الغش مرض ملازم لأكثر الطلاب السعوديين
الغش مرض ملازم لأكثر الطلاب السعوديين
تنبيه: هذا الموضوع قديم. تم طرحه قبل 3955 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - جميل جداً أخي الكريم،،،7 "
قد يكون أحياناً وجود الأجانب له جانب غير طيب، وأنت ذكرتني أضيف نقطة هامة وهي:
أن بعض الجامعات صارت تعتمد في تجديد عقد المتعاقد الأجنبي على حسب التقييم الإلكتروني
بمعنى أن هناك درجة من 4 ويوم الطلاب بتقييم المدرس إلكترونياً وبشكل إجباري
وبناء على نتائج التقييم يتم التجديد أو عدم التجديد للمتعاقد
للأسف هذا خلى الدكتور الأجنبي يبحث عن رضا الطالب بطريقة أو بأخرى ليستمر عقده
فالأجنبي أصبح يتيح للطلاب الغش ويعطيهم درجات مثل ما يبون ليرضوا عنه ويقيموه تقييم عالي
لما تجي جديد على القسم تتبادر لك بعض الأسئلة حول بعض الأجانب
فمثلاً عندك دكتور تخصصه عادي جداً ومتعاقدين معه من قبل أولد أنا
لما تسأل ببراءة في البداية ليش هذا الدكتور صار له سنين في القسم
يقولون لك هذا كويس وخسارة على القسم
ثم تكتشف الحقائق فيما بعد.
تحياتي،،، - صدقت أخوي "مجنون حاسب"7 "
الوظائف الحكومية خصوصا، إذا تعينت ما أحد يقدر يسوي لك شيء مهما كنت متلاعب وغير مخلص.
وعندنا مجاملات لبعض، هذا الموظف قديم وقبلي أو هذا الدكتور أستاذي وما أقدر أسوي له شيء
وبنفس الوقت بعض المديرين ورؤساء الأقسام ما يقدرون يسوون لفلان الفلاني أي شيء
لأنه من قبيلة المدير العام أو العميد...
وضع مؤلم جدا، والتحسن يبدو لي حلم!
شكراً لمرورك أخوي،،، - هلا بك أخوي،،،7 "
هذي فعلاً مصيبة، وقتل للنزاهة في التوظيف
مرة كان عندي طالب حالته حالة، بعني مرة مستحيل ينجح
كانت درجاته طيلة الفصل تكاد تكون أصفار لولا الكسور التي أجمعها له
خرجت من القاعة ذات مرة واتجهت للقسم وأسمع أحد يقول هذا هو هذا هو
طالعت وراي، وإذا هو والد هذا الطالب جالسين يمشون وراي يبغون يكلموني
طبعاً على طول: لو تكرمت يا دكتور (طبعاً يعرف أني ماني دكتور بس هههه)
سلم علي دكتور كبير في العمر بحرارة وقدم لي نفسه وقال: أنا رئيس قسم كذا
وحنا نعتبر زملاء وولدي يمدحك ما شاء الله علم وإخلاص ومدري إيش
قلت له تفضل معي القسم نكمل الحديث هناك، قال لي لا لا، مو مشكلة هنا (في السيب)
المهم بدأ يقول لي: ولدي ممتاز في تخصصه ومدري إيش بس الظاهر مادتك مو ذاك الزود
ومن هالكلام، وفي الأخير قال لي:
حنا بس نبي الولد يتخرج إن شاء الله بأسرع وقت؛ لأن أحد واعدنا بوظيفة
والمقعد شاغر ينتظره، ولو تأخرنا على الرجال، نخاف تطير فرصته وأنت عارف صعوبة الوظائف
قلت له: أنا دائماً في نهاية الفصل اساعد كل الطلاب، ولدك إن شاء الله راح أساويه بزملائه
واللي أقدر أسويه راح أسويه، لكني ما أستطيع أعدك باي شيء؛ لأن درجاته للآن ما تبشر كثير
وللأسف رسب في المادة، وتلقيت رسالة لوم إذا لم يكن أشبه بالتهديد من أبوه المحترم!
تحياتي،،، - هلا بك أخوي،،،7 "
وهذا هو السؤال: ليش الغش عندنا متفشي حتى لو كان الطالب يدرس في جامعة غربية ينقلها وين ما راح.
الغش عندنا فيه بجاحة زائدة، بحيث يقاتل الطالب قتال ليغش امامك، وإذا شددت عليه المراقبة يزعل كأنه من حقه أن يغش.
عموماً: شكراً لمرورك،،، - مايعطون الثقه لطالب زي امريكا7 "
بعض الاحيان التشديد المراقبة يطفش واحنا مانبي نغش .. نبي نحل بالراحه ..
بالرغم انه كان عددنا قليل .. ترتيب جلوس الطالبات .. عمود ايه وعمود لا .. وصف ايه وصف لا..
المشكله تطاااااالع وانا احل واحس شعاع باتجاهي من عيونها هههههه استغفرالله.. - هلا بك أخوي عبد الرحمن الشهري7 "
تعليق قيم، استمتعت بقراءته، وأتفق معك تماماً الوضع عندنا إذا تأملت فيه بجدية وحسرة على وطنك لا أدري إلى أين يمكن أن يأخذك.
بالنسبة لموظفينا في المؤسسات التعلميية والصحية وغيرها، فكما تفضلت أنت عدم مبالاة بواجبهم الوظيفي
الشباب على الأقل تجيه تقول له: بالله خلص لي هذي أو شف هذي، ممكن يستحي منك ويشتغل حتى لو ما له نفس
ولو ما سوى لك شيء تقدر تتكلم معه وحتى لو وصلت للمهاوش عادي
لكن من أسوأ العينات اللي مرت علي في أداء وظائفهم هم الممرضات السعوديات أو بعموم السعوديات اللي يشتغلون في المستشفى
طول وقتها "كير كير كير كير" مع صاحباتها، ضحك ومياعة وكل شوي تركض دورة المياه تضبط المكياج وترجع
لما تجي تقول لها: عندي كذا تسوي نفسها سندريلا وتناظر من طرف عين، وتقول: لحظة
وتطس مدري وين تروح ...
