الأعضاء الإشتراك و التسجيل

الملتقيات
ADs

الغش مرض ملازم لأكثر الطلاب السعوديين

الغش مرض ملازم لأكثر الطلاب السعوديين


NOTICE

تنبيه: هذا الموضوع قديم. تم طرحه قبل 1640 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة new.vision
    انظر للتعليم العام فهنا تكمن المشكلة
    فيه حول فكري منتشر لدى المعلمين و كل القائمين على منظومة التعليم
    على سبيل المثال ، بعض المعلمين في نهاية الاختبار النهائي و عندما لا يكون في القاعة سوى طالبين أو ثلاثة من الفاشلين ينتظرون ما يتوقعونه دائما ( المساعدة ) فيقوم بعض المعلمين بمساعدتهم توهما منهم أن في هذا رحمة وشفقة ، و بعضهم إن ناقشته قد يجادلك و يتهم بعديم الرحمة . سبحان الله ، الرحمة ما رفرفت على قلبه إلا في هذا الأمر .
    هناك عقلية سائدة لدى أغلب الشعب ، هذه العقلية لا تعي معنى النظام ، ليس لديهم ما يسمى بـ شغف النظام ، و ليس لديهم استعداد للالتظام بالنظام . هناك نظرة عدائية لفكرة النظام ( Order ) . و كل من يقرأ تاريخ الحضارة الحديثة التي أجزم أن بريطانيا بإرثها الحضاري المشهور بالنظام و شغف النظام قد ساهمت ببناء نصف هذه الحضارة الحديثة ( و أمريكا في الأصل ليست إلا ولايات بريطانية مستقلة ) ، أقول أن من يقرأ تاريخ هذه الحضارة يعلم أنها ما بنيت لو لم يتلزم أهلها بالنظام .
    جميل جداً، ورؤة جديدة يا رؤية جديدة،،،
    أسمع عن هذه القصص، مدرس يبي يلحق "الفول" مع بقية المدرسين، يغشش آخر طالبين علشاني طلعون بدل ما يجلسون على قلبه بقية الوقت.
    السعودية بشكل عام ما فيه نظام في شيء، ومن ضمنه التعليم العام
    اللي يبي يعرف ضياع النظام عندنا بس يتفرج لشوارعنا، ويوقيس عليها كل أمورنا
    شارع طريق الملك فهد في الرياض مثلاً، طريق أملس ليس فيه أي علامات تنظم السير
    لا قيمة لا للخط الأبيض ولا للخط الأصفر ولا فرق عند مستخدم الطريق بين الخط المتقطع والخط المستقيم
    لا يوجد أي شيء يحدد متى تنعطف ومتى لا يجوز لك أن تستمر في مسارك ومتى لا يجوز لك أن تنتقل
    أبد أمسك طارة ولف متى ما تحب وتجاوز ما تحب وانعطف متى ما تحب ووقف متى ما تحب ودق إشارة وإلا لا تدق...

    إذا كان هذا وضعنا في الشارع، وش وضعنا في بقية حياتنا، ومنها الحياة التعليمية.

    تحياتي لك وشكراً لإضافتك،،،
    7 "
  2. المشاركة الأصلية كتبت بواسطة hayway
    اعجبني تفاعل اغلب الردود مع الموضوع ومحاولة ايجاد السبب لهذي الظاهره
    العضو 10k *قال شي لفت نظري قال"ويصير مثله مثل هالمسؤولين اللي عندنا بالدوله شهادات بدون عقل !"
    انا دايم ابي اعرف السبب اللي يخلي الناس تفكر بالغش لكن مافيه سبب معين
    بكل مره افكر بالموضوع اطلع بسبب غير
    وهالمره طلعت بسبب جديد لهالظهره
    اللي هي المسؤولين هم اللي عودونا على هذا الشيء
    يعني يجيك شخص ويقول لك ابوي ولا عمي ولا خالي يقول انت تخرج وبس
    فيكون الطالب مايهمه الا انه يتخرج بغض النظر عن الطريقه اذا كانت حرام او حلال
    لانه كأنه يشوف ابوه يقول له تغش ماتغش ماعلي منك اهم شي تجيب لي شهاده

