الغش مرض ملازم لأكثر الطلاب السعوديين
الغش مرض ملازم لأكثر الطلاب السعوديين
تنبيه: هذا الموضوع قديم. تم طرحه قبل 3956 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - مجتمعنا للاسف لازال بدائي, الكل يحرص على الشهادة ولا يهتم بما فيها من محتوى. عند التقديم على وظيفة يسئلون وش ما عاك من شهادات ولا يسئلون وش المهارات الي اكتسبتها, لذلك تلقى الشعب يسعى للحصول على الورقة بأي سبيل ولا يكترث بما فيها من محتوى. فاصبحت الوظائف بالسعودية بأغلبيتها عبارة عن بطالة مقنعة او ضمان اجتماعي.7 "
الحل هو تحرير سوق العمل الحكومي والخاص ليصبح التعيين والطرد من الوظيفة سهل, هذا الحل كفيل بتطوير مهارات المجتمع, وخلق وظائف كبيرة جدا للمواطنين لسهولة الحصول على وظيفة وكذلك صاحب العمل لسهولة التخلص من عديمي الكفاءة. -
7 " - 7 "هلا بك أخوي،،
ولدرجة أن الطالب يكره الدكتور اللي ما يتيح له فرصة يغش.
مرة قال لي رئيس القسم أن أحد الدكاترة الأردنيين مضطر قبل نهاية الامتحان بحوالي نصف ساعة يروح لموعد، وقال لي: لو تتكرم بس تروح تشوف على نهاية المحاضرة إذا باقي عنده طلاب تراقب اللحظة الأخيرة من المحاضرة ما راح يكون فيه طلاب واجد.
أنا قلت: طالما أني فاضي، خلني أعمل في الرجال خير، وأروح أمسك الاختبار كله، توه بدأ يمكن 15 دقيقة. وصلت عند الباب، يعلم الله يا ناس أني ترددت أن أطرق الباب وأدخل لأني ما توقعت أنها قاعة امتحان بالفعل من كثرة السواليف في القاعة. دخلت القاعة وألاقي الدكتور نفسه جالس ولا كأن عنده أحد في القاعة، والطلاب قسم بالله تقول متجمعين على فطور، القاعة كلهم طاولة جنب طاولة ومجتمعين وسط القاعة.
الدكتور خاف، وقام يقول لي: حياك الله يا دكتور، وشوي يصيح على الطلاب: خليك في ورقتك أنت وإياه! قلت له: خلاص تقدر تروح أنا بأمسك القاعة، قال لي: لا لا يا سيدي، أنا بس محتاجك في الربع الساعة الأخير، قلت له: لا خلاص رح أنا كلمت رئيس القسم وقال لي امسك الاختبار كامل.
طلع الدكتور، ووزعت الطلاب، وشتتهم، وقلت لهم: شوفوا، أنا ما جيت هنا وإلا وأنا قدّ المراقبة عليكم، لو أدري أن في أحد بيغش أمامي ما راقبت عليكم؛ لأن وجودي مثل عدمي، ووالله لو أشوف أحد يغش، ما ينجح في المادة لو إيش.
الطلاب حقدوا علي حقد غير طبيعي، وقاموا كل شوي يسلم واحد وبسرعة، ويطلعون ويتجمعون عند القاعة.
طلعت من القاعة، كلهم متجمعين في السيب ويتكلمون وكل واحد يرمي كلمة.
الخلاصة: الطالب لم يعد يحاول أن يغش فحسب، بل إذا منعته من الغش يشعر أنك منعته من حق له.
تحياتي،،، - 7 "الله يحييك، أنت مشاركاتك دائما ثرية.انا اتفق معك بكلامك ..
وفي امريكا ترى نفس الكلام لاتروح بعيد ..
اللي عندي هنا الاغلبيه يمشون على نفس النظام ..
في معهد اللغه وفي الجامعه ..
يتناقلون الاسئله من جيل لجيل !
المشكله ان مسألة الاسئله مفيده لو كنت تبي تاخذ نظره عامه بطريقة الاسئله يعني تتدرب عليها من دكتور معين حتى تكون مهيأ له !
بس الطلبه استغلوا اسألة الدكاتره اللي اخذوها من طلاب قبلهم .. لاجل الغش بس !