مرة أخرى شكراً لتعليقك الجميل،،، - هههه الله يستر عليك يا غالي،،،7 "
أعجبني "يحلف بكل ما تقدسه العرب" حسيت أننا في عهد أبو لهب ههه
وهذي ترى مشكلة الطالب في الجامعة، تشوفه يغش عيني عينك، ويحلف أنه ما يغش
يا أخي تقول له اكتب مقالة من راسك، لا تجيبها لي من النت ما ابغاها
ويجيك ناسخها من النت حتى والله ما يغير حجم الخط هههه
وتقول له: أنت ناسخها من النت، يقول لك: كيف؟
الله يصلح الحال، تحياتي لك،،،، - هلا بك عبد العزيز،7 "
ما قصرت، فعلاً عندنا تهوين من المسألة، وأصبحت شيء عادي بل مفضل عند البعض.
وأصبح الغش في بعض الجامعات يشترط أن يكون هناك دليل واضح عند الدكتور
لكي يرفع محضر غش على الطالب، وإلا سوف ترجع المشكلة في رأس الدكتور
في بعض الجامعات صار لا بد أن تمسك شيء عيني (مادي) لتثبت محضر الغش
ولا بد أن تثبت أن طريقة الغش هذا كورقة أو ما إلى ذلك وجدتها مع الطالب نفسه
لذلك صار الدكتور يشوف الطالب يغش من زميله ويكلمه جهارا نهارا
وما يقدر الدكتور يتكلم معه؛ لأنه ما فيه شيء يثبت أنه غش ويخاف الدكتور ياكلها
في جامعة الإمام عندما درست فيها كان الغش يعتبر كارثة ويسبب لك مشاكل خيالية
بصراحة كان شيء يحسب لجامعة الإمام مشاكلها الأخرى
وعندما انتقلت لجامعة الملك سعود، انصدمت بالواقع فيها
الغش متفشي ويكاد يكون سمة خصوصا في بعض الكليات
اللي معروف أن طلابها أقل جدية.
شكرا أخي عبد العزيز على التعليق، تحياتي،،، - الله يغير الحال للأفضل، وإن كان الملاحظ أنه "مدحدر" في الأصل.7 "
بس انا عندي نقطة ابي ارد عليها بموضوعك ... وجهة نظري مختلفة عن وجهة نظرك ببعض الشي ...
عالطالب السعودي اللي دق عليك تدقق له
المقاله ... انت تقول كيف انا ادقق له وهوا طالب لغه !!
كيف حيتعلم الرايتينق مزبوط وهوا يعطي ثاني يساعده عشان يقدمها للمدرس !!
انا طالبة لغة زيي زي الطالب هذا .... وياما مقالات كتبتها بطريقتي واعطي المدرس يصححها او اعطي اي امريكي او امريكية تصححها او احيانا اكتبها هنا بالمنتدى والعضو 1ok الله يجزاه خير كد دققلي كذا مره وعلمني شنو اخطائي وغيره اعضاء برضو ماقصروا الله يوفقهم .. وتعلمت اشياء بطريقتهم ماكد تعلمتها من المدرسة حقي بالسمستر الماضي!!!!
طيب انا طالما اعطي واحد اخبر مني يصححلي ويقوللي هذا خطأ وهذا خطأ والسبب كذا كذا ياإنه غلط قرامر ولا غلط بالمعنى ولا غيره ...
هل هذا مارح يخليني اتعلم !!!!
هل هذا دليل اني غشيت !!!!
طيب انا اهو تعلمت وتطورت كتابتي بهذي الطريقة .
وحاليا ادرس بمستوى متقدم بالمعهد والمدرس حقي بنفسه يقول لجميع الطلاب ....تعلموا من اكثر من مكان ... اعطوا ناتيف سبيكر يقراها ويصححها لكم .... اعطوا واحد من قرايبيكم أعلى منكم يصحح لكم .... وتعلموا من كل خطأ .. . وعشان برضو بالذات لو كان الطالب بمستوى متقدم ويعرضه للمدرس بالشكل النهائي ... حيخسر درجاته .... وممكن يعيد سمستر كاامل يأثر على وقت بعثته .... ولو كان مدرسه ماعندة سالفه ماحيقدر حتى يعلمة خطأه ... ويصير هوا لا إنه نجح وعدى سمستر ولا إنه تعلم من خطأه وتطور!!!!.
انا من الناس اللي تاخد العلم وتتعلم من خطأها من كل شخص اعلى منها مستوى اعطي احيانا زميلي بنفس مستوايا يصححلي وهوا يعطيني اصححله وكلنا نتعلم من بعض ونستفيد من خبراتنا البسيطه حتى لو كنا ندرس بنفس المستوى ....
واسفه عالإطالة ... بس هذا من وجهى نظري الشخصية وطريقتي وتفكيري .... وماادري الطالب اللي كان يبيك تدققله ورسب بعدها ايش هوا هدفه ؟!!؟؟
. هل يبي يتعلم؟! ولا ينجح في وقت ضيق ومايبي يضيع فرصته ؟؟!!.... ولا اهمال وعدم اهتمام؟؟!!.. الله أعلم بنيته .. ومانقول إلا الله يهديه ويوفقة ويوفق كل طالب ويحققوا اهدافهم ويرزقهم على قد نيتهم ...
واتقبل الرد والنقد بصدر رحب ^_^