نكبة المعهد و السكن والجامعة, مالحل؟
السلام عليكم.
انا دارس على حسابي الخاص و من يوم وصلت امريكا والمشاكل تلاحقني, اجددها اني في اختبار تحديد المستوى جبت 515 من 600 و عطوني حصة وحدة في الصيف و انا دراستي الجامعية في يناير 2014 يعني بعد الدراسة ب4 شهور ماعندي دراسة لا معهد ولا جامعة و الجامعات الي ابغاها مقفلين التسجيل بالخريف. وعشان ازيد الطين بلة الشقة ضحكوا علي و قالولي في لييس جديد في اغسطس يا اجدد معاهم سنة و انا بالكثير قاعد في ذي المدينة لين الكرسمس.
يعني لا دراسة ولا سكن و اخاف ارجع السعودية من اغسطس لين يناير و اخسر فرصتي في الانضمام للبعثة.
منتظر نصائحكم.
رد: نكبة المعهد و السكن والجامعة, مالحل؟
اول شي شوف لك من الان معهد اي كلام وخذ منه ايتوني على بداية الفول واجلس ادرس عندهم لين تبدا دراستك الجامعيه اما بخصوص الشقه فرايي تشوف لك عايله احسن لك من العقود والحوسه
رد: نكبة المعهد و السكن والجامعة, مالحل؟
بالنسبه للسكن ماله حله كله نصب في نصب اذا كنت عزابي حطلك اعلان في craigslist عشان تسكن مع عائله
رد: نكبة المعهد و السكن والجامعة, مالحل؟
السلام عليكم يابن الحلال قل لا اله الا الله ,,,, ماشاء الله عليك باامريكا وعلى حسابك وامورك طيبة ولا ماشاء الله جايب نتيجة حلوة بالاختبار وعطوك حصة وحدة بس احمد ربك على كل هالنعم وتوكل عليه وضبط امورك على رواق ولا تحتاس ولا شي غيرك يوصل هناك ومايدري وش الطبخة ويمكن مايعرف الا عشر كلمات على بعض ,,, وبالنسبة للاربع شهور بسيطة خلك هناك واستغلها استغلال صح منها طور نفسك اكثر باللغة اكثر واكثر واكثر سواء بمعهد عادي او بالبيت او بالنت او بالشارع و تقدر بعد تسجل بنادي لياقة او اي شي تستفيد منه او حضر لدراستك وتخصصك الي بتدرسه من الحين عشان تبدع في تخصصك وصدقني لو رتبت لكل هالامور زين ماراح تلقى وقت ورح تحس الاربع شهور قليلة بعد وصح يمكن هالاربع شهور خيرة لك وفرصة تضبط امورك على رواق وبدون ضغوطات ,,,, وبالنسبة للسكن مع اني مادري وش ذا ( لييس ) لكن بكل الاحوال قلهم عطوني فرصة افكر كم يوم وانت بهذا الوقت دور على سكن ثاني مع عائلة او استديو او الي يناسبك وما كثر الله الا السكن وسهالات يابن الحلال وتوكل على اللع وعسى دربك خضر
ويعلم الله اني ماكتبت هالكلام الا عشانك ومابي الا دعاك لا اكثر ولا اقل بالتوفيق وصح اذا في امكانية انك تعيد الاختبار بعد اربع شهور بعد زين هذه فرصة انك تحضرله مضبوط وتجيب 600 من 600 بعد ههههه
رد: نكبة المعهد و السكن والجامعة, مالحل؟
وعليكم آلسلآم ورحمــة آلله وبركآته ..
بموضوعكـ مآذكرت إنت بأي مدينه ولآ أي ولآيه أو جآمعـــه أو حتى إسم آلمعهد مآذكرته !!
حتى ببروفآيلكـ كل شي مكتوب فيه "مآدري" !!
أكتب إنت وين, مآتدري يمكن يجي أحــد ويشوف موضوعكـ ويكون له سلطه أو مكآنه ومعآرف يقدر يحل مشكلتكـ ..
لأنكـ إنت تتكلم بشكل عــآم وبصرآحـــه مآ أقدر أفتي بأي شي لأن آلمعيشه تختلف من مدينه لمدينه ..
وطريقة آلجآمعآت وآلمعآهد ..
عمومآ ,, آلله يعينكـ ويوفقكـ وييسر كل أموركـ ..
وتنحل كل مشآكلكـ ..