الغش مرض ملازم لأكثر الطلاب السعوديين
الغش مرض ملازم لأكثر الطلاب السعوديين
تنبيه: هذا الموضوع قديم. تم طرحه قبل 3961 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - كلام عاقلة أختي الكريمة، ما عندي تعليق أكثر من أني أقول الله يكثر من أمثالك، ويقر عينك بأبنائك المخلصين.7 "
تحياتي،،، - مشكلة الغش مشكله عامه حتى الامريكي والبريطاني والياباني يغشون بس تكثر عند الطلاب العرب
- الغش اصبح ظاهرة في اكثر الجامعات السعودية7 "
فعندما يتم التسجل للمواد قبل أي فصل دراسي يتم السؤال عن الدكتور وهل هوا يغشش او يسمح بالغش ثم تنزل المادة عنده
يدخل الدكتور الاجنبي " المصري " الى قاعة الاختبار لمادته فترا منة الحزم وتحضير محاضر الغش والتنبيه من الغش
ويصادف ذلك اليوم ان هناك اختبار اخر لمادة اخرى ولكن هوا الدكتور نفسة سوف يشرف عليك
تتغير نبرت الصوت وتقل الحده ولا يظهر محاضر الغش ويخرج من حقيبته اوراق الاختبار السابق وصححها بينما يترك الطلاب كل واحد وضميره
هناك عدد من الطلاب متعود على الغش " أي انه منذ صغرة وهوا يغش في أي اختبار وله أسلوبه وطرقة حيث انه كان يغش في اختبار الوطنية ايضا !! "
ممكن ان نرجع السبب في الغش الى كثير من الامور :
منها الطالب نفسة والدكتور المادة وكذلك مشرف الاختبار
اذا علم الطالب ان الاسئلة لا تتغير كل سنة فلسان حاله يقول " لماذا اذاكر كتاب ب 200 صفحة والاسئلة نفسها لن تتغير "
اما الطالب المجتهد يأخذ هذه الاسئلة ويذاكر الاشياء المهمة ايضاً اضافتاً عليها
كذلك عدم استرجاع الطالب دروسه اول بأول مما يجعل علية كم كبير ليله الاختبار
اما بالنسبة للدكتور المادة
يمكن ان يكون هوا من يحث الطلاب على الغش بطريقة او بأخرى
من حيث عدم إدراكه للمادة لأنه اصبح دكتور بالواسطة او بالغش ايضاً
او سماحه بالغش وتغاضيه عن الغاشين
اما المشرف على الاختبار فهو بيده زمام الامور اما ان يكون صارماً ويمنع الغش او يكون غير ذلك وفي كلتا الحالين صاحبنا المحترف سوف يغش
بالأمس كنت في احد المستشفيات بجدة
كان هناك خليط بين عمال الصيانة بالمستشفى من سعوديين واجانب السعوديين لاهين بالسوالف والمواضيع الجانبية اما الاجنبي دؤوب على عملة يرجع ذلك لغش السعودية في المراحل السابقة وعدم علمة بعملة
وعلى الناحية الاخرى في طاقم التمرض نفس الصورة تتكرر
" الا من رحم ربي "
وبعد هذا كلة نطالب بالسعودة اذا اصبح كل موظفي المستشفى او الوزارة او الجامعة سعوديين وهم من غش او توظف بالواسطة الى اين سنصل ؟!! - موضوع جميل عزيزي و لفتة جدا مهمة. من وجهة نظري موضوع الغش عادة سلوكية تعود عليها أغلب الشعب للأسف, مثل ما ذكروا الأخوان يتربى الطفل على ان والده كان محترفا في الغش و الكذب و نغلفها بالفكاهة! ماذا تتوقع من الابناء.7 "
حتى اكون صادق معاكم انا في بعض الاحيان غشيت ايام الجامعة و الله يعلم كنت الوم نفسي بعد الاختبار و لكن الدنيا حلوة هههههه , من جد اعتقد مشكلتنا في التربية و اللامبالاة في الغشو الكذب.