غالبية الدكاتره نظامهم يعطون نفس الاسئله لكل فصل .. يعني نادرا يغيرونها .. وبعضهم يغيرها بشكل مستمر ..
وفيه طرق كثيره يتبعونها علشان فقط النجاح ...
انا من وجهة نظري .. الطالب الاكاديمي ممكن أنه يستخدم اي طريقه تخليه يخلص غالبية المواد العامة اللي فرضت عليه وهي مو في تخصصه !
لاننا مثل مانعرف ان الجامعه تفرض على الطلبه مواد عامه اجباريه وغالبها ماتكون في التخصص !
في هذي الحال .. انا اشوف مثل ما الجامعه فرضت هذه المواد العامه خارج التخصص لاجل مصالح ماديه .. فما في مشكله لو ان الطالب لقا له طريقه يتخلص منها بشكل اسرع حتى يركز في تخصصه !
لكن هذا مو معناته انه يستخدم هذه الطرق في تخصصه ! لان لو استخدمها وش الفايده اساسا يدرس بالجامعه اذا حتى تخصصه مايبي يدرسه !
بس المشكله ان الان الكل يستخدم اي طريقه لاجل بس يخلص اكبر عدد ساعات يقدر عليه في الجامعه .. فمثلا تلاقيه طالب بكالريوس مخلص 90 ساعه كلها بالغش والحيله .. وبقية الساعات جهده الخاص (لانه مجبور) ..
فهذا لايعقل .. يعني بالنهايه بيتخرج بشهاده لايفقه في تخصصه شيء ! .. ويصير مثله مثل هالمسؤولين اللي عندنا بالدوله شهادات بدون عقل !
وانا اعتقد ان سبب الغش السائد بين السعوديين هو البحث عن الحلول السريعه .. والابتعاد عن الاجتهاد ..
لاننا بالسعوديه بكل بساطه مايعودونا على القرائه من الصغر !
يعني حتى بالبيت ماتلاقي احد فاتح كتاب يقرا .. اما تلاقي الشايب فاتح هالجريده يقرا والا فاتح هالتلفزيون على الاخبار !
اما أنك تشوف احد فاتح كتاب يقرأه ليستفيد .. فهذا نادرا جدا !
البيئه اللي مثل هذي تخرج اجيال لاتحب القرائة .. فبالتالي يلجأون للغش لانهم بكل بساطه "مايحبون يقرأون" ..
ولا تنسى أن عندنا بالسعوديه ضغط من الاهالي على الاطفال بالمدرسه .. لدرجة أنهم يكرهونهم بالمدرسه اكثر من انهم يحببونهم فيها !
بعكس الشعوب الاخرى (بالاخص الغربيه) ..
غالبيتهم أجزم أنه ماينقصهم الا بس يطبع اسم الكتاب بجبهته .. من كثر ماهو مصمغ هالوجهه بهالكتاب !
فبالتالي عياله يتأثرون منه لان البيت كله يقرأ ..
غير هذا فيه شغله فيهم حلوه .. انهم يحمسونهم على القرائه ..
احنا مانقرا قصص لاطفالنا .. ولا نشتري لهم كتب قصص يقرأونها بشكل دايم ..
هم لابد يقرأون قصه لاطفالهم بشكل يومي .. ومتى ماصار الطفل يقدر يقرأ .. اشتغلوا عليه بكتب القصص ليقرأها ..
اذكر العائله اللي كنت ساكن معهم .. بنتهم الصغيره حبت تساعدني بالقرائه .. فدخلتني على غرفتها وفتحت المكتبه حقتها ..
كل الدنيا عندها كتب قصص .. الكتب كثيره فوق المية كتاب تقريبا .. فسألتها اذا هي قرتها كلها .. قالت ايه وكلها قصص ..
فيه بعضها علمي .. وبعضها للاطفال الصغار مره ..
فمثلا هذي لما تكبر .. تكون متعوده على القرائه وعندها معلومات مسبقه عن غالبية الامور ..
فبالتالي راح تجدها مجتهده في دروسها .. لانها بس تحب تقرأ وماعندها مانع بانها تقرأ الكتاب كله !
