الأعضاء الإشتراك و التسجيل

الملتقيات
ADs

تعالوا فكروا معي بتأثيث الشقة بأقل الأسعار بأمريكا

تعالوا فكروا معي بتأثيث الشقة بأقل الأسعار بأمريكا


NOTICE

تنبيه: هذا الموضوع قديم. تم طرحه قبل 1638 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية 4.5
    4.5

    مبتعث مستجد Freshman Member

    4.5 الولايات المتحدة الأمريكية

    4.5 , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى ............. , بجامعة .................
    • .................
    • .............
    • ذكر
    • ........................., ...........
    • الولايات المتحدة الأمريكية
    • Nov 2012
    المزيدl

    June 20th, 2013, 06:36 AM

    السلام عليكم ورحمه الله وبركاته

    احنا ساكنين بسكن جديد فاضي مافيه إلا كنب بالصالة وحاجات المطبخ كلها موجودة من ثلاجة ومايكروويف وبرتكاز وإلخ .. غرفة النوم فيها سريرين كبار (دورين) وكم دولاب والحمام وانتم بكرامة فاضي شوي
    وصراحة ذابحنا الطفش مافيه تلفزيون .. كم سعر تلفزيون بلازما بامريكا اقل شيئ ؟
    اسمع ناس تقول فيه اماكن مخصصه لبيع الالكترونيات والاثاث بسعر رخيص جدا وهي تابعه لكنيسة ومسوينها خصيصا للي دخلهم محدود هذا المكان وين احصله ؟
    وياليتكم تفكرون معي باثاث الشقة انا وصفتها لكم بالضبط وفكروا معي بالاثاث
    حاليا الي افكر فيه /
    1- شاشة بلازما وطاولة صغيرة لها
    2- دش عربي وسمعت انه باشتراك كلموني عنه شوي وابي ارخص سعر وكلموني عن القنوات الناقلة لمباريات الدوري الاسباني والانجليزي
    3- مكتبة دراسية للغرفة كبيرة شوي حقت 3 انفار او نفرين
    4- كراسي لطاولة المطبخ
    5- الحمام وانتم بكرامة يحتاج له فراش صغير عشان الموية منتشرة بكل مكان
    هذا الي طلع معي للحين

    وزي ماقلت لكم (بارخص الاسعار) الله يعافيكم، انتظر ردودكم والله ودي اثثها اليوم قبل بكرة
  2. بامريكا افضل شي ايكا رح ولاتزنق نفسك وتاخذها كلها بنفس الشهر حبه حبه

    ورح وول مارت برضو ينفعك كثير و خاصه بالتلفزيون اسعاره معقوله .. و برضو يكمل لك عفش باسعار معقوله جدا

    وبرضو عشان لاتنكب بالعفش و التحميل فخلك حبه حبه عشان تحمل ع مهلك واذا فيه عفش كثير استاجر شاحنة من شركة أوهل بعشرين دولار تقريبا .. وحمل انت او شف لك أي واحد يساعدك بمبلغ رمزي بالساعه ارخص من بعض شركات النقل والتحميل

    اما سالفة الدش اول مره اسمع عنها اذا عندك خبر افيدنا فيها ..
    7 "
  3. المشاركة الأصلية كتبت بواسطة 4.5
    السلام عليكم ورحمه الله وبركاته

    احنا ساكنين بسكن جديد فاضي مافيه إلا كنب بالصالة وحاجات المطبخ كلها موجودة من ثلاجة ومايكروويف وبرتكاز وإلخ .. غرفة النوم فيها سريرين كبار (دورين) وكم دولاب والحمام وانتم بكرامة فاضي شوي
    وصراحة ذابحنا الطفش مافيه تلفزيون .. كم سعر تلفزيون بلازما بامريكا اقل شيئ ؟
    اسمع ناس تقول فيه اماكن مخصصه لبيع الالكترونيات والاثاث بسعر رخيص جدا وهي تابعه لكنيسة ومسوينها خصيصا للي دخلهم محدود هذا المكان وين احصله ؟
    وياليتكم تفكرون معي باثاث الشقة انا وصفتها لكم بالضبط وفكروا معي بالاثاث
    حاليا الي افكر فيه /
    1- شاشة بلازما وطاولة صغيرة لها
    2- دش عربي وسمعت انه باشتراك كلموني عنه شوي وابي ارخص سعر وكلموني عن القنوات الناقلة لمباريات الدوري الاسباني والانجليزي
    3- مكتبة دراسية للغرفة كبيرة شوي حقت 3 انفار او نفرين
    4- كراسي لطاولة المطبخ
    5- الحمام وانتم بكرامة يحتاج له فراش صغير عشان الموية منتشرة بكل مكان
    هذا الي طلع معي للحين

    وزي ماقلت لكم (بارخص الاسعار) الله يعافيكم، انتظر ردودكم والله ودي اثثها اليوم قبل بكرة
    وعليكم السلام ورحمة الله وبركاته ..

