حوار الوزارة رفضت تصديق شهادته بعد ان حصل على البكالوريوس من امريكا والسبب ..

حبيبي ماهو ذنبه ولاهو شرط بس احس ان ماعنده واسطه في وزارة التحطيم العلي
فيه ناس كثير ادبي ودرسو تخصصات علميه في جامعات اهليه بالسعوديه وامورهم ماشيه ماحد سأل عنهم
وعلى اي حال التوبه تجب ما قبلها يعني اذا هو جاب الشهاده وهو ادبي بصراحه شي حلو يدل على انه ذكي المفروض يشجعونه لكن ياليل مطولك - ماهنا دبره
حتى اني اعرف مقيم عربي فتح مدرسه لتعليم ال GRE بأمريكا و كنت اكلمه قبل فتره وقال انا من خمس سنوات اكثر شي يتعبوني طلاب الأدبي الي بيدرسو علمي
يأخذون مني وقت كثير عشان أأسسهم للأختبار.
وقد حكالي انه تكلم مع احد المسؤلين بهذا الشأن بالملحقيه وباركوله اجتهاده مع طلاب الأدبي بهذا الأختبار وحسب علمي ان اختبار ال GRE يطلب بالغالب للتخصصات العلميه..

ليس هُنا مكمن الخلل اختي الموضوع كم مبتعث يدرس حاسب آلي وهو خريج شرعي من الثانويه !! انا من ضمنهم واعرف الكثير لم نعد نفهم الموضوع !!

مع التحيه للجميع

الموضوع الي ما فيه تفاصيل لا يعدو عن كونه اشاعات, أعطيني تفاصيل الشخص الدارسيه وانا اعلمك السبب. تخصصات الحاسب بالسعوديه كلها اشاعات يعني الي يدرس انظمة سيسكو يقول عن نفسه مهندس حاسب والي يدرس اوركل يحسبها علوم وهكذا.

المعادله تتبع الجامعه المتخرج منها ومدى مطابقة مناهجها للمناهج القياسيه المتبعه. لجنة معادلة الشهادات هي عباره عن لجنه مشكله من اعضاء هيئة التدريس لكل تخصص, يعني عندهم خلفيه علميه عن متطلبات التخصص ومدى مطابقتها للمناهج القياسيه المتبعه.

اللي يشوف مثل هالقرارات يقول أن طالب الثانوي يتخرج وهو "فل" معلومات علمية وطبية
والله إنه يتخرج من الثانوية بس يعرف أسماء: فيزيا، حاسب، كيميا، بس وش هي؟ ما يدري
طبعاً إلا القليل اللي يشتغل على نفسه أو أهله يهتمون فيه والباقي شرعي أدبي تأسيس ضعيف

ترى بتتصدق يعني تتصدق ...............

بس يبغالك تتعب شوي شكاوي وتروح الرياض بنفسك وتكلم الملحقية بس بالاخير موضوعك بينحل ادعي بس وربنا يفرجها لك

الوزاره بوادي ... والملحقيه بوادي !
كل مسؤول بهالحلقتين .. غير متصل بالاخر .. وكل شخص يمشي على مزاجه ..!

تصديق الشهادات مايوقف فقط على العلمي والادبي .. حتى معادلت الشهادات كذلك ..

المشكله الاعظم إن الوزاره اذا سألتهم عن مقاييس المعادله والتصديق اللي تمشي عليها ..
او حتى المعايير التعليمية اللي تمشي عليها .. تقولك أحنا نمشي على معايير عالميه !
اي معايير عالمية وانتوا حتى المعدل التراكمي لازلتوا على الـ 5 .. والعالم تمشي على 4 ؟!

وليتها وقفت على الوزاره.. يارجل كل شي عندك بالسعوديه مزاج مسؤولين لامعايير ولا هم يحزنون !


خله بس يروح ويحاول من جديد مره ومرتين وثلاث .. ماراح حق وراه طلاب !

واذا رفضوا يصدقونها .. ماهي نهاية العالم .. فيه شركات تقبل الشهادات العالمية الغير مصدقه من السعودية !
يقدر يقدم فيها بالشركات .. وراح تنقبل ان شاء الله ..


الله ييسر اموره ويفرج عنه ويفتح له من باب الرزق الف باب !

يا شباب تذكرون اللي طلع مع داود الشريان في برنامج الثامنة

اللي كان يطالب أن يكون معيد

يعني من غير المعقول أن يكون تخصص تاريخ أو جغرافيا ثم تدرس تخصص إدارة ماجستير وتجي تشغلنا تقول أبغى أكون معيد

ممكن أقبل في في أي وظيفه إلا أن تكون معيد في جامعه وتدرس طلاب لأنك يجب أن تكون إمتداد لتخصصك!!!

بالنسبة لهذا الشخص الله يعينه بصراحه هو أخطئ بحق نفسه أولاً وظلمته الوزاره أيضاً وهي من وافقة له

ذكرت لك أن الملحقيه هي التي قبلت طلب تغيير التخصص هل الخطاء منه او منهم !! هو ليس لديه اي معلومات عن هذا الشي

صحيح كان زمان ومنهم وكيل البعثات السابق تخصصه تاريخ ودرس ماجستير حاسب ..... وكل ما جلس في مجلس يفتخر أنه كان وكان وسوينا في جامعة هلولو

وكمان صحيح الوضع الآن تغير حتى في الجامعات الأهلية ما عادت تقبل الثانوي الشرعي أو الآدبي في التخصصات العلمية .... وكذلك النسبة في الثانوية لتخصص الطب حتى لو كنت علمي لازم يكون أكثر 80% .. والصيدلة يكون فوق 75%
ماني متأكد من النسبة مضبوط بس الحين فيه أشياء زي كده .

الواحد يتأكد قبل لا يتعب ويضيع جهده .

تحياتي ,,,

والله شي يخوف ياناس