بينما حنا بالسعوديه .. بزرانا تفتح دواليبهم تلاقا خلاقين والعاب وحصاله مافيها الا كم ريال !
واما الكتب .. اذا مايدرس مو لازم يكون عنده كتب !
واذا كبر وهو على هالحال .. اصبح حاله مثل حالنا الان ! ..
ايضا المجاراه ! يقولك المثل الصاحب ساحب .. يعني لو قرناء الشخص كلهم مجتهدين ومايلجأون للغش .. هو راح يجتهد .. واذا شافهم يغشون راح يغش ..
لان الاصحاب لهم تأثير على بعض بطريقه مباشره ...
فحتى نقضي على هذه الظاهره .. لابد أن تكون فئة المجتهدين تزداد ويبتعدون عن المساعده المباشره بدون النصح والارشاد .. وراح يكونون مثل الـ "الإبره " للقضاء على هذا الفايروس ! ..
اسف على الاطاله .. ولكن اعجبني الموضوع وحبيت اشارك
..
بالنسبة لقضية كونها مادة تخصص أو مادة مساعدة، والله أني أهرب من تدريس المتخصصين؛ لأنهم في كليتنا أكثرهم بس يمشون مو حقين دراسة.
وأختار أني أدرّس في كليات أخرى كالهندسة تتطلب بعض المواد الأساسية كمواد مساعدة، أدرسهم على الأقل يتقبلون المعلومة ويحاولون أن يهتموا وحالات الغش عندهم أقل.
بالنسبة لعدم حبنا للقراءة وأثره على التحصيل ومن هناك طريقة تعاملنا مع الاختبارات، فما ذكرته فعلاً له أثر كبير في تشكيل توجهنا حول العلم والدراسة والتحصيل الحقيقي.
بالمناسبة أعجبني الدولاب اللي كله خلاقين وحصالة فيها ريال هههه
تحياتي لك وشكراً لمرورك،،، - 7 "صدقت أخي الكريمبوجهة نظري الموضوع موب قصة مرض او ادمان.. وانما هو نتاج ثقافة التعليم عندنا..الطالب منذو الصغر ملقن بانه (يجب) ان ينجح ويجتاز مواده .. موب مهم يفهم مو مهم يستوعب مو مهم يفكر اهم شي النجوح.. السبب الثاني بوجهة نظري غياب ثقافه مسؤولية ورقابه الفرد ع نفسه.. لم نزرع هذه الثقافه ابد.. لو جيت وحطيت كم طالب سعودي بكلاس وخليتهم يختبرون وطلعت.. بيغشون.. عكس اليابانيين ع سبيل المثال.. لانه عندهم ثقافه ومسؤوليه شخصيه ومبادئ وقيم..كذلك الحال لو كنت مدير مدرسه او مدير دائره حكوميه وقلت للموظفينك انك بكرى منت مداوم ولا فيه احد بيغطي مكانك.. فطلبت منهم ان يأدوء العمل كالمعتاد.. صدقني الغالبيه لن تحضر .. اعتقد الخلل بالمجتمع.. بالمدرسه.. بالبيت..اتمنى الاجيال القادمه تكون اكثر مسؤولية والالتزام.. فالظاهره تتعدى الغش لابعد من ذلك بكثير..
أذكر مرة في بريطانيا، كانت الدكتورة عندها قاعتين، وغاب المراقب على القاعة الثانية
دخلنا القاعة وكانت الأوراق موزعة على الطاولات
جت وقالت: ابدؤوا الاختبار وأنا راح أبقى في القاعة الثانية
إذا احتجتم أي شيء أرسلوا لي أحدكم، وأرجو أن تلتزموا الهدوء
السعوديين قلبوها شراكة!
شكراً لمرورك،،، - 7 "حياك اخوي الكريم،،،
كلنا نتمنى ذلك، لكن والله واقعنا مؤسف، يبي لنا جرّافة تشيلنا وترمينا على كوكب ثاني
وننتظر مطر الموسم يمكن تمطر لنا أناس نزيهين.
أعتقد أن فكرة الغش في الجامعات تمتد للغش في الوظيفة، والغش في المسؤولية وهكذا.