    والاسباب كثيره اللي طلعت فيها واهمها
    -طالب مايحب يدرس اصلاً لكن يبي اي شهاده مايهم اي معدل بس ااسم انه درسها
    -طالب موعود بوظيفه من مسئول بعد التخرج فيقنع نفسه ان الوظيفه ماراح تجي الا بالغش لانه مايعرف يذاكر اصلاً
    -طالب يبي يثبت انه مجتهد قدام الناس ويحاول انه يغش علشان يثبت انه جدير بالشهاده
    -طالب ولي امره يعرف انه يغش لكنه غض النظر عن الطالب فيتمادى الطالب بهذا الشي
    -طالب يقنع نفسه بأن الكل يغش فليش انا ما اغش مثل الباقين "وكأنه اذا طبوا النار طب معهم"
    -طالب مجتهد دراسياً فيشوف غيره ياخذون نفس الدرجه وهم مايذاكرون فيلجأ لنفس الطريقه
    واهم شي قل الوازع الديني

    اذكر باحد المرات كنت مع لجنة مقابلات بتخصصات الاقتصاد
    جانا احد خريجين الماجستير بتخصص المحاسبه
    انا مالي علاقه بالموضوع لان تخصصي طبي لكن فيه دكتور كان هو المشرف علي قبل اتخرج وطلبوه لغياب احد اعضاء اللجنه ويحتاجونه
    فقال لي تعال معي دام عندك بريك
    الدكتور هذا مايهمه احد
    اول ما جلس الطالب قام الدكتور وكتب له سؤال بالمحاسبه يدرسونها بالمستويات الاولى اتوقع
    سؤال بسيط انا تخصصي طبي ومع كذا اشوف انه بسيط
    اللي متقدم على الوظيفه قال ماعليش انا ماعندي خلفيه عن السؤال هذا
    الدكتور شال اوراقه وقال مايستحق الوظيفه اذا مايعرف اسأله طلاب التخضيري يحلونها وهم ماتعمقوا بالتخصص
    اعجبني رده وبرد قلبي بسؤال واحد اثبت ان الطالب ماله اهليه للوظيفه
    يمكن بعضكم يقول انه سؤال ناسيه او شي مثل كذا ويحطون اعذار
    طيب ليش انا مادرست التخصص بالاساس وعرفت السؤال
    بعد فتره عرفت ان الدكتور اختار سؤال لايمكن لاي طالب بتخصص المحاسبه البكالوريوس انه مايعرفه علشان يكمل المقابله او لا
    حياك مرة أخرى،،
    حتى أنا بل استغربت من التفاعل، واعتقدت أن الموضوع إذا لم يكن حول الزواج أو المرأة والرجل فلن يحظى بشيء.
    لكن أنت وبقية الأعضاء جعلتم الموضوع حي، شكراً لك ولهم،،،
    7 "
  3. المشاركة الأصلية كتبت بواسطة 1OK
    صدقني انا ماذكرت المسؤولين الا لما ارى من قرارات منهم ومقابلات وغيرها تثبت أنهم لا يملكون من العلم "ذره" ..!

    فليس كل من حمل حرف "د" قبل إسمه يعني أنه "دكتور".. فالحرف يدل على اسماء غير ذلك كـ "دلخ" مثلا !

    انا لا احب الغش ولا أشجع اي احد عليه .. ولكني أرى ان السبب الرئيسي كما قلت سابقا يكمن في بيئتنا التي خرجنا منها !

    بكل صراحه .. نحن بالسعوديه لم نتطور حتى الان .. وكل من قال أننا في عصر الحضاره فهو غير مقنع بتاتا !
    أين تريد أن نحب القرائه ونتعلم ونبتعد عن الغش .. وهنالك اناس لازالوا يتولعون بـ "مزايين الإبل" .. و " حنا فعلنا وسوينا ".!؟

    يارجل .. أنا اذكر زمان .. غالب وقتي كنت مع الشيبان بالبر .. والله حتى المدرسه اذكر كنت احيانا اغيب عنها والسبب ! ان عندنا غدا لال ابو فلان !!
    مادري عن هالجيل .. ولكن انا اتكلم عن تجربه شخصيه !
    يعني تخيلوا معي وقتها .. كل اسبوع واثنين ناطين البر انا والاهل عزايم ! .. واهلي مايعترفون بالمدرسه الا اذا كان عندي اختبارات !

    ولا تغيرت هذه النظرة الا بالثانويه.. لاني بديت استوعب بالامور اللي حولي .. ولا حتى الشايب كان يهاوشني ههه يقولي كل ماجيت الا انت في غرفتك .. < متعودن دايم اقهويه هههه
    واذا قلت له اذاكر .. يقولي بكل برائه .. طيب وانا ابوك اقعد معي ساعه وعقبها انقلع ذاكر ! < حلو التشجيع مو ؟ ..

