شريت ساعه عن طريق الامازون وتورطت

الاخوه والاخوات،،،،،،،،،،،،شريت ساعة عن طريق الامازون وارسلتها لبريدي في امريكا(واللي مطلعه من البريد السعودي)، والبريد السعودي تكفل بنقل الساعة للرياض،،،،المهم،،،،،الساعة واضح ان عليها خدوش من تحت، يعني مستعمله ،،،،وفوق هذا كبيرة على يدي، كأني مركب ساعه جدران على يدي،،،،،،،،،،،المهم،،،،،،الامازون قال لازم تردها لنا على حسابك طالما انك برا السعودية ونرجعلك فلوسك،،،،

المشكلة البريد الي عندنا حرامية،،،،فيديكس ودي اتش ال وارامكس يرسلونها بسلخ فلوس ( حول 600) وهي اساسا 450 تقريباً،،،،،،هل من حلول؟؟؟؟ هل فيه احد يعرف له خوي بيروح امريكا اخليه يرجعها وهو هناك واعطيه حقه،،، ولا ما تحبون الفزعه:D

مشكلة ساعات الامازون .. نصيحتي لا احد يشتري منها ..
لان غالبيتها تقليد .. وماهي اصليه ..

سبق وشريت ساعتين منها على اساس انها اصليه ..
وحده اهديتها زوجتي .. وماقعدت شهر الا وهي خربانه .. دخلها ماء .. وغير هذا صارت الساعه الوان ! اخذت لون الملابس !

المشكله بالامازون كاتبين ضد الماء وضد الخدش .. وهي اول قطرة ماء بلعتها ! والخدش حدث ولا حرج ! ..

يعني باختصار انتبهوا من ساعات الامازون خصوصا لو كنتوا تبون تشترون هدايا ..

واشوا اني جربتها مع الاهل ماجربتها مع الاصدقاء والله من الفشيله ..!

جربت البريد السعودي؟؟؟

شف لك أحد جاي أمريكا وأرسلها من داخل أمريكا.

آلبريـــد آلسعودي مآيآخــذ منكـ أكثــر من 130 ريآل وتوبــه مآعآد أرسل بفيدكس أو أرآمكس أو غيرهـ ..
يعني وش فرقت لو تآخرت آلإرســآليه يوم !!

لأني رآسل عن طريق فيدكــس زمآن وأخذ فقط ثلآث أيآم ..
وآلشركــة طلبت مني أرسل الأورآق من جديد وجربت عن طريق آلبريد آلسعودي ووصلت في وقتهآ آلمحدد ..
تأخرت يوم لأن الإرسآليه وصلت يوم الأحد وأحلى شي إن بموقع آلبريد مثلهم مثل بآقي آلشركآت حآطين تقفي الأثــر وكآتبين إن آلمكتب كآن مغلق !!


جرب ترى بتوفر على نفسكـ حول 170 ريآل تقريبآ ..
موفق ,,

انا كمان جربت البريد السعودي ترى صاروا ممتازين :13:

أجل نورونا، هل تقصدون البريد الممتاز؟

لأن بصراحة تجربتي مع البريد السعودي سيئة، مرة أرسلت أوراق علشان قبول في بريطانيا، ولا وصلت
أروح البريد السعودي يقولون سلمناها، أرسل للجامعة يقولون ما جتنا
في الأخير جبت قبول من جامعة ثانية وطلعت وبعدما درست شهرين أرسلوا لي الجامعة قالوا وصلت الأوراق هههه

في السنة الماضية 2012 تقريبا في شهر مارس
أرسلت أوراق لأحد الأصدقاء من الرياض لجامعة أمريكية
والله ما أبالغ أنها صكت شهرين لين وصلتهم وبعد وصلت يوم صار ما منها فائدة لأن الموعد فات ومات بعد

تحياتي