طلاب امريكا ، مستوى المعيشة والمكافئة والماستر ! ( شاركنا تجربتك )

أحم أحم

انا اول وحده ، دائم احب كون رقم واحد

------

هل المكافئة تكفيك شخصياً ؟
نعم ، تكفيني ومرتاحه جداً

اين تسكن في اي ولاية ؟
كولورادو، دنفر

هل تحتاج لشراء سيارة للتنقل ؟
كبنت؟ لا ، الأماكن المهمة مثل الجامعات والمعاهد والمكتبات وبعض الشوارع الرئيسيه اقدر اروحلها بالترين او الباص .

هل وجدت قبول ماستر بدون تعقيد ؟ تصنيف جامعاتك ؟
داخل ولايتي لا لأسباب كثيره :
١- تخصصي غير موجود
٢- نسبه التكدس عاليه

هل انت راضي عن الوضع في امريكا وتعامل الحكومة من ناحية الفيزا وتفتيش المطارات ؟
لا ولا ولا ولا وستين لاااااااااااا
أساسا تعامل بعض التيتشرات بالمعاهد فاقع مرارتي
ينظرون لنا على أننا عملات ورقيه جالسه تدرس
والي يفقع مراري وزود ، لا بغو الطلاب يناقشون موضوع يقولون لنا ناقشو موضوع السعوديه اذا خلص بترولهاااا
قاهرهم ذا البتروووول ذابحهم

مره تيتشر قرمر كتب جمله بالسبوره يعلمنا كيف نستخدم الشرط if , if not
راح كتب اذا خلص بترول السعوديه ........

قفلت اخلاااقي قلت له امريكا اول دوله بتتضرر لو خلص بترولناااااا
قام ناظرني وضحك ضحكه عاليه قويه قال اووووووو هيفاااااااااااا
امريكا بتلقى الف مصدر ومصدر للبترول غيركم ، بس انتم الي وش بسوون ؟؟

انا قام إبليس يرقص فوق راسي قلت لا انت فهمتني غلط مب ذا الي اقصده
الي اقصده لو خلص بترولنا مارح يكون فيه " سأكم" ، مافيه سأكم مافيه طلاب في امريكا ، مافيه طلاب في امريكا مافيه طلاب بالمعاهد
مافيه طلاب بالمعاهد مافيه شغل بالمعهد

وقتهاااااااااااا بتلقى نفسك بالبيت تطبخ وتغسل وتكنس
قام يناظرني وقمط عيونه قال افهم من كلامك ان الجملة الي انا كاتبها بالسبوره مانتي راضيه عنها خلاص بمسحهااااا


كفاااار ما يمشون الا بالعين الحمراااااااا

نعم والحمد لله المكافأة تكفي "للعاقلين" وسبق جربت عشت بمكافأة أعزب في أوروبا وبمكافأة متزوج في أمريكا، تكفي في كل الأحوال.
السيارة، حسب الولاية والمدينة بس أول ما توصل، تمشيك الباصات، وإذا فيه مكان خاص ممكن التاكسي يفي بالغرض لين تشتري سيارة إذا كانت ضرورية. أنا اشتريت سيارة لأن عندي عائلة، ولو كنت لوحدي احتمال ما أشتري مع أن السيارة تريحك وتقدر تستكشف المدينة زين.
بالنسبة للبنزين، تراني زيك، كانوا الشباب يقولون لي البنزين سعره نار، وبعدين اشتريت سيارة واشتريت سيارة مرة ثانية، البنزين يكلفك ما بين 70 إلى 150 دولار على حسب سيارتك بس أنت لا جيت تشتري سيارة خلك على سيارات 4 سلندر وأبعد عن 6 ومن باب أولى ابعد 8.

اولاً انا طالب بكالوريوس
يمكن مالي دخل جزئياً بس لي دخل جزئياٍ بعد

هي تعتمد على الشخص من ناحية المكافأه والمكان والجامعه والسكن
يعني انت اخترت ولايتين اللي هي واشنطن ستيت وكالفورنيا
وهالولايتين مثل ماذكرن غاليات
لكن انت عندك 52 ولايه
استخرج منهم 40 ولايه ماتنفع سواء للاسباب اللي قلت او لا لأسباب ثانيه
يبقى لك 12 ولايه

اخوي ناصر الكلام لك ولي ولكل شخص يفكر بامريكا ما اقصد بالكلام التجريح او التنقيص
الحين حنا جايين هنا ندرس ولا جايين نفلها؟
الواحد صار يجي لامريكا ويشتري له ثلاث جوالات اندرويد وبلاكبيري وايفون
ويشتري له سياره تكلف فوق طاقته من ناحية البنزين والتأمين
ويسكن بأغلى سكن بحجة انه الراحه النفسيه "وكأننا ما عشنا وشفنا وجربنا بامريكا"
وجمعات وعزايم وطلعات وروحات وكل ويك اند سفره
درجات نازله وغش باختبارات ورشاوي دكاتره وتهريب الاسئله
وفوق هذا يطلب زياده بالمكافأه بحجة انه طالب علم وجاي يجتهد والمستوى المعيشي في امريكا اغلى
ابذكر لك واحد يدرس معي
يشتغل دوامين باليوم علشان يقدر يوفر 950 دولار بالشهر
الولمارت اذا انت محظوظ يعطونك 17 دولار بالساعه
اغلب الطلاب الامريكان يتخرجون وعليهم مديونيه للدوله علشان تكاليف الدراسه
واللي يقول ان عندهم بعثات داخليه
ترى اغلب البعثات الداخليه ماتدفع كامل الرسوم الجامعيه
الجامعه اللي انا فيها تدفع لطالب البكالوريوس 20 الف دولار بعثه داخليه
وهذا اذا كان معدله حلو

