والله وانا اخوك ماني متخصص بالاغذيه لكن لي تجارب
شوف وانا اخوك .. شي من اختراع انفسنا .. غالبا مايمشي مع الكل ..!
لان اجسامنا تختلف بسرعة الهظم من شخص الى اخر ..
انا عندي قناعه .. اذا أردت الصحه والعافيه .. بعد رضا رب العالمين .. أتبع سنة المصطفى صلى الله عليه وسلم !
السنه مو بس بالعباده مثل النوافل والوضوء وغيرها .. بل حتى في الحياه اليوميه وصحة الانسان !
يعني مثلا .. الفطور خلك على السنه مثل ماقالك اخوي dead n gone ...
رطب او تمر او ماء .. واوتر بالاكل والمشرب !
فطورك خله خفيف .. وبعد الصلاه .. تقدر تاخذ شوربه اذا فيه .. لانها تلين البطن .. وابتعد عن الليمون ! ..
وأما بقية الأكل .. فأخره الى بعد الفطور بكم ساعه .. يعني قول خلها بعد صلاة العشاء لو حبيت ..
وفطورك المتأخر .. تقدر تثقل وقتها على راحتك .. لكن ابتعد عن النشويات .. يعني تقدر تاكل لحوم وتنوع بالاكل مابين الخضار واللحوم والعصائر ..
واما السحور .. فما هو ضروري انك تاكل كبسه .. اساسا الكبسه للمعلوميه هي اللي تعطش ! لان الرز يعطش ! وماوراها الا الدسم !
والسحور ماهو شرط انه يكون ثقيل .. تقدر تتسحر على تمره لو تبي ! اهم شي اي شغله تاكلها ..
والماء اهم شي الماء .. تشرب من الماء قد ماتقدر كل اليوم ... الى ان تمسك !
وتبتعد عن المشروبات الاخرى مثل القهوه والشاهي وغيرها ..
اذا تبي تغير خلك على العصاير .. بس اكثر من الماء .. حتى ياخذ جسمك كميه كافيه من الماء !
اذا انت شربت ماء اقل من 8 لتر باليوم .. وصمت ثاني يوم .. راح ينشف جسمك بسرعه .. لان الجسم ما اخذ كميه كافيه من الماء ..
لان اللي تشربه راح يروح بالصوم ! ماراح يبقى شي بجسمك اساسا !
ووقت السحور اذا كنت تتسحر قبل الصلاه بكم ساعه .. اخره شوي .. يعني خله قبل الصلاه بساعه ... على السنه ايضا !
وهذا راح يخليك تحس بالشبع .. وايضا راح يروح الضمأ !
غير من طريقة اكلك وشربك .. واوتر بها .. على سنة النبي صلى الله عليه وسلم ..
كما قال عليه افضل الصلاة والسلام " إن الله وتر يحب الوتر .. فاوتروا يا اهل القران " ..
يعني تاكل حبه ثلاث خمس سبع .. الخ
صدقني راح يتغير حالك الى الافضل .. واسأل مجرب ولا تسأل خبير
خصوصا بالمشرب .. انا كنت اشرب الماء مثلا على كذا جرعه بدون حد بعدد الجرعات ..
وغالبا كنت احس بالضمأ .. يعني مهما شربت احس اني ماشربت شي !
لكن من تزوجت نصحتني زوجتي اني اشرب واكل على السنه وبلاحظ فرق .. وفعلا صرت اشرب الماء على ثلاث جرعات .. جرعتين والثالثه تكون بقية الكاس !
وصار مع الوقت الضمأ يخف عندي ماعاد صرت هلكان كل شوي اشرب من هالماء تقول ماشفت خير هههه
فانا انصح الاخوان بالوتر في الاكل والمشرب .. وراح يشوفون الفرق
July 9th, 2013, 08:53 AM
عندنا مفاهيم كثيره مغلوطه بأختيار الوجبات المناسبه للفطور و السحور في رمضانسمعت بناس يخلطون البنجر مع الحليب لمنع العطش بالنهار
سمعت بناس يتسحرون عنب و ماء فقط سمعت وسمعت وسمعت
المهم اتحفونا بخبراتكم بأختيار الوجبات المناسبه الي تساعد الواحد يحافظ على نسبة الكلسترول بالدم ويكون hydrated طوال اليوم
مع اني عارف ان خاتمتها كبسه بس يله خلي الناس تستفيد.