تحياتي،،، - 7 "هلا بك أختي (وإن كان معرفك يقول إنك أخوي)حتى انا ممما عمري غشيت ، او فكرت فيه ، الحمدلله ، بس اشوفها مو مرا ظاهرة لكن يوم دخلت الكلية حسيت انها موضة عند البعض فقط .
مرا يوم انا بالمتوسط جتني بنت قالت لي انا كنت تعبانه وماذاكرت ومدري ايش وحتى شكلها كانت تعبانه قالت ابيك تساعديني ، قلت طيب ابشري بساعدك ، قالت شوفي اذا حليتي وخلصتي لا تسكرين ورقتك حطي الورقة على جنب الطاولة عشان اشوف ، يمآآ قلبي خفت وسكت وقلت طيب عشان ما اكسر كلامي
ويوم جاء الاختبار سويت اللي قالت لي ، ما ادري ماكنت احسبه غش كنت اعتقد انو مساعدة .. ومن بعدها كملت اسكر الورقة اذا خلصت لاني اخلص بسرعة وشفت صديقاتها يقولون لها قولي لها وهي تقول لا كأنها مستحية مني لكني ما استوعبت ناظرتهم ومشيت ولا طلبت مني بعدها .
والحمد لله ما عمري غشيت ولا احد طلب مني طوول الثانوية
وبالكلية هههههه جتني وحدة كان علينا تسميع قران ، تريدني ان ادخل بدل صديقتها لان صديقتها تعبآآنه ومدري ايش ، نفس الجزئية انا توني مخلصة تسميعها وهي استاذتهم غير ، لكن للاسف كنت اعرف الغش الان مو مثل بالمتوسط اصدق قلت: لا ماراح ادخل لانه حرام وغش مع ابتسامة ساخرة ، استغربن من ردي ، مرا رفعن ضغطي ودي اهزئهن زيادة لانهن ماهن صديقاتي ولا شيء ممما اعرفهن الا بس سلام لكن هذا اللي طلع مني ، ابتسامة ههههه
وصديقتي رسبت بمادة لانها قبل ما تدخل قالت لها وحدة ساعديني وكذا قالت لها اوك يعني تسلك لها ودخلت القاعة ، قامت البنت وكل شوي تسالها بالاختبار قامت صديقتي وسلمت ورقتها من الزعل هههههه ولا حلت . ما قدرت تستحمل لانو اول مرا يصير لها قلت لها انا بالمتوسط صار لي وسويت مثل ماسويتي قلت طيب مثلك قالت صدق ، وجلسنا انا وياها نضحك هذاك اليوم بلا سبب كنا فاصلات .
أسئلتي اللي مدوخنني:
وش سبب غش السعودي في دراسته وتحايله؟
اعتقد ضعف الوازع الديني ، واعتقادة انو اللي يحفظة شيء ماله فايدة وانو مو مستوعبه وحتى لو هو يستوعب كيف راح يطبقة بوظيفته ، ومو واثق من نفسه وقدراته .
من زرع فينا هذي الطريقة، ومين خلاها مرجلة في نظرنا وشطارة؟
المرحلة الابتدائية يمكن لانو هي الاساس على حسب مدرسة الشخص فإذا كان عنده احد يقرب له بالمدرسة او بنت مدرسة او شيء يغششونها عشان امها او زي كذا يعني يقولون صغيره .
صح لكن الحين نقدر نكسرها ونهزئهم عششان يعرفون قدرهم ، مو مرجلة ولا شطارة انا عندي بنظرتي احسبهم ينظرون على انها مساعدة وانو اللي ما تسويها انانية ولا تحب الخير لغيرها لكن يوم صرت اقول حرام وغش بالوجه ، صاروا ما ينظرون لي انو مو انانية ولا احب الخير لهم صاروا ينظرون لي اني انا الصح وهم الخطأ اللي جالسين يكسبون ذنووب وانا ما ابي اكسب ذنوب زيادة على ذنوبي ، واحب ديني اكثر ،
يعني اكبر شيء بيسوونه ايش ؟؟ حتى التحضير ما احضر لاحد لو هي اعز صديقاتي وطبعا الكل يعرف بس وحده تكرهني عشان هذا الشيء وكم مرا تقط كلام على السالفة بس من الكلاس الثاني مو عندي الحمدلله وما تهمني .
