الأعضاء الإشتراك و التسجيل

الملتقيات
ADs

أبغى تفاعل لو سمحتو !

أبغى تفاعل لو سمحتو !


NOTICE

تنبيه: هذا الموضوع قديم. تم طرحه قبل 3921 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مُبتعث44
    مُبتعث44

    مبتعث جديد New Member

    مُبتعث44 الولايات المتحدة الأمريكية

    مُبتعث44 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى إدارة أعمال , بجامعة لحد الآن
    • لحد الآن
    • إدارة أعمال
    • ذكر
    • بورتلاند, أوريقن
    • السعودية
    • Jul 2013
    المزيدl

    July 3rd, 2013, 08:24 PM

    بسم الله الرحمن الرحيم
    السلام عليكم ورحمة الله وبركاته

    أبي أفضل معهد قوي في التدريس والفهم
    فيه معاهد يشتكون منها بالتأخير والترسيب وتدريسهم فاشل
    ياليت تفيدوني أكثر
  2. وعليكم السلام ورحمة الله وبركاته

    المعـاهد كثيـرة والأمـر واسـع ..
    طريقـة طرحـك للمـوضوع عـام ولا يخدمـك كثيـراً،،،
    أيـن التخصص ؟؟ والمعـدل ؟؟ علـى حسابك الخـاص أم مبتعث ؟

    وكل الإجابات ليس بالضرورة أن تكون مفيدة, لسبب بسيط معظم الدارسين درسوا في ولاية أو ولايتين ولا يستطيع تحديد أو التحدث باسم الولايات كاملة ..
    لذلك أنت من يحدد الخيـار, والمناسب لك .. بعد البحث والسـؤال

    بالتوفيق عزيزي ..
    7 "
  3. معاهد الجامعات في الغالب قوية في الكتابة والقرامر اما الخاصة في المحادثة جدا كويسين وانا رائي مثل ماقلوا الاخوان الي سبقونا في الابعاث اللغة تكتسبها بجهدك اكثر من المعهد لانك تحتاج تقراء وتحفظ كلمات المعهد يعطيك الاساسيات لاكن لازم تعتمد على نفسك والزمن هذا الانترنت فيه مصادر للعلم تقدر تستفيد منه
    7 "
  4. المشاركة الأصلية كتبت بواسطة مُبتعث44
    بسم الله الرحمن الرحيم
    السلام عليكم ورحمة الله وبركاته

    أبي أفضل معهد قوي في التدريس والفهم
    فيه معاهد يشتكون منها بالتأخير والترسيب وتدريسهم فاشل
    ياليت تفيدوني أكثر
    وعليكم السلام ورحمة الله وبركاته
    معهد قوي في التدريس هذي بالنسبة لي مفهومة
    بس معهد قوي في الفهم، أعتقد أن الفهم يأتي من جهة الطالب وليس المعهد.

    اسمح لي أٌقول لك شيء بخصوص الترسيب والتدريس الفاشل:

    - ترى كثير من السعوديين، وليعذرني الكل، هم الفاشلين وليست المعاهد
    وعندما يقول لك طالب أن المعهد يرسبك علشان فلوس ومدري إيش خذها بنسبة لا تتجاوز 10 إلى 20% من التصديق

    طلابنا للأسف تعودوا على "مشي حال" في الدراسة سواء في الثانويات أو الجامعات في السعودية
    يجي هنا يبي يدرس، اللغة تحتاج مجهود ليس حماس يوم أو يومين وبس، يبي لها متابعة ومراجعة، وصبر

    الطالب السعودي يجي يدرس في معهد، يعطونه كلمات ما يحفظها، يعطونها واجبات ما يسويها
    ويعتمدون على أسئلة سابقة منتشرة بينهم، وينجحون بهذه الطريقة وغش ويعيد الطالب المستوى مرة مرتين

    لما يجيهم معهد صارم:
    يجون يدورون أعذار، هذا يقول لك المعهد يرسبنا علشان يشفط فلوس وتدريسهم فاشل!
    أنا أعرف شخص، والله إنه يجي من المعهد ينام، يقوم يركب المعسل، ودردشة وتضييع وقت
    وفي النهاية لما تغيرت أسئلة المعهد رسب، قام يقول لي: الله لا يسامحهم رسبوني ويبون يشفطون فلوس!
    عجبي!