    والله وانا اخوك مانعرف اذا انت متزوج او شقة عزوبيه .. لان الامر يختلف بين الاثنين .. هذي شغله ..
    الشغله الثانيه .. مانعرف كم القيمة اللي حاطها للاثاث .. يعني لابد انك تكون حاط لك حد معين بقيمة الاثاث حتى ماتدفع فوقها !

    والتأثيث يختلف من شخص الى اخر ..

    لكن بأحاول افيدك ان شاء الله باللي اقدر عليه ..

    بالنسبه للتلفزيونات .. تعتمد اسعارها على مواصفاتها ..
    فمثلا البلازما سعره اقل من الـ LCD ..
    والـ LCD .. سعره اقل من الـ LED ..
    وانت ماشي ..
    يعني كل تقنيه لها سعرها ..

    افضل تقنيه بسعر معقول هي تقنية الـ LED .. ميزتها الالوان ادق واوضح من الـ LCD ..
    يعني اذا انت من الناس اللي تتابع التلفزيون بشكل دائم وتهمك جودة الوان الصوره .. فعليك بالـ LED ..
    خصوصا اذا كنت من متابعي الافلام بشكل دائم ..

    طبعا فيه تقنيات جديده مثل تقنية الـ 3D وتقنية الـ SmartTV .. هذي غاليه .. وماتصلح لك كطالب : ) .. (بس بصراحه .. خبال لو تشوفها) ..

    بالنسبه للافضليه بين الشركات .. فانا افضل شركة Samsung واشوفها الافضل في هالمجال .. لسبب أن دقة الالوان فيها عاليه جدا وهي الشركة الوحيده اللي اللون الاسود فيها عالي الدقه !
    واما بقية الشركات فهي ايضا تتفاوت بالجوده .. وفيها الممتاز وفيها الرديء ..

    كتجربة خاصه .. سبق وجربت كذا نوعيه مثل Samsung, Vizio, Sharp ..وغيرها .. لكني افضل الساسمونج كما ذكرت سابقا ..

    السامسونج عيبه الوحيد انه الاغلى بالسوق .. واما البقيه فراح تلاقي فيها اسعار متفاوته .. واللي غالبا اسعاره اقل مقارنة بالتقنيات الموجوده فيه هي تلفزيونات VIZIO ..
    وهي جودتها ممتازه ايضا .. ولا فيها مشكله تذكر ..

    حتى ما اطيل عليك الحديث بالتلفزيونات .. اذا كنت تبحث عن تلفزيون بسعر مناسب .. اخذ دائما من BestBuy او Walmart .. وابحث عن التلفزيونات اللي تحت تصنيف Refurbished (معادة التكييس) ..
    ميزة الـ Refurbished .. انه يكون دائما ارخص من السعر الاصلي .. وغالبا الجهاز يكون جديد ولكن صاحبه اللي اشتراه استرده (غالبا بغرض انه ما اعجبه او بس يبي فلوسه .. فهم يعيدون تكييسه ويبيعونه بسعر مخفض !
    ولكنه يبقى تحت الضمان ويكون مثل الجديد مافيه شي اساسا .. فانت ابحث دائما عن هذه الاجهزة وتلاقيها في Bestbuy بشكل كبير .. ولها تصنيف خاص فيها .. تقدر تشوفها من هنا : Refurbished: TVs - Best Buy

    ايضا لا ننسى التصفيات الاسبوعيه اللي تكون بالمحلات .. هذي بعد راح تلاقي فيها عروض حلوه جدا ..