ما ينفع تعتذر لهم لااااا قول حرام واتركهم يراجعون انفسهم ومن ارضى الناااااس في سخط الله ، سخط الله عليه واسخط عليه النااس ، ومن اسخط الناااس في رضى الله رضي الله عليه وارضى عنه الناااس ترا البنات اللي قلت لهم حرام يحبوني بعد هذا الموقف اكثر ممما ادري ليه
هل الشعوب الأخرى مثلنا أو أنها ظاهرة خاصة بنا ولش حنا بالذات؟
هههههه يب شفت صينيين او يابانيين يغشون بمقاطع باليوتيوب اوما الشعوب الاخرى ما ادري ، ليست خاصة بنا .
اما حنا بالذات لاننا نحب الناس اكثر من انفسنا ، وهذا غلط المفروض نحب الله ثم الرسول ثم انفسنا ولنفسك عليك حق ، وهم يجوننا بطريقة مؤدبة تحرجك شوي ما تقدر تهزئهم
اسأل الله لنا الهداية موضوع ممتع .
اهم شيء نركز على حلهاا اذا كانت موجودة بدروس زيادة الثقة في النفس والقدرات البشرية وزيادة الوعي بفائدة المعلومات على الانسان وانها تنشط الذاكرة وتخليك اكثر ذكااء ... الخ
جميل جداً الحمد لله إن الواحد قادر على أن الواحد يحس بنزاهة مؤهلاته الدراسية، وما أعرف بصراحة هل كليات البنات تعاني من نفس المشكلة لكن أعتقد أن الطالبات أكثر اهتماما من الطلاب، ومشكلة الطلاب أن أكثرهم مو فاضي للدراسية يبي يفلها، ويشوف الغش رجولة.
شكراً لتعليقك،،، - إي والله يا أخي مرض7 "
حتى أنت كمدرس للمادة تشعر بأنك فشلت في تفهيم الطالب وإلا ليش يلجأ للغش.
ويجيك إحباط مهما كنت مجتهد في إداء مادتك للطلاب، كأنك تقول في داخلك: وش فايدة أني أبذل قصارى جهدي إذا كانت النتيجة محاولة غش في الامتحان.
شكراً لمرورك وتعليقك،،، - 7 "كلام ذهبي، والله الواقع عندنا أليم في كل شيء.والله يا اخي انت تتكلم عن قيم وعادات زرعت في عقول بعض الجيل و اذا كنا نريد البحث كيف وصلت لهم لازم نرجع للوراء...
على أي حال انا متأكد ان الشخص الي يغش لا يتمنى ان يعرف أي احد انه لجأ لهذا الأسلوب لتحقيق النجاح.
والي انا ايضاً متأكد منه ان فيه اشكال غير مشرفه للوطن ولا تستحق الأبتعاث وصرف المبالغ الطائلة عليهم وبالأصل فيه من هو أولى منهم لكن للأسف الموضوع يمتد الى جذور عميقه ...
يا اخون احنا بلدنا مافيه معايير
نعم المعايير الي تضبط كل شي في الصحه و التعليم و جميع الوزارات المدنية و العسكريه ومن هنا بدأ التحايل على الأنظمة و القرارات لتحقيق المصالح..
يا اخي عميد البحث العلمي في احد الجامعات الي مستأجر له واحد هندي وشغال بحوث بأسمه من يقدر يقول له من اين لك هذا
عمدا الكليات الي يستغلون المتعاقدين من أعضاء هيئة التدريس المتميزين لمشاركتهم بحوثهم من يقدر يقولهم من اين لك هذا
فقط معيار من اين لك هذا ما قدرو يطبقونه
خلونا نرجع للوراء اكثر كلنا نتذكر أيام ما كانت اختبارات الثانوية العامة من الوزارة وكان بعض الطلاب المقتدرين يذهبون للدراسة في بعض القرى المجاوره للحصول على معدلات مرتفعه
وكانو يترشحون بعد ذلك لأفضل الكليات الطب و الهندسه و الكليه الأمنيه و أرامكو وووو ويتولون مناصب عليا يعني يقودون البلد الا يعتبر هذا غش.
