مرافق أبغى أصير مبتعث وش الحل؟!!!!!

مع نفسك يابوي
من وين جايب معلومتك ذي
انا انضميت للبعثة (مرافق مبتعث) وزوجتي توها ماخلصت لغة

غير صحيح ابدا
ورجاء لا تفتي من راسك

من باب خبرة
عشان يفصل البعثة لازم ينضم للبعثة وعشان ينضم للبعثة لازم يكون درس جامعة
طبعا اذا انضم للبعثة ويبي يفصلها بحالتين الي هي تخرج المبتعث او انهاء ملفة (ملف المبتعث الاساسي) وبعدها يقدم المرافق طلب فصل بعثة

الكلام هذا اقوله لان هذا الي صاير معي الحين انا ادرس جامعة (انضميت كمرافق مبتعث) ورفضوا طلب فصل بعثتي عن المبتعث الاساسي

طبعا هنا الامور راح تفرق لو فية واسطة
فية ناس انضمت للبعثة وفصلتها والمبتعث الاساسي في مرحلة اللغة

اخوي نايف ..مبروك الانضمام للبعثه..

السلام عليكم .. لو سمحتوا اللي عنده الخبر اليقين يجاوبني .. مرافقي بيدرس ماستر مختبرات طبية لو حب يكمل دكتوراة يرقي البعثة يعني هل يسمحوا له اذا كان مبتعث مستقل خلال فترة الماستر ؟

اذا تم فصل البعثة فليس لكم الحق بالمطالبة بالترقية حسب التعهد الذي يوقعه المبتعث ومرافقه اما اذا لم يتم فصل البعثة فنعم يمكنه الترقية الى مرحلة اعلى بشرط استمرار المبتعث الاصلي في الدراسة بالتوفيق

الله يبارك فيك ان شالله
حبيت اضيف شغلة مسوية لي ازمة وهي
: من شروط فصل البعثة اني اقدم خطاب يؤيد الطلب من المشرف الدراسي بالجامعة
رحت له وقلت له يابن الحلال ذولا طالبين كذا
قال لي تستهبل انت ولا وش وضعك
قلت لا
قالي معصي ماراح اكتب شي زي كذا وانت اصلا جالس تدرس عندنا... كيف تبيني اقولهم انك اوكي لدراسة الماستر؟؟؟ قلت ايه قول كذا
قالي فهمتي بالله وش غرض الطلب....؟؟؟
قلت مدري بس هم طالبين كذا
الشاهد اني جلست ساعة اقنعة ورفض يكتب بس قال لي بكتب انك طالب تدرس عندي وان هذي درجاتك وانك اوكي
قلت اكتب كذا الشكوى لله..
الغريب والمضحك يقولي: انت متاكد انهم طالبين كذا قلت ايه قالي جب اثبات قلت بالعربي كاتبين قال مو مشكلة ورني وانا بترجم هههههههه قلت له طيب ووريته وقال ياخي امركم غريب...
الحين انت اصلا مقبول لدرجة الماجستير واشلون يبون خطاب تاييد وانت اصلا جالس تدرس ههههه
عاد انا عارف ان الملحقية لها غرض من وراء الطلب هذا بس ماعرفت وش اقوله هههه

موفق...........................