ماعليش طولت لكن اللي ابوصله لك ان الواحد اذا كان قد المسؤليه وجاي يدرس مو سياحه
راح يقدر يختار المكان المناسب وراح يقدر يعيش حياة حلوه بالمكافأه

هلا بك أختي
يعافيك ربي على المشاركة والتفاعل وابداء تجربتك

فعلاً هذي مشكلة اخرى ( التكدس ) حينما تقع على ولاية ممتازة فـ لابد ان تطيح بمشكلة اخرى هههههه
غريبة نظرة الامريكان حول نفط السعودية ما انتهت !
الله يصبرنا بس
وعجبني ردك ماشاء الله عليك

هلا بك ، حياك الله

شكراً لك على تجربتك
المشكلة مكافئة العزوبي يا الله تكفيه لحاله بمصاريفه الشخصية والسكن ، فما بالك بالبنزين ، خصوصا اذا كان في مدينة مافيها مواصلات

حياك الله اخوي بالعكس الموضوع لطلاب البكالوريوس والماستر جميعاً
تتحفوننا بمستوى المعيشة وتجاربكم ، والماستر يتحفوننا بتجربة الدراسة والقبولات

كلامك سليم بخصوص بعض الطلاب المسرفين لكن الكلام ما يتعمم على اغلب الطلاب المبتعثين ، وزيادة المكافئة لابد منها وهي قريباً ممكن تصدر
تأكد اخوي تماماً ما راح اغترب إلا ان كل همي الدراسة والتعليم ، ولم افكر بالسياحة اطلاقاً وانا مغترب ومبعد عن اهلي سنوات ! ، مع ان السياحة لها مدنها المعروفة بالغلاء الفاحش لو فكر الشخص فيها


لكن انت تبحث عن جامعة معينة او قبول معين
والجامعة تكون في مدينة غالية او ماتجد قبول الا في مدينة معينة
كيف تتصرف بمكافئتك في ظل ارتفاع المعيشة والسكن في المدينة !!


والبعض الاخر ماوجد قبول الا في مدينة مافيها مواصلات ، كيف يتنقل من منزله الى الجامعة !!! الا بشراء سيارة


اعتقد ان الوضع يختلف لو نقيسها على جميع فئات المبتعثين في مختلف انحاء امريكا ، والواحد أكيد همه الاول يقتصد بالمكافئة ، لكن احياناً حتى مع الاقتصاد مايبقى لك شيء !

الله يحييك ونسيت ابارك لك بالشهر
الشهر عليك مبارك
قبل لا اسافر لولاية نيويورك قالوا لي ان الولاية غاليه وماراح تكفيك المكافأه ولا يمكن تلاقي لك سكن مثل الناس
لكن لقيت لي سكن ممتاز ويتناسب مع المكافأه مشكلته انه بعيد شوي عن الجامعه لكن السياره تحل الازمه

ما اقول لك لا تشتري سياره لكن اقول لك لا تشتري سياره فوق مستوى المكافأه
فيه طلاب تشتري سيارات بنزينها يكلف ولا التأمين حقها مرتفع ويشتكون
وبالنسبه للسكن فيه طلاب تدور المكان الغالي
رحت لزياره لواحد من ربعي بكالفورنيا ساكن بشقه مع واحد ثاني ب1200 دولار غرفتين وفيه واحد ثاني من ربعي بنفس المدينه ساكن بشقه تكلفه 1400 دولار غرفه وحده
مع ان نفس المستوى لكل الشقتين اللي يفرق المكان الاول ابعد من الثاني يمكن بعشر دقايق تقريباً فقط

امريكا فيها اكثر من 3000 كليه وجامعه
واغلب الطلاب يبحثون عن الجامعات السهله

وبالنسبه لكلامي انا ما اعمم او اقصد ناس بأعينهم انا اتكلم عن اللي شفت بنفسي
فيه ناس كويسه لكن الصراحه نسبتهم قليله
لي في امريكا فوق الثلاث سنين وتنقلت كثير بين الولايات علشان الاقي جامعه فيها تخصصي لاني مجبور عليه
بالاول كنت ادور ولايه رخيصه لكن بالاخير عرفت ان فيه ولايات سمعتها انها غاليه لكن فيه امكانيه اني الاقي اماكن رخيصه فيها
تصدق فيه واحد اعرفه ساكن بشقه يدفع شهرياً 1500 لان الشقه تطل على مسبح

والمكافأه كنا نسمع انهم بيزيدونها من السنه الماضيه ونزلت اخبار وفيه ناس اكدت انها من مصادر موثوقه بالاخير طلع الملحق الثقافي ونفى الخبر

العفو أخوي،،
إذا أنا راح أدفع على المواصلات العام أقل شيء 50 دولار في الشهر، فأنا راح أشتري سيارة وخليني أدفع 100 على البنزين، وتكون سيارتي تحت يدي أروح وين ما بغيت خصوصا إذا كنت متأهل.

انا عايش في اثينز اوهايو
لي 3 شهور
و الى الان نص الراتب ما اصرفه ولا احتاجة
لكن الى الان ما شريت سيارة, و باشتريها خلال هالاسبوع و اكيد بعدها بترتفع التكاليف و المصاريف

السكن روميت, ادفع 475 ,, مع النت و الجوال يمكن 550$
و المواصلات لا احتاج , 7 دقايق من بيتي للمعهد