I need help in the university admissions in missions

السلام عليكم ورحمه الله وبركاته

يا اخوان انا دارس على حسابي الخاص بولاية يوتا مدينة بروفو وحصلت لي مشكلة مع صاحبة المنزل لانه ماكان نفس الاتفاق اللي اخبرني فيه مكتب الخدمات بالسعودية ولقيت طلاب قبلي مشتكين عليها ولارجعت لهم فلوسهم علماً اني دفعت اجار شهر كامل وحالياً ما صار لي غير ٨ ايام وش اسوي معها لانها مهمله مافيه نظافة والمكان مايحتمل

برايكم اشتكي عليها ولا على المكتب ولا عليهم الاثنين ولا اتركهم ل رب العباد حسبي الله ونعم الوكيل فيهم

الاسئلة / القبول بالبعثة عادةً بعد كم شهر لان الروايات اختلفت بين ٤ و ٣ شهور انا موظف واجازتي بدون راتب مدة ٣ شهور وما اقدر اواصل اكثر بحكم اني متزوج ووراي مصاريف واللي جمعته في سنتين كله حطيته في هالثلاث شهور على حسابي

اذاً الله كتب وجاني قبول بالبعثة هل الزوجه تصرف لها مكافأة علماً ان زوجتي غير سعودية من فئة البدون في الكويت وإذا يصرف لها كم بتكون المكافأة للمرافقه والأبناء (٢)

هل يعطوني تعويض للتذكره والمعهد والقبول الجامعي ولا لا

اذا فيه موقع يعطيني قبول جامعي اونلاين ياليت تزودوني فيه
انا موظف وراتبي زين ولله الحمد ولكن وظيفتي ما راح تتعدى المان بور وانا طموحي اكبر من كذا

شهادتي ثانوية عامه علوم طبيعيه بنسبة ٨٤.٥٨٪ قبل عشر سنوات

اتمنى اللي يقدر يساعدني او يتواصل معي من اللي بامريكا يراسلني خاص او اذا ممكن يعطيني رقمه انا اتصل به اذا الاداره ماتمنع هالشي




ولكم مني جزيل الشكر وآسف ع الإطالة

حياك اخوي..
اولا: بالنسبه لمشكلة السكن, اذا كنت تحمل الجوازين السعودي والأمريكي (يعني مواطن امريكي) فتوكل على الله وقدم شكوى, لكن اذا انت مقيم في امريكا فأنصحك تبعد عن المشكله ويعوضك رب العالمين بأفضل منها

ثانيا: من الأفضل انك تقدم على البعثه من الحين, اتصل على المسؤول في منطقتك فالملحقيه هنا الارقام طال عمرك ط¯ظ„ظٹظ„ ط§ظ„ظ…ظˆط¸ظپظٹظ† وقدم ملفك واشرح وضعك للدكتور محمد العمر واذا عند وقت اطلع للملحقيه يومين وتفاهم معهم وطالب بحقك ولح وخليك جريْ وحق بيجيك

ثالثا: على قرار مجلس الوزراء الأخير وبإمكانك ضم زوجتك الكويتية الان. بالنسبه لمكافأه الزوجه اذا مب سعوديه: نعم يصرف لها معاش مرافق ويصرفون لعيالك بعد, ومكافأ المرافق مثل مكافأة المبتعث.

رابعا: بالنسبه للتعويضات مثل المعهد والتذكره, المعهد نعم يعوضونك عليه اذا صادفت و صدر قرار ابتعاثك وكان تاريخ بداية البعثه هو تاريخ وصولك لأمريكا. يعني اذا قبلت فالبعثه, بيعطونك تاريخ بدايه بعثه وتاريخ نهايه بعثه. اذا المدقق حط تاريخ بدايه البعثه هو يوم وصولك لأمريكا فبيعوضونك بكل شي مختص بالدراسه. (نصيحه مني لك في هذه النقطه, اذا قدمت على البعثه حط في خانة الملاحظات تاريخ وصولك لأمريكا وتاريخ بدايه دراستك الي درستها على حسابك)

بالتوفيق ودمت بخير

ايش التخصص اللي تبحث عنه يالغالي وان شاء الله اقدر افيدك بجامعه تقبلك بسرعه