    يعني لو اني كنت اشوف شايبي يقرا بهالكتب والا هالمكتبه اللي بالصاله لو هي مليانه كتب تبين ان البيت مثقف .. مو مكتبه تصير مستودع لكل مفقود ؟ ! < والله حتى البزران يتخبون فيها هههه
    على الاقل كان بيكون عندي حب تعلم لاني اشوف .. فأكيد راح يأثر علي هالشيء ..

    فالواقع هذا مو علي انا لحالي .. ترا كثير بهالطريقه عندنا بالسعوديه .. لان عاداتنا وتقاليدنا متشابهه .. فكيف راح يتعلمون ويتسنعون اذا مافاقوا لانفسهم وطلعوا من البيئه اللي هم فيها ؟

    ولكننا كالمعتاد شعب بحب فقط المظاهر ! .. ويكتفي بذلك .. ويعمل كل ماهو لازم لاجل أن يصل لما يريده .. حتى وإن كانت بـ "الغش " ..!
    ( يعني الان "دسم شارب فلان" لاجل ان يخلص معاملتك .. ماتعتبر غش ؟ .. والا نجيب اعذار طبيه "غير صحيحه" لاجل نغطي ماغبناه من ايام ؟ ماتعتبر هذا غش ؟ .. وغيرها من الامور .)



    لو تبي تأسس جيل مثقف وواعي .. لابد انك تهيأ البيئه الثقافيه المناسبه .. حتى تنتهي بأجيال مثقفه وواعيه تتبعها ! .. وتندثر ظاهرة الغش بكل سهوله .. لان ماراح احد يحتاج يغش اذا كان عنده المعلومات اللي يحتاجها !
    لان لو اندثرت ظاهرة الغش .. إندثر الفساد وصلح حال البلد بشعبه ! ..

    والآن هو الوقت الانسب لتأسيس هذا الجيل .. فغالبنا الان متعلمين .. ومعهم شهادات جامعيه ..
    يعني اطفالنا راح يكونون في بيئه مناسبه لصياغة الثقافه المناسبه لهم .. وتعليمهم وتعوديهم على القرائه !

    وما عليك من اللي حصل معك بالماضي .. خلاص المفروض حنا نبني حياتنا بأنفسنا .. لا على ماضينا !
    فإذا الشخص كان عنده ماضي بالغش وما خالفه من امور .. لايزرع الفكره براس عياله ..
    خلاص يتعوذ من الشيطان ويسكت ويعطي عياله الشي اللي هو ماقدر عليه !
    فالمستوى اللي راح يوصله ولده من الثقافه .. كأن الاب هو اللي واصله !

    فلا احد يمشي على نفس الطريق ويخلي عياله يمشون على الطريق نفسه حتى وان كان خطأ !
    خطأك لا تحمله غيرك .. ولا تنقله لغيرك .. ولا تعلمه لاحد غيرك !
    فقط أحتفظ بخطأك لنفسك ! ..
    رائع كعادتك،،،
    الله يحفظ لك أبوك ويحفظه لك، بصراحة تشجيع فريد من نوعه هههه

    الغش فعلاً ليس فقط في الدراسة، غشنا في بيعنا وشرائنا، في وظائفنا، في علاقاتنا، الظاهر في كل شيء.

    تحياتي لك،،،،
    7 "
  4. المشاركة الأصلية كتبت بواسطة معيده ومبتعثه
    للأسف هذي الحقيقة وانا معك بكل كلمة انت كاتبها .... هذا اللي صاير معنا ونتركة للزمن وندعي ربينا لهم ولنا بالهداية ان شاء الله سواء عن فعل الغش او غيرها ...

    بس انا عندي نقطة ابي ارد عليها بموضوعك ... وجهة نظري مختلفة عن وجهة نظرك ببعض الشي ...

    عالطالب السعودي اللي دق عليك تدقق له
    المقاله ... انت تقول كيف انا ادقق له وهوا طالب لغه !!
    كيف حيتعلم الرايتينق مزبوط وهوا يعطي ثاني يساعده عشان يقدمها للمدرس !!

    انا طالبة لغة زيي زي الطالب هذا .... وياما مقالات كتبتها بطريقتي واعطي المدرس يصححها او اعطي اي امريكي او امريكية تصححها او احيانا اكتبها هنا بالمنتدى والعضو 1ok الله يجزاه خير كد دققلي كذا مره وعلمني شنو اخطائي وغيره اعضاء برضو ماقصروا الله يوفقهم .. وتعلمت اشياء بطريقتهم ماكد تعلمتها من المدرسة حقي بالسمستر الماضي!!!!
    طيب انا طالما اعطي واحد اخبر مني يصححلي ويقوللي هذا خطأ وهذا خطأ والسبب كذا كذا ياإنه غلط قرامر ولا غلط بالمعنى ولا غيره ...
    هل هذا مارح يخليني اتعلم !!!!
    هل هذا دليل اني غشيت !!!!

