قدمت للمرحلة التاسعة. لو جتني البعثة و انا هناك .. ايش المفروض اسوي ؟

July 11th, 2013, 05:31 PM

مساء الخير ..

في كذا نقطة محيرتني و اتمنى القى عندكم الجوااب ..

اول شي ..

ا اخويا اصلا رايح يدرس في امريكا ع حساب الوالد و يلتحق بالبعثة من هناك ..

بس انا قدمت دحين ع البعثة المرحلة التاسعة .. بس ممكن في اي وقت تكتمل اوراقي اروح مع اخويا ((اقصد قبل لا تكتمل كل اجراءات البعثة ))

السؤال : في دي الحالة لو جتني البعثة و انا هناك .. ايش المفروض اسوي ؟؟؟؟؟


ثاني شي ..

اخويا قدم ع جامعة UNIVERSITY OF IOWA

في ولاية ايوا في مدينة ايوا ..

بس انا تخصصي الي ابغاه الي هوا علم نفس اكلينيكي او علم نفس عصبي (ماجستير ) , مو موجود في نفس جامعة اخويا ولا حتى في مدينتو ..

عادة اي اثنين يمرو بمشكلة زي دي ايش المفروض يعملووو ؟؟

يعني هل مثلا كبداية ادرس اللغة في نفس جامعة اخويا و لمن يجي وقت التخصص ادور اقرب مدينة فيها جامعة فيها تخصصي ؟؟؟

او في حلول ثانية ؟؟؟


ثالث نقطة ..
انا لمن كتبت تخصص علم نفس عصبي في (بحثي في موقع الوزارة للجامعات الموصى بها ) ماجاني ابدا علم نفس عصبي ؟؟ هل معقولة مافي او يمكن لو اسم ثاني ؟؟؟؟ ياليت تفيدوني ...
و كمان للي عندو خلفية .. هل برايكم علم نفس عصبي هوا الاختيار الصحيح و يستاهل اني ادرسوا في امريكا .. و مطلووب عندنا ؟؟؟ او تنصحوني بتخصص ثاني يكون فعلا لو احتياج عندنا ؟؟

رابع نقطة ..

ابى اعرف اذا ممكن كل الاوراق و الاجراءات المطلوبة للي حيطلعو ع حسابهم الخاص ؟؟؟


و يعطيكممم العاااافية ..

• نشر عبر تويتر
• نشر عبر فيسبوك
• نشر عبر جوجل