استفسار عن مبلغ السحب اليومي من الحساب الامريكي في السعودية

السلام عليكم اخواني اخواتي ..

انا في السعودية لي كم يوم ومحتار من اي صرافة اسحب من حسابي الامريكي .. ادري اني اقدر استخذم اي صرافة بس المشكلة اني ابغى افضل صرافة تعطيني اعلى قيمة سحب نقديه ..
سألت اكثر البنوك يقولون يعتمد على بنكك الامريكي وبنك اوف امريكا يقول يعتمد على الصرافة الي تسحب منها !!

فسؤالي: ماهو افضل بنك يعطيني عملية سحب بمبلغ عالي في السعودية؟ علما انني داخل امريكا مسموح لي بالسحب الى 1500 دولار ..


شاكر لكم جهودكم مقدما ..

العموله الامريكي ما ياخذ الا 3 دولار بالنسبه لتشاس
المشكله في السعودي بس اعتقد مو اكثر من 35 ريال
الصرافات السعوديه معروف الحد اليومي 5000 ريال

مثال
انا صرفت من السعوديه 1400 ريال بالدولار 373 دولار
عموله تشاس 5 دولار سوري مو 3 دولار بالاضافه الى11.20 دولارعموله البنك السعودي


بالتوفيق

اصرف مبلغ كبير كل فتره التكاليف ماراح تعدي ٥٠ ريال على كل صرفه على اي بنك واي صرافه

غالبا ماتعتمد على الصرافات .. بل تعتمد على الحد الاقصى المسموح لك من قبل البنك نفسه اللي يكون على البطاقه او مثل مايسمونه Daily cash limit ..
بنك اوف امريكا عادة اذا كانت بطاقتك طالب .. الحد حقها يكون 500$ للسحب من الصرافه .. وهذا الحد غالبية البنوك الامريكية تستخدمه ..
وارتفاع حد الصرف او حد المشتريات .. يعتمد على صاحبه وطلبه من البنك .. يعني تقدر ترفع وتنزل على حسب احتياجاتك ..!

بعموم الحال ..
اذا سبق وسحبت من الصرافه 1500$ وانت في امريكا ... معناته انك تقدر تسحب مبلغ يقارب لهذا المبلغ في اي دولة بالعالم ..
على أني ماذكر فيه صرافه بامريكا تصرف مئات ورق ! .. اعلى عمله عندها عشرين دولار .. يعني لو سحبت 1500 دولار .. بتجيك 75 ورقة من فئة 20$ ..

ومسألة الصرافات السعودية .. كلها مالها شغل بالحد .. الحد يمسك على البطاقه نفسها .. اذا البنك سامح لك بانك تسحب هالمبلغ تمشي البطاقه ماسمح لك ماتمشي !

فوين ما تسحب اذا كان في الصرافه مبلغ كافي راح يعطيك المبلغ اللي مسموح لك من البنك الامريكي نفسه ! ...


وفكرة الحد الاقصى للصرافات .. فكره مقلوبه نوعا ما ..
الحد يكون على البطاقه وليس الصرافه ...

الصرافه مشحونه بمبلغ معين .. اذا كان المبلغ اللي تبي تطلبه متوفر بالصرافه ..
الصرافه راح تصرف لك هالمبلغ .. بس !

اما الحد الاقصى بالسحب فهذا من البنك يكون على الحساب نفسه ومبرمج على بطاقتك ..
وزيادته ونقصانه يكون من البنك نفسه وليس من الصرافه !. .




هذا والله اعلم ..,