    طيب انا اهو تعلمت وتطورت كتابتي بهذي الطريقة .
    وحاليا ادرس بمستوى متقدم بالمعهد والمدرس حقي بنفسه يقول لجميع الطلاب ....تعلموا من اكثر من مكان ... اعطوا ناتيف سبيكر يقراها ويصححها لكم .... اعطوا واحد من قرايبيكم أعلى منكم يصحح لكم .... وتعلموا من كل خطأ .. . وعشان برضو بالذات لو كان الطالب بمستوى متقدم ويعرضه للمدرس بالشكل النهائي ... حيخسر درجاته .... وممكن يعيد سمستر كاامل يأثر على وقت بعثته .... ولو كان مدرسه ماعندة سالفه ماحيقدر حتى يعلمة خطأه ... ويصير هوا لا إنه نجح وعدى سمستر ولا إنه تعلم من خطأه وتطور!!!!.

    انا من الناس اللي تاخد العلم وتتعلم من خطأها من كل شخص اعلى منها مستوى اعطي احيانا زميلي بنفس مستوايا يصححلي وهوا يعطيني اصححله وكلنا نتعلم من بعض ونستفيد من خبراتنا البسيطه حتى لو كنا ندرس بنفس المستوى ....

    واسفه عالإطالة ... بس هذا من وجهى نظري الشخصية وطريقتي وتفكيري .... وماادري الطالب اللي كان يبيك تدققله ورسب بعدها ايش هوا هدفه ؟!!؟؟
    . هل يبي يتعلم؟! ولا ينجح في وقت ضيق ومايبي يضيع فرصته ؟؟!!.... ولا اهمال وعدم اهتمام؟؟!!.. الله أعلم بنيته .. ومانقول إلا الله يهديه ويوفقة ويوفق كل طالب ويحققوا اهدافهم ويرزقهم على قد نيتهم ...


    واتقبل الرد والنقد بصدر رحب ^_^
    هلا مبتعثة،،،

    المطلوب من الطالب أن يكتب المقالة بنفسه ويسلمها وعلى ضوئها ينجح في الرايتنق أو يعيد المستوى، والأساتذة في المعهد ممنوعين من تصحيح أي مقالة لأي طالب؛ لأن المقالة قد تكون مطلوبة منه عند أستاذ آخر.
    لمقالة يكتبها الطالب في القاعة في الأسبوع الآخير، والسعوديين يكتبونها في البيت ويخلون أحد يصححها لهم، ويجون في القاعة يسوون أنفسهم يكتبون وفجأة يسلمون المقالة جاهزة ومصححة.

    الطالب يعتمد على هذه الطريقة في الغش طيلة المستويات الماضية وما تعلم ولا شيء، وفي الأخير صار له إشكالية مع الشخص اللي يدقق له مقالته، وكتبها في البيت بس ما لقى من يصححها وسلمها ببلاويها ورسب.
    لو أنه كان صادق مع نفسه في كتاباته وتعلم من أخطائه كان ما وصل لهذا المستوى إلا وكتاباته جيدة على الأقل يستطيع أن ينجح في المستوى الذي يدرسه، أما بهذه الطريقة فمستواه الحالي هو مستواه قبل خمسة أشهر.

    الشيء اللي تتحدثين عنه، هذا شيء آخر، ما فيه عاقل راح يقول لك إنه خطأ.

    شكراً لتعليقك،،،
    7 "
  5. المشاركة الأصلية كتبت بواسطة Abeer 511
    مايعطون الثقه لطالب زي امريكا
    بعض الاحيان التشديد المراقبة يطفش واحنا مانبي نغش .. نبي نحل بالراحه ..
    بالرغم انه كان عددنا قليل .. ترتيب جلوس الطالبات .. عمود ايه وعمود لا .. وصف ايه وصف لا..
    المشكله تطاااااالع وانا احل واحس شعاع باتجاهي من عيونها هههههه استغفرالله..
    هلا بك عبير،،،
    شكلك محترفة ههه

    الثقة تعطى لأهلها، أما إعطاء الثقة لطالب يحاول يغش، فهذي اسمها "ثوارة".
    في القاعة طلاب أعرف أنهم جادين وأعرف مستواهم، هذولا أعطيهم الثقة، وحتى يمكن أثناء المراقبة ما أطالع يمهم.
    اما الطالب اللي أسوي فيها نظام أمريكي وأعطيه ثقة، وفي الأخير يغش، فبغض النظر عن الدرجة والعلم والحلال والحرام، هذا استغفال لي عينك عين، وليته يطلع ويسكت، بالعكس يروح يفتح منتدى الطلاب، ويقول: الدكتور الفلاني والله يا حنا غشينا عنده اليوم يعني: حشفا وسوء كيلة.

