طالب في الجامعة وعدد ساعات الأونلاين - أحتاج أرائكم في هالمشكلة

السلام عليكم ورحمه الله وبركاته

مبروك عليكم الشهر الفضيل والله يجعلني وإياكم من صيّامه وقيّامه .. اللهم آمين.

عندي موضوع مشغل بالي هالفترة و ودي أستشيركم فيه .. الموضوع يخص مواد الأونلاين في مرحلة البكالريوس .. غيرت تخصصي إلى تخصص آخر وقالت المشرفة لازم تجيب لي ورقة من الجامعة تثبت عدد مواد الأونلاين في تخصصك الجديد .. رحت لرئيس القسم الجديد وقال يوجد مادتين 100 % أونلاين بعدد 6 ساعات .. وهالشيء يتوافق مع نظام الملحقية في عدد ساعات الأونلاين .. طلبت من رئيس القسم إنه يكتب خطاب ويوضح فيه عدد مواد الأونلاين في التخصص .. بعدها أرسلت الخطاب للملحقية وتم قبول تغيير التخصص .. بعد فترة من دراسة التخصص تفاجأت إن الكلية أضافت و غيرت من خطتها وصار هناك أكثر من مادتين أونلاين ..

خلاصة الموضوع :

- إحتمال أدرس أكثر من 6 ساعات أونلاين علما إن معاي خطاب يثبت من رئيس القسم إن الفترة اللي دخلت فيها الكلية ماكان فيه الا 6 ساعات أونلاين فقط.

الأسئلة:

1- وش راح يكون وضعي مع الملحقية ؟ وهل الملحقية راح تسمح لي أدرس أكثر من 6 ساعات أونلاين ؟

2- نفترض إن الملحقية سمحت لي أدرس أكثر من 6 ساعات أونلاين .. هل راح أواجه مشكلة في معادلة الشهادة بعد التخرج؟ لأن كما يبدو إن نظام عدد ساعات الأونلاين جاي من وزارة التعليم العالي وليس من الملحقية.

الموضوع معقّد نوعا ما .. ولكن حبيت أشرحه بالتفصيل عشان تتضح الصورة .
أتطلّع لمشاركاتكم وآرائكم وخصوصا طلاب الجامعة ومن لهم خبرة في الموضوع.

بارك الله فيكم

درست ماده اونلاين ويوم جيت اقدم عليها المشرف خلاني اوقع تعهد باني ما ادرس الا هالمواد وما اقدم على غيرها وهي 3 كرديت
افضل حل انك تطلب استفسار وترفع الخطاب من المشرف الدراسي اللي بالجامعه

يعطيك العافيه أخوي

أنتظر مشاركاتكم ياأخوان

ارفع استفسار بوضعك وقولهم نقطة ان معاك خاطب يثبت كذا وانهم غيروها
راح يطلبون منك خطاب ثاني بالعدد الجديد لمواد الاونلاين فانصحك تسوية من الحين
وبعدين وش ذا الجامعة الي تغير خطتها كل شوي