    انا ارجح لك هذا التلفزيون :
    Samsung 40" Class 40" Diag. LED 1080p 60Hz HDTV UN40EH5000FXZA - Best Buy
    سعره 468.99$

    نفس اللي عندي بس انا اللي عندي 46" شاريه وقتها تقريبا بـ 800$ وجدا ممتاز .. صارله معي مايقارب السنتين حتى الان ...

    طبعا هذا لو حبيت تلفزيون يكون حجمه متوسط لاهو صغير ولا كبير وبقيمه حلوه جدا ..

    اما الدش العربي ! .. ما الله حادك تكلف على عمرك .. اذا على المباريات .. تقدر تتابعها عن طريق النت .. ياكثر المواقع اللي فيها بث حي ..
    والله ما اذكر قعدت مع شباب يتابعون مباراه الا عن طريق النت !


    بقية الاغراض خذها من الـ Walmart ..
    مثل طاولة التلفزيون .. والكافي تيبل .. والمكتبة الدراسيه .. وبقية الاثاث .. ارخص لك ..

    بالنسبه المكتبه الدراسيه .. والله شوف .. انا كنت متحمس اجيب مكتبه دراسيه .. وكنت اقول باجيب مكتبه علشان ادرس عليها ..
    وجبتها .. وفي النهايه صارت مكتبه ماعليها الا كتب واحط فيها الاوراق .. اما كدراسه ! والله من يوم جبتها لليوم مادرست عليها نهائيا !
    مغير اتبوطح بهالصاله واذاكر .. او اقعد على الكنب واذاكر ..

    فأنت شوف اذا انت مثلي بس مجرد انك تبي تجيب مكتبه وبالنهايه بتصير ديكور كتب ! فاترك هالفكره وجيب لك بدالها مكتبة كتب تحط فيها بس اوراقك وكتبك .. ووفر المبلغ حق المكتبه ..
    اما اذا فعلا راح تستخدمها للدراسه ..
    فمو شرط تكون كبيره جدا .. ترا اي مكتبه تكفي ! واذا فيه شخص ثاني بيستخدمها .. تقدر ترتب انت وهالشخص مثلا دولاب صغير (Bookcases) يكون فيه مثلا كم رف وكم درج تحطون الكتب فيها وتقسمون اغراضكم فيها ..
    والمكتبة الدراسيه تكون بحجم عادي وتستخدمونها للدراسه واوراقكم تكون بدروجكم .. لان ماراح تلاقي مكتبه كبيره حقت نفرين او ثلاثه مثل ماتقول .. وان لقيت راح تكلف بمبلغ لايقل عن 200$ ...


    الكلام نفسه لطاولة الطعام .. يعني لا تسوي مثل واحد من الشباب لزم الا يشتري طاولة طعام .. واشتراها بـ 680$ بكراسيها .. ووالله ماقعدنا عليها الا مره وحده بس اول ماجابها ولا بعد قعدنا عليها علشانه حالف بس ..
    ومن بعدها صارت الطاوله ديكور فقط ! .. يعني خساره على الفاضي !

    فانت لابد أنك تشوف اللي فعلا تحتاجه .. وراح تستخدمه بشكل دائم .. وتترك اللي تحس انه ماله استخدام ..

    وطبعا بالنسبه لأغراض دورة المياه .. بإمكانك انك تروح لول مارت وتشتريها .. رخيصه جدا .. بتلاقي قسم كامل لها ..
    وتقدر تشتريها من الاون لاين .. بس انا احب اني اشتريها من المحل دايركت حتى اشوفها واعرف النوعيه اللي ابي اشتريها ! ..

    على كل حال ..

    بإمكانك تزور هالروابط وتشوف الاثاث اللي يجوز لك ..