    لكن بالمختصر: بعض الأساتذة لا يعرف يضع أسئلة، ويكرر أسئلته كثير، وإذا عنده قاعتين يتعيجز يكتب اكثر من نموذج، وحتى يضع أسئلة سهل أن الطالب يغش.
    أنا شخصيا عندي أن الطالب يتكلم علي بما يشاء أمام الطلاب ولا يغش أمام عيني، ولذلك أكلف نفسي عناء صعوبة التصحيح لأجل أن أمنع الطالب من الغش

    فأنا أوهم الطالب أنه يوجد أكثر من نموذج وأكتب على الأوراق نموذج A, B, C
    وأقلب الأسئلة فوق تحت، وأغير ترتيب الخيارات والفراعات، وترتيب الفقرات
    وأتفادى الأسئلة الغبية التي تعتمد على الحفظ، وأخلي الطالب يفكر كثير
    علشان ما يكون عنده وقت للتلاعب ولطش الإجابات
    ومع ذلك أي محاولة للغش أتعامل معها بحزم

    والطلاب يتناقلون طريقتك في التعامل معهم
    ويكتبون عنك في المنتدى ويحذرون من الغش عندك

    لو كل دكتور تعامل بهذي الطريقة كانت اختفت الظاهرة
    ورفعنا من مستوى الطلاب بدل التخرج بطريقة الغش والتحايل.

    والله يصلح حالنا وحال الجميع،،،
    7 "
  6. اعتقد هذه موضوع الوحيد اللي كل الردود توافق عليه الجميع... لان مشكلة كبرى

    واثارها

    1- طبعا الغش حرام (( من غشنا فليس منا)
    2 - النظرة السيئة والدونية من الاجانب لنا في الجامعات الخارجيه " ياثر كثير على كل سعودي"
    3- تعود الطالب على الغش في كل شي حتى ولو وصل عمره 60
    7 "
  7. ۾‿ڼ اروع المواضيع التي قرأتها

    ‏​ٱ‏​نـِْ♡̨̐ـِْا اشوف سبب الغش في مدارس السعودية والاخص مدارس الثانويه
    وقبل كل شي كل انسان له مبدأ وانت تشوف هالشي غلط بس غيرك يشوفه عادي
    اهنيك مره ثانيه ع موضوعك والله هالشي منتشر بشكل فضيع في الجامعات 😣
    7 "
  8. المشاركة الأصلية كتبت بواسطة "عبدالعزيز"
    اعتقد هذه موضوع الوحيد اللي كل الردود توافق عليه الجميع... لان مشكلة كبرى

    واثارها

    1- طبعا الغش حرام (( من غشنا فليس منا)
    2 - النظرة السيئة والدونية من الاجانب لنا في الجامعات الخارجيه " ياثر كثير على كل سعودي"
    3- تعود الطالب على الغش في كل شي حتى ولو وصل عمره 60
    صحيح، وهذا يعني أنها ظاهرة يلاحظها لجميع.

    تحياتي،،،
    7 "
  9. المشاركة الأصلية كتبت بواسطة امااني
    ۾‿ڼ اروع المواضيع التي قرأتها

    ‏​ٱ‏​نـِْ♡̨̐ـِْا اشوف سبب الغش في مدارس السعودية والاخص مدارس الثانويه
    وقبل كل شي كل انسان له مبدأ وانت تشوف هالشي غلط بس غيرك يشوفه عادي
    اهنيك مره ثانيه ع موضوعك والله هالشي منتشر بشكل فضيع في الجامعات ��
    حياك أختي، وشكرا لمرورك وكلماتك،،،

    لا شك أن الغش في الجامعات له جذور سابقة من مراحل التعليم العام، والتهاون والتهوين خلت أمر الغش يسير في عيون الطلاب.

    تحياتي،،،
    7 "
5 من 6 صفحة 5 من 6 ... 456
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.