    وتخيل قبل يومين كان عنده اختبار، يقول:
    خليت المدرس لين صرت آخر طالب في القاعة، وطلبته يغششني!
    قلت له: من جدك أنت؟
    قال إي والله ما فيني حيل أعيد المستوى ثاني مرة بس رفض، علما أنه في مستوى 109 ELS
    قلت له: كيف تتجرأ؟ قال المدرس طيب
    طيب كيف قلت للمدرس يغششني؟
    قال لمحت له، بس أنا أتخيل أنه قال له:
    Can you cheat me

    المشكلة أن الشخص هذا أشوفه يكتب عن المعهد كلام سيئ في موقع النادي السعودي
    ولولا أن لي شخص قريب يدرس في نفس المعهد وأموره ماشية ما شاء الله ولغته تطورت ما صدقت


    مثال آخر:

    في هذا المنتدى يوجد موضوع يحذر من معهد في إحدى الولايات
    زميلي حصل على قبول مشروط بإنهاء كورس تمهيدي في معهد الجامعة قبل بداية الماجستير
    قال: والله المعهد ما يمدحونه بس راح أروح لهم على أية حال، ما عندي خيارات أخرى
    يقول: بدأت المعهد، والله المعهد ممتاز وضاغط علينا، وتمنيت لو أني درست في هذا المعهد
    والسعوديين يشتمون المعهد يقولون يرسب وهمه مادي، ويقول أنا والله مبسوط على الآخر
    صارت علاقته كويسة مع مدير المعهد، وجلس معه وفضفض له يوم من الأيام
    قال:
    السعوديين في المعهد يبغون يكسرون نظام المعهد وقوته بطريقتهم الخاصة
    يقولون: حنا ندرس بفلوسنا كيف ترسبونا، وناس ما نجحت وبالتالي ما انقبلت في الجامعة
    لأنا ما حققت النجاح في الكورس المطلوب قبل دخول الدرجة العلمية
    يقول: تعرضنا لتشويه سمعة المعهد، وحتى النادي السعودي أساء سمعة المعهد عند الملحقية
    حتى جاء إيقاف المعهد من الملحقية، ويقول اضطررت أني أتواصل مع الملحقية وأطلب أني أقابل أحد
    وبالفعل سافر مدير المعهد للملحقية وقابل شخص معين ووضح له الوضع
    ويقول: أنا أخرج طلاب تعفيهم الجامعة من اختبار اللغة، ما أستطيع أني أخرج طالب أي كلام وأدخله الجامعة
    ولذلك أنا عندي معايير معينة وشروط إذا الطالب ما حققها ما يدخل الجامعة ويعيد المستوى
    وأنا عندي نماذج طلاب سعوديين خرجناهم ودخلوا الجامعة بدون اختبار وأمورهم ماشية وهذي القائمة

    الملحقية تراجعت عن إيقاف المعهد، ومثل هذا المعهد اللي يصنع الطالب يستحق أن يشاد به بدل حملة التشويه

    الخلاصة:

    سالفة "الترسيب" على حد وصفنا نحن السعوديين لها صرت أشوفها ميزة، ولو بأدرس لغة راح أدور المعهد اللي يرسبني
    لأني إذا رسبت معناه أن هناك تحدي امامي ولازم أتجاوزه وإذا أنا ماني قد البعثة وتحدياتها أجلس عند المفاطيح في السعودية
    وإلا وش فايدتي أتخرج من معهد ينجحني ويسلك لي وأتخرج من آخر مستوى وأنا أمضي ساعة علشان أركب جملة إنجليزية


    البعض قد يقول هذا تهجم مني على المبتعثين، لكن حنا في زمان نكيل الأشياء بغير مكيالها، هذي شفافية ووصف للحال الواقعية.

    بالتوفيق لك،،،
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.