها اولا ثم يقودها بحياته بحيث يبني اسس ثابته في حياتهم .. فإذا بنيت هذه الاسس .. تسهلت بقية الامور باذن الله ..!

فالله عز وجل قال في كتابه الكريم (الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا )


الله يصلح الحال ويهديهم غصب عليهم يارب العالمين ..

بصراحه الموضوع صعب انا عن نفسي ولا ممكن ابلغ عن زوجي لان ما ارضي السجن لعدوي كيف ارضاه لزوجي وفي غربه كمان

بس انتو بكلامكم كانه عادي ان الحرمه تنضرب كل وحده حره بتفكيررها واذا شايفه ان زوجها يستاهل يتعاقب خليها تعاقبه

وفي اخ يقول اذا اذا هي مبتعثه اوجع وبلغ انها بدون محرم واذا انت مبتعث رجعها

جد كلامك فيه من الانانيه الكثييييييير

طيب اساس الموضوع انه هو ضاربها فوق هذا يتمنذل عليها

الغلط من كلا الطرفين ..

الزوج لمن يضرب يهز كرامته ورجولته قبل لايهز كرامة زوجته لان الدين وصانا في الضرورة على تعنيفهن وليس ضربهن ..
فالامرة العاصية والفاجره يحق لزوجها تعنيفها او ارسلها بيت اهلها يربوها انت مو جايبها تربيها .. اهلها ادرى منك بطريقة تربيتها ..


الزوجة اللي تشتكي زوجها .. لاتحلم بيوم انها ترجع لزوجها لانها اهانت كرامته ..
وان فرضنا ان اصلا هي ماتبيه تري حتى هو يقدر يرجع السعودية بامر من الحكومة السعودية .. ( ماني متاكد من هالشي بس اسمع فيه )
وهذا ابو عيالك و بيتك واهلك اللحين حتى لو ضربك دخلي اهله بالموضع مو اهلك !
اهلك راح تاخذهم العزة بالنفس ويخربونها اما اهله ممكن يحلوها .. اذا ماحلوها دخلي اهلك ذاك الوقت ..
واذا مافيه أي حل عادي انفصلوا ماهي اخر الدنيا ولا ترمية بالسجن حتى لو كان عدوها هذا ابن بلدها ..