عرض للطباعة
السلام عليكم ورحمة الله وبركاته
حبيت أستفسر إذا في أحد من الطلاب المبتعثين للمرحله السابعه او الثامنة عنده قرض من أحد البنوك السعوديه
عندي قرض من البنك العربي المبلغ 140 الف
وماسددت مدة 7 شهور
والان عندي اجازه تقريبا بعد 3 شهور وودي انزل للسعودية
في الحاله هذي وش الوضع؟
هل مسموح ان الطالب الي عليه قرض يقدر يسافر؟
و هل يسوون له مشكله في المطار؟ ولا الوضع سهالات؟
طبعا اتمنى انها تكون من تجربه شخصيه
و الي عنده تجارب اخرى يتحفنا و يفيدنا
وشكرا لكم
عادي انا نفس الشى بس على حسب البنك انا قرضي من الراجحي مدري ساحب عليهم سنتين مدري عنهم لا تشيل هم ولا في اي مشاكل
لو سمحت اخalajaily
هل يدقون عليك البنك؟ لان احنا نفس الشي بس مو الراجحي وازعجونا اتصالات.
بارك الله فيك بس ممكن .. توضح لي لاتشيل هم ..اقتباس:
المشاركة الأصلية كتبت بواسطة alajaily
هل جربت تنزل للسعوديه ؟ هل صارات مشاكل في المطار لا قدر الله ؟
ابيك تعطيني شرح بالتفصيل لاني وربي شايل هم ..
لي عن اهلي سنه ونص الحين ولانزلت الي الان
وودي انزل بس ماودي اتفشل بالمطار بسسب القرض ..
وابشرك ماعلي لا فواتير ولاهم يحزنون ولا اي قسايم ..
وشكرا
انا حاليا في السعودية وقد جيت في رمضان اجازة ومن قبل اسبوعين رحت الكويت ولا احد جاب طاري بس انت اول ما توصل سدد قسط ولا قسطين علشان تسكر فمهم ولا يزعجونك وبالتوفيق
والله مشكله القروض الله يعينكم يا اهل القروض وان شاء الله تفتكون منها
واحد من الشباب في بريطانيا مبتعث من عام 2007، وعليه قرض، وللآن ما جابوا خبره.
رغم إيماني بأن هذا حق للبنك يفترض أن الشخص يدفعه طالما وقع عليه والتزم به، إلا أن لدي أيضاً إيمان قوي بأن بنوكنا فيها طمع وجشع في قضية القروض بشكل لا أتصور أنه يوجد في بنوك العالم.