مثال يوضح ان الغش و الكذب اصبح عادة و سلوك عندنا حتى في أبسط الحاجات, قبل اسبوع كنت العب كورة مع امريكان و كنت انا وخويي فقط اللي سعوديين و باقي الملعب كلهم امريكان , صاحبي ارتكب خطأ و يعلم انه غلط ولانه مافي حكم الاعب الامريكي قال الحطأ عليك , وخويي مصر ان الخطأ على الامريكي, فالامريكي قال خلاص الخطأ عليا!
طبعا انحرج لما شاف صاحبي مصر انه ما غلط ! و غير كدا تلاقيهم لما يرتكبوا خطأ من نفسهم يوقفوا و يقولوا انا اخطأت الكورة لك هههههههههههه لو عندنا يحلف بكل ما تقدسه العرب انه ما علط ولا سوى شي . اتمنى اللي ما يفهم بالكورة فهم عليا ^_^.
الزبدة, اول شي اذكر نفسي و اذكركم ذاكروا و شدوا حيلكم و اتركوا الغش لانه من جد نتائجه ع المدى البعيد وخيمة فضلا عن انه حرام! - مشكلتنا بالغش معروفه ازليه في السعوديه لكن مارح اتحدث عن السعوديه دام الشي بينا وبين بعضنا7 "
لكن البلوه العظمى لمن تكون عند الاجانب والاجانب هذه الغش يعتبر جريمة ومثل الشرف!! انا بجامعتنا في امريكا اصبح السعودي والعربي مشهور بالغش عند الامريكي حتى اصبح
اي طالب امريكي يتحاشى انه يجلس جنبه سعودي او خليجي بسبب الغش!!
وكنت في حوار مع صاحبي امريكي يقولي انتم كسالى والاغلب مننا طبعا ماكان يعمم.. لان صار له موقف مع سعودي كان جنبه ويغش منه ومن المضحك السعودي حل كل حاجه لكن الامريكي باقي عنده سؤال
ماعرف يحله!! والسعودي كان حال هذه السؤول يقولي الامريكي عينك عين بالاختبار يكلمني يقول ترى معي اجابته اعطيك!!
فحاولت اتعمق بالشي معه فقالي الغش هنا زي الشرف او شي كبير كانك تسرق من بيتي شي!!
عموما ارى مشكلتها ليس فقط من الطالب لان فيه عوامل اخرى كثييرة الا وهي وزارة التعليم, المدرس , الدكتور. ولا احب اقول المقوله القديمه الاباء!! لان انا اتكلم عن شي فعلي
لمن يكون المدرس مراقب في المدرسه او الدكتور في الجامعة لدينا بالسعوديه نرى تساهل لو كل من غش او حاول يغش ويفصل دايركت !! مارح تلاقي احد يغش لكن عنندنا مافيه نظام فلذلك خلاص اصبح الغش عادي -
7 " - انظر للتعليم العام فهنا تكمن المشكلة7 "
فيه حول فكري منتشر لدى المعلمين و كل القائمين على منظومة التعليم
على سبيل المثال ، بعض المعلمين في نهاية الاختبار النهائي و عندما لا يكون في القاعة سوى طالبين أو ثلاثة من الفاشلين ينتظرون ما يتوقعونه دائما ( المساعدة ) فيقوم بعض المعلمين بمساعدتهم توهما منهم أن في هذا رحمة وشفقة ، و بعضهم إن ناقشته قد يجادلك و يتهم بعديم الرحمة . سبحان الله ، الرحمة ما رفرفت على قلبه إلا في هذا الأمر .
هناك عقلية سائدة لدى أغلب الشعب ، هذه العقلية لا تعي معنى النظام ، ليس لديهم ما يسمى بـ شغف النظام ، و ليس لديهم استعداد للالتظام بالنظام . هناك نظرة عدائية لفكرة النظام ( Order ) . و كل من يقرأ تاريخ الحضارة الحديثة التي أجزم أن بريطانيا بإرثها الحضاري المشهور بالنظام و شغف النظام قد ساهمت ببناء نصف هذه الحضارة الحديثة ( و أمريكا في الأصل ليست إلا ولايات بريطانية مستقلة ) ، أقول أن من يقرأ تاريخ هذه الحضارة يعلم أنها ما بنيت لو لم يتلزم أهلها بالنظام . - اعجبني تفاعل اغلب الردود مع الموضوع ومحاولة ايجاد السبب لهذي الظاهره7 "
العضو 10k *قال شي لفت نظري قال"ويصير مثله مثل هالمسؤولين اللي عندنا بالدوله شهادات بدون عقل !"