رحت اصرف دوا من الصيدليه وقالي تبغا تبغا الأصلي ولا بدل الأصلي قلت له لا بديل الأصلي ما يكون بنفس الجوده انا اعرف هذا من زمان عندنا بالسعوديه شركة فارم و الجمجوم و تبوك للأدويه تسوي شغلات عجيبه
بعيده عن التركيبه الأصليه – قالي الصيدلي لا لاتخاف ليس في هذا البلد يحدث مثل هذا الشي نحن عندنا على الأقل لابد ان تكون جوده المنتج المصنع اكثر من 95% والله بعدها حسيت بأحتقار لنفسي اني قلت له على المعلومه
على أي حال انا احس مع كثر الكتابه اني اخلط المواضيع على بعضها وانزل عن الخط كثير
المعايير الأكاديميه غير متبعه من قبل اغلب المبتعثين وشغلهم كله تلخيص و إعادة صياغه و استأجار مدرسين وهذا كله غش في غش
و للأسف نحن الضحيه لمثل هذه التصرفات بدأت سمعتنا تسؤ بسسب هذه التصرفات.
بالنسبة للأدوية صدقت يا أخي شيء فظيع، لي قريب كان يستخدم أدوية في السعودية
وكل مرة حالته هي نفسها ما يتحسن ولا شيء، وكان تشخصي المرض واحد عند كل الأطباء
لما جاء أمريكا، راح لطبيب وفعلاً نفس التشخيص لكنه قال له لازم تغير العلاج اللي عندك بعلاجنا
وأخذ العلاج والحمد لله طاب بعد سنوات من طبيب لطبيب ومن صيدلية لصيدلية في السعودية
عموماً:
طالما تطرقنا لسالفة الأدوية في السعودية، أحب أن أدعوك والأعضاء لمشاهدة هذي الحلقة الرائعة
مضحكة ومحزنة وتحكي واقعنا كما هو:
شكراً لك ولمرورك الكريم،،،
الجامعات السعودية مكتظة بالدكاترة الاجانب .. بمباركة من مدراء الجامعات والكليات والاقسام .. بالاضافة الى توصيات زملائهم الدكاترة السعوديين لهم ..
ليـــش ..؟؟!
الدكتور الاجنبي ياعزيزي لما يعمل بحوثه داخل الجامعة او خارجها .. يراعي عدم انتهاء عقده في الجامعه بعمل الآتي :
1 - يضطر الى عمل بحثين او ثلاث بحوث علمية كل سنة بمجهوده ..
بحث واحد باسمه .. والبحوث الاضافية ينسبها الى زميله الدكتور السعودي ..!!
2 - اذا ما اسعفه الوقت لعمل أكثر من بحث .. يتم اضافة اسم احد زملاءه الدكاترة السعوديين في بحثه الوحيد على اساس انهم تشاركوا في العمل ..!!
3 - اذا قام الدكتور الاجنبي بعمل كتاب لاحد المقررات .. وحتى يعتمد هذا الكتاب من قبل القسم ومن ثم الكلية ومن ثم الجامعة وحتى ينال الرضا ..
يعتمد اضافة بما لا يقل عن اسميْن لدكاترة سعوديين على غلاف الكتاب .. بالاضافة الى اسميْن آخرين كمدقيين للكتاب ..!!
وفي جميع الحالات الثلاث السابقة .. لم يشارك الدكتور السعودي فيها ولو بنظرة ..!!
هذا مايتسماش " غــش " يامرسي والا ايييييييه ..؟
احتجت أخذ فكرة عن جهاز تحليل كيميائي بوقت سابق ..
رحت لقريب لي في احد الجامعات يشتغل في مختبرات قسم الكيمياء ..
وطلبت منه يخدمني بهالموضوع ..
قالي بالحرف الواحد ..
شفت هالاجهزة ..؟
اغلبها عطلانه ..!!
سألته :
والبحوث اللي كل فترة والثاني تكرم الجامعة دكاترة القسم فيها .. كيف عملوها ..!!
قالي : يشترونها من مصر بـ 2000 جنيه .. !!
واللي يعل " كبدك " ..
الدكتور يوزع الورقة ..
ويذكرك بـ ( من غشنا فليس منا ) ..
ويوعد الطالب الغشاش بالرسوب .. اذا انكشف امره ..
من الاخير ..
الطاسة ضايعه ..