تكملة البكالوريوس في امريكا !

مبارك عليك الشهر اخوي

يب تقدر تكمل دراستك في امريكا

بعض الجامعات تعادل مواد بعضهم لا... وبعضهم يعادلون بس مو كل المواد

عشان تطلع امريكا عندك خياراين 1- تقدم على البعثة وطبعا اتوقع انك تعرف شروطها 2- تطلع على حسابك امريكا ومن هناك تنضم للبعثة

بالنسبة للجامعات ما عندي فكرة ... ان شاء الله بقية الاعضاء يفيدونك

بالتوفيق

مثل ماقالت لك اختي اعقل مجنونه ...

واما احسن الجامعات في التخصصات الهندسيه .. مافيه !
كل الجامعات سواسيه .. ولكن فيه جامعات تتفوق على اخرى بتخصصات معينه ..

مثلا جامعه تتفوق بتخصص هندسة الكمبيوتر ... وجامعه تتفوق بتخصص هندسة الكترونيات .. وهكذا !

اما جامعات تتفوق بكل تخصصات الهندسه .. فما سبق وسمعت بهالشيء !

وبحد معرفتي .. أي جامعه معترف فيها .. تفي بالغرض !

لان الفهم في مجال معين مايعتمد على الجامعه .. بس يعتمد على الشخص نفسه !

بإمكانك تصير "خبير" في مجال "الهندسه الميكانيكية" .. بالقرائه الدائمه والتجارب وغيرها ..
يعني تطور معرفتك بنفسك .. لان الجامعه ماراح تعطيك الا بس معلومات اوليه .. وبنائا عليها تطور نفسك بنفسك !

مثال بسيط .. تلاقي ناس كثيرين فاهمين بمجالات معينه .. مثل واحد فاهم بميكانيكا السيارات .. ماتلاقي معه شهاده جامعيه .. لكن تعلمها بنفسه كـ "هوايه " ..
ايضا عندك اللي فاهمين بالكمبيوتر .. غالبيتهم اعمارهم صغيره .. ومع ذلك تعلموها بانفسهم وماعندهم شهادات جامعيه بذلك !
وغيرها من الامثله !.


اتمنى أني قدرت افيدك ولو بالشيء البسيط ..

علينا و عليك اختي
يعطيك العافيه و مشكوره

بس كم يكلفني اني اطلع على حسابي بعدين انظم
وهل الانظمام ياخذ وقت

وكيف اقدر اعرف الجامعات الي تعادل و الي ما تعادل

يعطيك العافيه اخوي و مبارك عليك الشهر
طيب وش الجامعه الي متفوقه في مجال الهندسة الميكانيكه
واذا كان كلها شهادتها واحده وين احسن المدن الي ممكن اروحها و تكون رخيصه

اهم شي عندك ان الجامعه يكون معترف فيها هذا اهم شي ..

يعني شوف الجامعات الموصى بها .. واكتب تخصصك .. وراح يطلعلك بالجامعات اللي موصى بها فيها تخصصك ..

شوف الولايات اللي فيها هالجامعات .. واقعد قارن بين الجامعات والولايات .. شوف الافضل بالنسبه لك ..

المدن الرخيصه في غالب الولايات موجوده .. لكن يبقى عليك انك تعرف اذا كان فيه جامعه معتمده من قبل الوزاره في هذه المدن او لا ..
وهذي حلها مثل ماقلت لك تشوف قائمة الجامعات الموصى بها ..

مشكور اخوي ما قصرت