انا دايم ابي اعرف السبب اللي يخلي الناس تفكر بالغش لكن مافيه سبب معين
بكل مره افكر بالموضوع اطلع بسبب غير
وهالمره طلعت بسبب جديد لهالظهره
اللي هي المسؤولين هم اللي عودونا على هذا الشيء
يعني يجيك شخص ويقول لك ابوي ولا عمي ولا خالي يقول انت تخرج وبس
فيكون الطالب مايهمه الا انه يتخرج بغض النظر عن الطريقه اذا كانت حرام او حلال
لانه كأنه يشوف ابوه يقول له تغش ماتغش ماعلي منك اهم شي تجيب لي شهاده
والاسباب كثيره اللي طلعت فيها واهمها
-طالب مايحب يدرس اصلاً لكن يبي اي شهاده مايهم اي معدل بس ااسم انه درسها
-طالب موعود بوظيفه من مسئول بعد التخرج فيقنع نفسه ان الوظيفه ماراح تجي الا بالغش لانه مايعرف يذاكر اصلاً
-طالب يبي يثبت انه مجتهد قدام الناس ويحاول انه يغش علشان يثبت انه جدير بالشهاده
-طالب ولي امره يعرف انه يغش لكنه غض النظر عن الطالب فيتمادى الطالب بهذا الشي
-طالب يقنع نفسه بأن الكل يغش فليش انا ما اغش مثل الباقين "وكأنه اذا طبوا النار طب معهم"
-طالب مجتهد دراسياً فيشوف غيره ياخذون نفس الدرجه وهم مايذاكرون فيلجأ لنفس الطريقه
واهم شي قل الوازع الديني
اذكر باحد المرات كنت مع لجنة مقابلات بتخصصات الاقتصاد
جانا احد خريجين الماجستير بتخصص المحاسبه
انا مالي علاقه بالموضوع لان تخصصي طبي لكن فيه دكتور كان هو المشرف علي قبل اتخرج وطلبوه لغياب احد اعضاء اللجنه ويحتاجونه
فقال لي تعال معي دام عندك بريك
الدكتور هذا مايهمه احد
اول ما جلس الطالب قام الدكتور وكتب له سؤال بالمحاسبه يدرسونها بالمستويات الاولى اتوقع
سؤال بسيط انا تخصصي طبي ومع كذا اشوف انه بسيط
اللي متقدم على الوظيفه قال ماعليش انا ماعندي خلفيه عن السؤال هذا
الدكتور شال اوراقه وقال مايستحق الوظيفه اذا مايعرف اسأله طلاب التخضيري يحلونها وهم ماتعمقوا بالتخصص
اعجبني رده وبرد قلبي بسؤال واحد اثبت ان الطالب ماله اهليه للوظيفه
يمكن بعضكم يقول انه سؤال ناسيه او شي مثل كذا ويحطون اعذار
طيب ليش انا مادرست التخصص بالاساس وعرفت السؤال
بعد فتره عرفت ان الدكتور اختار سؤال لايمكن لاي طالب بتخصص المحاسبه البكالوريوس انه مايعرفه علشان يكمل المقابله او لا - صدقني انا ماذكرت المسؤولين الا لما ارى من قرارات منهم ومقابلات وغيرها تثبت أنهم لا يملكون من العلم "ذره" ..!7 "
فليس كل من حمل حرف "د" قبل إسمه يعني أنه "دكتور".. فالحرف يدل على اسماء غير ذلك كـ "دلخ" مثلا !
انا لا احب الغش ولا أشجع اي احد عليه .. ولكني أرى ان السبب الرئيسي كما قلت سابقا يكمن في بيئتنا التي خرجنا منها !
بكل صراحه .. نحن بالسعوديه لم نتطور حتى الان .. وكل من قال أننا في عصر الحضاره فهو غير مقنع بتاتا !
