موضة سجن الازواج في امريكا

وجهت نظري دامها في امريكا من حقها انها تشتكي وتاخذ حقها اذا غلط الرجل في حقها
شي مشروع ما اشوف فيه شي أبداً من ابسط حقوقها كأنسانه
لأن فيه حبل للحوار و التفاهم وحل المشاكل اذا انقطع هذا الحبل فهذي مشكله كبييره قد يكون مرجعها الى جذور عميقه منذ البدايه في اختيار الشريك المناسب
واذا كانت بالسعوديه تصبر وتاكل تبن.

اعتقد فيه ناس كثير ردودها راح تتغير لو عكسنا الموضوع,
لو الرجال بلغ عن زوجته وسجنها.

وش هو السبب؟؟؟؟؟ ماعمري سمعت بهالمعلومة من قبل!!!!!

يا جماعة ايش رايكم نقفل الموضوع عند هذا الحد ,, لأن الموضوع بدأ يخرج عن الموضعيه

طيب انتو شفتو انهاا غلطانه علشان تشتكي وتسجنه

بس هو مو غلطان لما يضربها ويهينها ولا علشان تعودتو تسمعون ان المراه تنضرب فصار عادي ؟!!

من حقها تشتكي اذا كان يضربها اذا مافيه احد علمه الرجوله خلي السجن امريكا يعلمه

للاسف قله من يطلق عليهم اسم رجل ..

اما اذا كان هي اللي تشتكي بدوون سبب او على شيء تافه فهي غبيه

ياخي عبدالله 2020

لا تأخذ من السنه والحديث ماتريد وتترك الباقي
كل مسلم عاقل يعرف ان الاسلام مبني على الاخلاق والعدل
من احاديث النبي صلى الله عليه وسلم واللتي يعرفها اغلب الناس
"خيركم خيركم لاهله" و"" استوصوا بالنساء "
وقوله عز وجل " وعاشروهن بالمعروف"

فمهما للرجل من حقوق ولا احد ينكرها فللمرأه حقوق ايضاً
حديث النبي صلى الله عليه وسلم عن السجود للزوج كان لتعظيم حقه
وليس اي زوج يعظم حقه
فالنبي صلى الله عليه وسلم قال "انما بعثت لاتمم مكارم الاخلاق"
فاذا كان الزوج لايعرف من الاخلاق شيئاً محتال وظالم لزوجته فهل يشمل معنى تعظيم حق الزوج اللي ذي في حديث النبي صلى الله عليه وسلم ذلك الزوج الظالم؟
لا انكر انه فيه نساء لا يعطون حقوق ازواجهن لكن اعدادهم لا تقارن بالازواج الذين يظلمون زوجاتهم

مشكلتنا للاسف نأخذ من الدين ما يمشي مع هونا و ما تشتهي انفسنا للاسف الشديد بكل امور الحياة

وصدق الرسول صلى الله علية وسلم عندما قال القابض على دينه في اخرى الزمان كالقابض على الجمرة




عارف انت اذا هاجرتها بعضهم يعاند ويستمر الله يهديهم حت تهجرها بالفراش بعد مهب كل واحد ينام بمكان لا تنام معها بفراش بس تعاملها تقل مهب فيه

لكن بالوقت هذا !! يقول لك اضرب الزوجة بزوجة اخرى لأنها تولع وتشب الغيرة

والله كل رأي قريته فيه جانب من الصواب و جانب من الخطأ و اعتقد انه ردي رح يكون من هـ النوع
لكن اللي احب اقوله انه المرأة اللي تشتكي زوجها ما تتعدى انها تكون شخصية من ثنتين
1/ اما انها امرأة كفو و بنت رجال و اخت رجال و طاحت في واحد ذكر يمارس كل المنكرات الشرعية و العرفية بـ سعة وجه و بعدين يجيها يفرغ مشاكله
فيها !! في هـ الحال السجن مو حل ,, الا لو تلقى واسطة تقرشعه لـ غوانتنامو حلال فيه ,,
اما انه اقول انها سمعت كلام صاحباتها ما اعتقد انه شيء دقيق او واقعي ,, الحرمة تسمع كلام صاحباتها في مشكلة بسيطة ,, في تغيير طريقة تعاملها مع زوجها ,, بس مو في
انها توديه في ستين داهية !!!!!!!!
حسابات المرأة في هـ الامور معقدة جدا ,, حتى اكرم بنت و اللي طالعة من اكرم بيت تفكر الف مرة قبل ما تنفصل عن زوجها ولو كان اسوأ الرجال احنا نتكلم عن عشرة و حياة مو بـ السهولة
تنهد في لحظة ,, ممكن تهدد و تتوعد بـ الطلاق لكن كـ قرار تتخذه صعب جدا
فما بالكم بـ انها تسجن زوجها و اللي يكون ابو عيالها !! قرار مش بسيط و يحتاج انه الرجال يكون اوغل صدرها بـ طريقة مش طبيعية و على امتداد فترة طويلة

