الأعضاء الإشتراك و التسجيل

الملتقيات
ADs

هل قراري صايب او لا ؟

هل قراري صايب او لا ؟


NOTICE

تنبيه: هذا الموضوع قديم. تم طرحه قبل 1643 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ملك اسبانيا
    ملك اسبانيا

    مبتعث جديد New Member

    ملك اسبانيا السعودية

    ملك اسبانيا , ذكر. مبتعث جديد New Member. من السعودية , مبتعث فى السعودية , تخصصى لايوجد , بجامعة لايوجد
    • لايوجد
    • لايوجد
    • ذكر
    • لايوجد, لايوجد
    • السعودية
    • Aug 2011
    المزيدl

    June 16th, 2013, 02:20 PM

    السلام عليكم ورحمة الله وبركاته

    يا جماعة الخير انا ان شاء الله بطلع امريكا للدراسة البكالريوس واخترت تخصص نظم معلومات اداريه بس كل الي حولي تقريبا يلوموني في اختيار التخصص يقولون ليه ما تختار من تخصصات الهندسه . تخصص نظم المعلومات ما يسوى تغرب عشانه . ومثل ما انتو عارفين ان الهندسه يبيلها رياضيات وحنا بالثانويه ما تأسسنا صح بالرياضيات وانا والله محتار للدرجة كل ما سألني احد وش تخصصك اقول للحين ما اخترت تخصص ياليت توضحون لي هل تخصص نظم المعلومات الاداريه كويس وله مستقبل او لا وانا عارف ان كل شيء بتوفيق الله مع مراعاة الاخذ بالاسباب
  2. والله شوف كل شخص له قدرات وكل شخص يتميز في اشياء عن غيره

    اذا انت شايف الهندسة صعب عليك وانه ماراح تتخارج في شغل الهندسه من حسابات وماإلى ذلك فخليك على نظم معلومات إدارية اما حكاية تدخل تخصص عشان كلام الناس وتتعب كم سنه وفي الأخير ماتمشي فيه وترجع مااستفد شي هذي هنا

    صعبه شوي بس ادخل التخصص اللي انت مرتاحله وتتخرج منه وتبدع فيه ان شاء الله وتحصل الوظيفة المناسبة لك ولو حبيت كمان تكمل دراسات عليا تقدر تكمل والله يوفقك ويسهلك امورك
    7 "
  3. وعليكم السلام ورحمة الله وبركاته ..

    بالنسبه للرياضيات .. فأنت ملزوم فيه .. راح تاخذ على الاقل ثلاث مستويات منها (اقل مستوى هو علم الجبر) ..
    وهذا الامر منطبق على جميع التخصصات سواء كانت هندسيه او اداريه او غير ذلك !

    تخصص نظم المعلومات تخصص ممتاز لمن هو على علم بالحاسب بشكل عام .. وحاب أنه يتعمق بشي معين بالحاسب !
    هو اخف لك من علوم الحاسب ..

    يعني ممكن انت تبي تدرس تجارة الكترونيه .. مايحتاج تروح تدرس علوم حاسب الي علشان تتخصص تجارة الكترونيه ..
    تقدر تتخصص نظم معلومات وتتخصص تجارة الكترونيه ماستر !
    يعني باختصار انه اسهل لك بالدراسه .. خصوصا اذا كنت متمكن من الحاسب وتشوف ان شغلتك بالحاسب ماتحتاج برمجه ولا خربطه زايده وتكون عارف وش تحتاج بالضبط بالحاسب !
    (برمجه , تصميم , هندسه , دعم فني .. الخ ) ..

    وعلى كل حال .. بالنسبه لي .. أرى أن تخصصات الحاسب غالبا وظائفها متشابهه ..
    يعني ممكن تلاقي واحد متوظف دعم فني وهو متخرج بنظم معلومات .. وشخص ثاني عنده علوم حاسب ومتوظف نفس وظيفة نظم المعلومات ..
    فالمسأله عندنا بالسعوديه خبط لصق ! ماعندهم دقه عاليه باختيار الوظائف .. كل اللي عندهم انك متخرج كمبيوتر خلاص يقطونك باي مجال في كمبيوتر !

    فأنت لاتفكر بكلام الناس .. شوف اللي انت تبي تدرسه وش تبي تتخصص بالضبط .. نهايتك شنو تبيها .. هل مثلا تبي تتوظف في مجال برمجه او مجال صيانه او ما الى ذلك من امور ..
    حتى تقدر تعرف تحدد ايش التخصص المناسب لك ..

    هذا والله اعلم ..
    7 "
  4. كلامهم صحيح اذا نظم المعلومات الادارية راح تضيع سنوات عمرك بالفاضي وبالاخير تنظم الى قطار البطالة مالم يكون عندك واسطة.
    اخي اذا تحب الحاسب ادرس علوم الحاسب. وبالنسبة لضعف التأسيس للرياضيات لا تخاف فيه كورسات بالجامعة او كليات المجتمع بامريكا تساعدك.
    اخي التخصص السهل الاقبال عليه كبير مما يعني تكدس وعطالة.
    اخيرا احب اذكرك بالمثل "من جد وجد ومن زرع حصد"
    7 "
  5. لاتسمع كلام احد ولا عليك من احد ..

    اولا استخير رب العالمين ..

    ثمن الجئ للي ترتاح له نفسك والي تحبه .. حتى لو صعب بيسهل لو انت تحبه ..

    ثالثا اسال .. ولاصير ملقوف وقروشه واسال عن كل شي عشان لاتنصدم بعدين ..

    خش هالصفحات واسال واقرا ..

    تجربتي في تخصص برمجة الحاسب الألي بتفاصيل في أمريكا (ماجستر علوم حاسب ألي)

    الفرق بين علوم الحاسب ونظم المعلومات ( محتار بينهم تعال )

    هندسـة برمجيــات أم علــوم حـاسب أم هندسـة حـاسب ؟

    █ ✔ وصـف مفصـل لجميع تخصصات الحاسب ☆☆☆☆☆ █


    وربي يوفقك وييسر لك كل ماهو فيه الخير لك و يرزقك بالدنيا والاخره ان شاء الله
    7 "
  6. يا رجال الوظائف والعلم عند الله يعني ما فيه الا الجاهل اللي يحكم عليك من الحين ويجزم انه ما فيه وظائف
    انت يا اخي شف وش اللي تميل له وشف وش اللي تحبه وترتاح له

    (والله اني اعرف ناس يدرسون اخراج وواحد انتاج في لوس انجلوس) ومرتاحين

    انت شف اللي يريحك ولا تخلي الناس تحكمك والرزق عند ربي سبحانه
    لا تتهور وتاخذ تخصص مجبور عليه او انك سمعت فلان يقول ان مستقبله حلو
    يعني صعب تدرس شي ما تبيه وتتوظف بنفس الشهاده ويصير جو العمل سلبي
    انت شف وش اللي ترتاح له عشان بعدين تنتج بالعمل
    ونظم معلومات مرغوب في اغلب الشركات بالعكس وبعض الجهات الحكوميه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.