بالنسبه للدود .. دود ويطير اول مره اسمع فيه ! ;)
الظاهر تقصد حشرات طائره ..
عادة الحشرات تكثر في المطبخ والحمامات داخل المنزل .. وفي الاماكن الغير مرتبه ومتسخه بشكل عام ..
وايضا اكثر الشقق اللي تتعرض للحشرات .. هي الشقق الارضيه ! ..
انت ماحددت وين بالمطبخ .. لكن اذا كان الدود اللي تقصده متكاثر في مكان معين .. فحاول انك تستخدم مبيد حشري اولا ثم تنظف المكان بادوات التنظيف .. وهذي راح اعلمك وش اللي تستخدم فيها ..
حاول اولا انك تنظف المطبخ بشكل كامل وتتخلص من جميع الاكل المنتهي والقمامه ..
ايضا الثلاجه وادراج المطبخ .. فرغها ونظفها .. ( خصوصا ورى الثلاجه وجوانب الفرن) ..
ايضا عليك بتنظيف السينك او اللي يسمونه المجلا .. (المغسله) .. مغسلة المطبخ راح تلاقي فيها مصرفين للمياه .. واحد عادي .. والثاني فرامه !
شوف الفرامه .. اذا شميت ريحه في الفرامه قويه .. معناته ان الفرامه ماتنظفت وممكن يكون فيها لحم او اكل بشكل عام داخلها ..
هنا لابد تفك الماء عليها وخله يصب على الحار لعدة دقايق .. بعدها تقلل من تدفق الماء .. وتخليه يصب بشكل اقل .. وتصب شوي صابون سائل على الفرامه وشغلها خلها تشتغل وكل مالاحظت ان الصابون بدا يروح زيده صابون ..
اربع او خمس مرات بس .. يعني حط صابون والفرامه تشتغل وخل الماء يصب بشكل بطيء يعني لاتفكه كله .. وحط صابون .. واترك فتره بسيطه بين كل مره ومره .. (عادة انا اعد الى 15 وازيد صابون) ..
هذي الطريقه تغسل لك الفرامه بشكل مبدئي من الزفر والباكتيريا المتراكمه فيها .. وراح يخف الريحه .. وبعدها لابد أنك تستخدم المحاليل الخاصه في تنظيف السنك ..
اذا لازالت الريحه موجوده وقويه .. هنا لابد انك تكلم مكتب السكن يسوون لك صيانه فيها يفكونها وينظفونها لك ..
طبعا الشقه لابد تنظفها بادوات تنظيف مضاده للبكتيريا بشكل دائم .. والقمامه لابد أنك تستخدم الاكياس ابوخيط .. ويكون لبرميل القمامه غطا يسكره علشان ماتتجمع الحشرات فيه ..
خصوصا الارضيات .. لابد تنظفها بشكل دائم ..
ادوات التنظيف اللي راح تحتاجها بالتنظيف هي :
-
Raid Max ( هذا مبيد الحشرات اللي راح تحتاجه .. نوعيه فعاله على جميع الحشرات .. تستخدمه قبل التنظيف ) ..
-
مناديل كلوريكس .. جدا ممتازه في التنظيف
-
Windex MultiSureface cleaner [AntiBacterial] (هذا تستخدمه في التنظيف بشكل عام .. بالمطبخ والحمام وكل مكان بالبيت .. مضاد للبكتيريا .. مالقيته معروض في الموقع فجبت لك صوره له .. راح تلاقيه في ول مارت بعد ) ..
-
Swiffer Sweeper ( هذي ممسحه تستخدمها في تنظيف الارضية .. جدا ممتازه في تنظيف الارضيه .. تستخدم المناديل المبلله حقتها .. وكل ماتنتهي من التنظيف تقط المنديل اللي استخدمته .. وتستخدم جديده .. لابد تشتريها مع العصا حقتها ) ..
-
Lysol Disinfectant Spray ( معقم جو .. يعقم الجو من الجراثيم .. مثل معقم جو الديتول بالسعوديه بالضبط )..
هذي ادوات التنظيف اللي راح تستخدمها بالبيت بشكل عام ..
اما اللي راح تستخدمها بالحمام .. فهذي هي :
- Clorox Toilet Bowl Cleaner
( هذا تستخدمه في تنظيف كرسي الحمام .. قبل لاتنام .. تصبه داخل الكرسي وتفركه شوي بفرشة التنظيف حقت الكرسي .. وبعدها تسكر الكرسي وتسكر الحمام وتنام .. وثاني يوم تسحب السيفون ثلاث مرات تقريبا .. حتى يكون الكرسي معقم بشكل دايم ) ..
-
Kaboom Foam-Tastic Citrus Scent Bathroom Cleaner
(هذا تستخدمه في تنظيف الحمام بشكل عام .. تبخ منه على المغسله مثلا وراح يغطي المغسله رغوه زرقا .. انتظر لما تصير بيضا وعقبها اغسلها ..
ريحته قويه شوي .. لذا لابد انك ماتستنشق ريحته وقت الاستخدام بيصدع راسك من ريحته .. )
ونصيحه .. بعد ماتخلص تنظيف .. دائما استخدم الماء في التشطيف .. الماء يقتل باكتيريا المنظفات ماتقتلها .. فالافضل انك مثلا تاخذ بخاخ تعبيه ماء وبعد ماتخلص تنظيف ... تستخدم هالبخاخ وتشطف الاماكن كلها بالماء وتنشفها بس ! ..
انا اعطيتك تقريبا افضل المنتجات الموجوده بالسوق كتجربه شخصيه .. ومادري يمكن نسيت شي .. لكن اذا فيه شي خبرني وان شاء الله افيدك باللي اقدر عليه ! ..
اما بالنسبه للموقع كلفني 30 دولار لمدة شهر .. اخذته تجربه ..
وحتى الان جيد لاباس فيه .. مشكلته مثل ماذكرت ماينفع تتفرج فيه على التلفزيون لانه مايدعم الـ HD ..
على اني لقيت مواقع خلال بحثي فيها القنوات مجانيه ..
اكتب في قوقل Arabic WebTV Free Watch Online
وراح تطلع لك لستة مواقع فيها نفس النظام ...
لكن اللي يميز الموقع اللي اعطتنا اختنا العنود .. هو ان فيه محطات ماهي موجوده في بقية المواقع المجانيه .. مثل محطات الرياضيه ..
ايضا فيه شغله لاحظتها قبل ساعه من استخدامي للموقع .. بعض المحطات كانت تشتغل وفجأه وقفت ماعاد اشتغلت .. بس مادري ماشيكت عليها مره ثانيه ..
طحت في السنه النبويه وتركتها ولاعاد غيرت المحطه : ) ..
هذا والله اعلم ..,