2/ الحرمة عايشة حياة امريكية منتهية و زوجها مانعها من هـ الشيء فـ الحل الاسهل و الاسرع انها تتخلص منه بـ اية طريقة
واعرف بنات لو ما فيه قرابه بينها و بين زوجها كان قرشعته على ابو زعبل زي واحد سرى ,, لكن العواقب الاسرية الوخيمة اللي تنتظرها تخليها تفكر مية الف مرة


المشكلة في هـ الناحية في النظرة الدينية الضيقة اللي نمتلكها
كل الرجال حافظين اية النشوز ,, لكن قلة اللي يتذكر اية المودة و الرحمة بين الزوجين
كل الرجال حافظين حديث سجود المرأة لـ الزوج ,, لكن قلة اللي يتذكروا حديث خلق المرأة من ضلع اعوج و الاستيصاء خيرا بـ النساء و التعجب من الرجل يضرب زوجته في النهار و يعاشرها في الليل
و في المقابل الحريم ما يحفظوا الا اية القوامة لكن ايات الطاعة كلها محذوفة من القاموس
و المشكلة الاكبر انه اكيد كل هـ المشاكل اللي بين الزوجين ما انولدت بين يوم و ليلة ,, فـ اذا ما فيه توافق من البداية فـ ليش الاستمرار في علاقة محكومة بـ الفشل و تنتهي بـ سجن و سواد وجه و ترحيل ؟!
اعتقد جازمة انه كثير من الرجال لا يجيدوا التعامل مع زوجاتهم
لكن انا اكيدة الف بـ المية انه فيه فئة من النساء الضرب بـ الرصاص قليل عليهم

و اللي تتمجعص انها من البيت الفلاني كان جلست في بيت اهلها اصرف
واللي يتمجعص على مرته انه متفضل عليها كان احتفظ بـ هالفضل لـ نفسه و تكى عند اهله

الزواج تفاهم و رحمة و مودة و لو خرج من هـ الاطار ما عاد زواج مهما طالت فترة استمراريته ,, الواحد يتزوج عشان يستقر و الا عشان يعيش في جهنم !!!!!!!!!!!!!!!!!!!!!!!!!!

الله تعالى ذكر في القران الكريم ( فإمساك بمعروف أو تسريح بإحسان )

لكن الفضايح والسجون والغربلة .. أعتبرها حماقة
يعني أكيد إن الزوجة ما وصلت لمرحلة انها تشتكي على زوجها إلا إنه فعلا مطلع عيونها ولا يفيد معه لا الحكي ولا غيره ..
طيب الشئ الأكيد إنها من تزوجت هذا المخلوق وهو على نفس الطبع مطلع عيونها ... صباح الخير لسى يعني في أمريكا تدري إنه مجننها ومطلع عيونها ...! وش الي تغير في الموضوع طالما إنها من تزوجت وهو كذا طبعه !!
لكن سالفة إنها عارفة البير وغطاه .... وقعدت تقردن زوجها يصير محرم لها في الغربة ... ويوم وصلوا هنا وشافت الوضع والحياة وبدت تفكر وتسمع لفلانة وعلانة وكلام رفيقات السوء ... وقالت بس مالك إلا تسجنينه عشان يتربى ..!!

طيب وش النتيجة !! وبعدين يعني إذا طلع من السجن على بالها بيحب على راسها وبيقول أنا خلاص تربيت !!!
ولا على بالها بيمشي مسطرة ..!!
والله ما راح يناظر فيها وبيكرهها أكثر وأكثر والأكيد إنه خلاص بيطلقون !!
وبتصير علكة على كل لسان .. لأنها عالجت الغلط بالغلط .. زوجها غلطان في تعامله معها .. وهي عالجت الغلط بغلط أعظم واسجنته ..!
وش هي الحياة اذا طلع من السجن والعيشة كلها إذا بتعيش مع واحد أو هو يعيش مع وحدة ولا بينهم تفاهم وذرة مودة ورحمة !!

ف ليش من البداية الشكاوي والمحاكم والسجون ... حتى نفسية عيالها كيف راح تكون !! ... بصراحة أعتبرها وحدة أنانية وحمقاء ... طالما ما عندها القدرة والاستطاعة انها تتحمله محد بيجبرها عليه .. تتطلق وانتهى الموضوع ..
على الأقل تطلع من حياته مثل النسمة .. دخلت بهداوة وطلعت بهداوة ...
ولو بيذكرها بعدين ... بيذكرها بالخير ولعله يندم على عمايله السوداء ..

أسأل الله أن يصلح الأحوال ..

انا اشوف من حقها ولا تسال فيه مدام اتخذت قرار تكملة مو تبلغ وتتحسف. نص المشوار هو الي غلط بلغتي وانتي مقتنعة قبل البلاغ خلاص ولا تزعل وش يضربها وين قاعدين .انسانة زيها زيك وترا ما يحس بالنار الا رجل واطيها وش يدريكم وش الي وصلها لها .