أين تريد أن نحب القرائه ونتعلم ونبتعد عن الغش .. وهنالك اناس لازالوا يتولعون بـ "مزايين الإبل" .. و " حنا فعلنا وسوينا ".!؟
يارجل .. أنا اذكر زمان .. غالب وقتي كنت مع الشيبان بالبر .. والله حتى المدرسه اذكر كنت احيانا اغيب عنها والسبب ! ان عندنا غدا لال ابو فلان !!
مادري عن هالجيل .. ولكن انا اتكلم عن تجربه شخصيه !
يعني تخيلوا معي وقتها .. كل اسبوع واثنين ناطين البر انا والاهل عزايم ! .. واهلي مايعترفون بالمدرسه الا اذا كان عندي اختبارات !
ولا تغيرت هذه النظرة الا بالثانويه.. لاني بديت استوعب بالامور اللي حولي .. ولا حتى الشايب كان يهاوشني ههه يقولي كل ماجيت الا انت في غرفتك .. < متعودن دايم اقهويه هههه
واذا قلت له اذاكر .. يقولي بكل برائه .. طيب وانا ابوك اقعد معي ساعه وعقبها انقلع ذاكر ! < حلو التشجيع مو ؟ ..
يعني لو اني كنت اشوف شايبي يقرا بهالكتب والا هالمكتبه اللي بالصاله لو هي مليانه كتب تبين ان البيت مثقف .. مو مكتبه تصير مستودع لكل مفقود ؟ ! < والله حتى البزران يتخبون فيها هههه
على الاقل كان بيكون عندي حب تعلم لاني اشوف .. فأكيد راح يأثر علي هالشيء ..
فالواقع هذا مو علي انا لحالي .. ترا كثير بهالطريقه عندنا بالسعوديه .. لان عاداتنا وتقاليدنا متشابهه .. فكيف راح يتعلمون ويتسنعون اذا مافاقوا لانفسهم وطلعوا من البيئه اللي هم فيها ؟
ولكننا كالمعتاد شعب بحب فقط المظاهر ! .. ويكتفي بذلك .. ويعمل كل ماهو لازم لاجل أن يصل لما يريده .. حتى وإن كانت بـ "الغش " ..!
( يعني الان "دسم شارب فلان" لاجل ان يخلص معاملتك .. ماتعتبر غش ؟ .. والا نجيب اعذار طبيه "غير صحيحه" لاجل نغطي ماغبناه من ايام ؟ ماتعتبر هذا غش ؟ .. وغيرها من الامور .)
لو تبي تأسس جيل مثقف وواعي .. لابد انك تهيأ البيئه الثقافيه المناسبه .. حتى تنتهي بأجيال مثقفه وواعيه تتبعها ! .. وتندثر ظاهرة الغش بكل سهوله .. لان ماراح احد يحتاج يغش اذا كان عنده المعلومات اللي يحتاجها !
لان لو اندثرت ظاهرة الغش .. إندثر الفساد وصلح حال البلد بشعبه ! ..
والآن هو الوقت الانسب لتأسيس هذا الجيل .. فغالبنا الان متعلمين .. ومعهم شهادات جامعيه ..
يعني اطفالنا راح يكونون في بيئه مناسبه لصياغة الثقافه المناسبه لهم .. وتعليمهم وتعوديهم على القرائه !
وما عليك من اللي حصل معك بالماضي .. خلاص المفروض حنا نبني حياتنا بأنفسنا .. لا على ماضينا !
فإذا الشخص كان عنده ماضي بالغش وما خالفه من امور .. لايزرع الفكره براس عياله ..
خلاص يتعوذ من الشيطان ويسكت ويعطي عياله الشي اللي هو ماقدر عليه !
فالمستوى اللي راح يوصله ولده من الثقافه .. كأن الاب هو اللي واصله !
فلا احد يمشي على نفس الطريق ويخلي عياله يمشون على الطريق نفسه حتى وان كان خطأ !
خطأك لا تحمله غيرك .. ولا تنقله لغيرك .. ولا تعلمه لاحد غيرك !
فقط أحتفظ بخطأك لنفسك ! ..
و صاحب الواسطة يقلك ..
جيب لي اي شهادة باي طريقة و في اقرب فرصة
وان شاء الله امورك بتكون طيبة !
و هذا هو الحال