    التلفزيونات :
    TVs & HDTVs: Plasma, LED, LCD, Flat Screen TVs - Free Shipping

    المكتبة :
    Desks and Office Furniture - Walmart.com

    طاولات تلفزيون :
    TV Stands : TV Stands & Entertainment Centers - Walmart.com

    طاولات كافي :
    Accent Tables : Living Room Furniture - Walmart.com


    دورة المياه :
    Bath Furnishings and Bath Accessories for Less - Walmart.com



    هذا والله اعلم ..,
    7 "
  4. بصراحه ارخص شي ولمارت Walmart

    وبخصوص التلفاز انا انصحك بـ VIZIO موديل E3D420VX
    دقة الشاشه جداً ممتازه و تردد نقل الصوره عالي يعني مريح للعين
    كذلك فيه وايرلس و ايثرنت ممكن تشبكه مع المودم مباشره وتتفرج على كل المسلسات و الأفلام الموجوده على نت فلكس بكل سهوله مع ال subtitle
    وفيه برامج مضمنه كثيره مثل تطبيق اليوتيوب و امزون و اي بي وغيرهاا الكثير.
    7 "
  5. السلام عليكم ورحمة الله ..
    الأخوان الي قبلي كفوا و فصلوا في الرد جزاهم الله خير
    بس حبيت أضيف بخصوص القنوات العربية
    فيه بطاقة شاملة لكل القنوات العربية و قنوات الجزيرة الرياضية كلها ..
    أعتقد ب 30 دولار شهرياً
    أنا عن نفسي ما تغير جو البيت إلا بعد التلفزيون و القنوات
    مو كل شوي راح تفضى للتلفزيون ...لكن ع الأقل فيه حس في البيت
    7 "
  6. المشاركة الأصلية كتبت بواسطة أنا العنود
    السلام عليكم ورحمة الله ..
    الأخوان الي قبلي كفوا و فصلوا في الرد جزاهم الله خير
    بس حبيت أضيف بخصوص القنوات العربية
    فيه بطاقة شاملة لكل القنوات العربية و قنوات الجزيرة الرياضية كلها ..
    أعتقد ب 30 دولار شهرياً
    أنا عن نفسي ما تغير جو البيت إلا بعد التلفزيون و القنوات
    مو كل شوي راح تفضى للتلفزيون ...لكن ع الأقل فيه حس في البيت
    اختي وين اقدر احصل هالبطاقة ووش القنوات اللي تطلعها
    7 "
  7. المشاركة الأصلية كتبت بواسطة أنا العنود
    السلام عليكم ورحمة الله ..
    الأخوان الي قبلي كفوا و فصلوا في الرد جزاهم الله خير
    بس حبيت أضيف بخصوص القنوات العربية
    فيه بطاقة شاملة لكل القنوات العربية و قنوات الجزيرة الرياضية كلها ..
    أعتقد ب 30 دولار شهرياً
    أنا عن نفسي ما تغير جو البيت إلا بعد التلفزيون و القنوات
    مو كل شوي راح تفضى للتلفزيون ...لكن ع الأقل فيه حس في البيت
    طيب كملي جميلك وقولي اسم البطاقة ومن وين نحصلها
    7 "
  8. روح للقود ويل محل يبيع اثاث مستعمل

    فيه تلفزيونات وكلل شي واكناب والي تبي

    واسال العرب الي ماشين

    اذا يحبو يبيعو اثاثهم واكيد بيبيعونه

    لان انا مثلا بمشي وبترك اثاثي وراي

    اعرف ناس يبون يبيعون اثاثهم بس مدري انت وين عنهم
    7 "
  9. الأخوان الي سألوني عن البطاقة ..!
    آسفة تأخرت في الرد بس لأني خذيت الطريقة من زوجي .. لأنه هو الي اشترك ..!
    على العموم :
    هذي البطاقة تشترونها من موقع اسمه
    TVnetSolutions.com
    ضروري يكون عندكم فيزا عشان عملية الشراء
    الخطوة الثانية :
    في أعلى الصفحة
    تدخل على إيقونة Web TV خدمة ويب تي في
    الخطوة الثالثة :
    Register اشترك معنا
    يعني تسجل معلوماتك ورقم الفيزا .. يعني تسوي لك حساب
    الخطوة الرابعة :
    تجيك رسالة ع الإيميل عشان يصير عندك يوزر وباسورد
    الخطوة الخامسة :
    تدخل طبيعي بمعرفك الي سجلت فيه
    فيه في أعلى الصفحة إيقونة اسمها : channels
    بعدها تدخل
    WebTV channels
    بتطلع لك كل القنوات العربية إضافة لقنوات الجزيرة كلها >> عشان تشيك وتعرف اش هي القنوات بالضبط
    سعر الاشتراك $30 . Per month
    خلاص كذا يكون عرفت وش هي القنوات .. يصير بعدين تشترك من الأيقونة الي في الأعلى webTV خدمة ويب تي في
    ( تسجيل الدخول)

    إن شاء الله بس أكون وضحت لكم الطريقة .. وبالتوفيق إن شاء الله
    في أمان الله ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.