الأعضاء الإشتراك و التسجيل

الملتقيات
ADs

نسيت حجابي بالسعوديه !!

نسيت حجابي بالسعوديه !!


NOTICE

تنبيه: هذا الموضوع قديم. تم طرحه قبل 3918 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ملاك الجود
    ملاك الجود

    مبتعث مجتهد Senior Member

    ملاك الجود الولايات المتحدة الأمريكية

    ملاك الجود , أنثى. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى دكتوراه - محاسبة , بجامعة -----------
    • -----------
    • دكتوراه - محاسبة
    • أنثى
    • ------------, ---------
    • السعودية
    • Jul 2012
    المزيدl

    July 7th, 2013, 12:12 PM

    السلام عليكم و رحمة الله و بركاته

    اولا
    احب ابارك لجميع اخواني و اخواتي المبتعثين بشهر رمضان المبارك اعاده الله علينا و عليكم باليمن و البركات

    ثانيا

    بعض الاخوات للاسف تخلت عن الحجاب الاسلامي بحجة الشكل الشاذ او تحاشي نظرات المجتمع
    اصبح الحجاب(( ان وجد )) مجرد ديكور يضيف لمسة جمالية (( على باقي الكشخه ))
    خصلات من مقدمة الشعر و تلتها الاذن و الرقبه حين استبدل الحجاب بالقبعه
    بنطلون سكيني يفصل ادق تفاصيل الجسم وقميص لا يتجازو طوله ربع متر
    ومع فصل الصيف و الجو الحار استبدل البنطلون السكيني بالبنطلون المقطع منطقة الركبه و فوق الركبه

    هذا كله كوم و المكياج و الاكسسورات كوم ثاني

    اختي الكريمه نصيحتي لك قبل تطلعين من باب الشقه و انتي واقفه قبال المرايه تشوفين الكحل سايح او لا ,, لون الروج يناسب لون القميص ولا ودك تغيرينة,, لبستي ساعتك اللي تلمع و رفعتي اكمامك او نسيتي

    امانه طالعي بشكلك؟؟


    تقدرين توقفين بهذا الشكل يوم المحشر ؟؟
  2. وعليكم السلام والرحمة

    الحمدلله رب العالمين ،، قال تعالى
    اعوذ بالله من الشيطان الرجيم

    ( شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ ) صدق الله العظيم

    اللهم ساعدنا صيام وقيام شهرك المبارك امين اللهم امين

    اختي الكريمة احييك على طرحك لهذا الموضوع ، للاسف في شريحة كبيرة من البنات غير متقيدين بالحجاب الاسلامي ! والله ان البنت مايطلع جمالها الا اذا تسترت

    بعدين هل راح عن بالهم يوم الحساب؟! يوم يفر المرء من اخيه وامه وابيه وصاحبته وبنيه!؟

    ماقول غير الله يصلحكم بس ويثبت قلوب بناتنا الشريفات مثل صاحبة الموضوع

    موفقين
    7 "
  3. أهم شئ النيه وبياض القلب

    والأخلاق فوق الحجاب وفوق كل شئ
    اهم شئ الاخلاااااااااق
    الاخلاااااااااق

    مب اي وحده فكت شوشتها بامريكا صارت فاسقه ! سبحان الله خليتوها فاسقه مره وحده !؟!!

    ومب كل وحده بعبايتها ونقابها صارت ملاك !
    ياما وياما شفت منقبات اخلاقهم في طرف خشومهم ومحد عاجبهم

    وان جيت احاكيهم يردون بحرف ورد غطاه ، تقولون كنهم يردون على يهوديه
    وان بغيت فزعه يتعاملون معي كأني وحده مدري وش اقول بسسسس

    ما أنسى موقف صار لي في وول مارت
    كنت جديده بامريكا توني جايه ماكملت أسبوع !!! ورحت ولمارت وحست جواته مادري وش كنت افحط أدور
    وبأحد الاسياب( الممرات) شفت منقبه وانبسطت قلت ذي الي ربي جابها لي
    واروح لها داااااعسسسسسسه وتلمحني من بعيد وتروح تتمسك بيد زوجها وتلم ذراعه بين يديها
    انا فررررررملت يوم شفت الدعوة كذا قلت يا بنت دبري عمرك بس.

    وشو يعني ايش تتمسك بيد زوجها بسرقه منهااااا انا يعني ولا ايش!؟!!؟؟؟
    من ززززينه ذااا الركبه والله حركتهاااا صدمتني

    بصراحه ؟ وبغض النظر عن الردود الي بتتوجه لي ؟
    غالبيه المنقبات ينظرون للمحجبه نظره دونيه كأنها متفصخه ما عليها شئ ، وهذا غلط والدين مايقوله
    واذا تبينهم تدخلين بشلتهم تنقبي مثلهم والا انتي فااااااااسسسسسقه

    وليتهم ينصحون !

    لو النقاب لابسينه خوف من ربي فقط كان برضو خفتو من ربي على بنات الناس ، النصح واجب ، مب التكشير والنظرات الي من فوق لتحت
    الستر والغطا والحجاب وألنقاب يرفع قدر البنت وذا مايختلف عليه اثنين
    لكن الأهم النيه والقلب ،

    وتراني محجبه ، لا خصلات من شعري طالعه وبلوزتي مب نص شبر ، بلايزي مترين
    عشان لاحد يجي ويقول ليه وليه !

    والي أشوفه بعيني أقوله

    سلامتكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.