-
مشكلتي مع الطيار
السلام عليكم ورحمه والله وبركاته
مساء / صباح الخير
انا كنت حاجز و وصلنتني التذكره لكن اظطريت اغير المعهد و حبيت أأجل التذكره لين الكريسميس
لما كلمتهم قالو بتدفع 650 دولار عشان نأجل لك للتاريخ الجديد !!
ولما قلت ليه , قاال 250 هذي ثابته والباقي فرق سعر !!!
بس انا وقتها فاتح موقع الخطوط السعوديه وسعر التذكره السابقه كان 1900 دولار ولقيت
تذكره بـ 1950 دولار وقلت له ان الفرق 50 دولار بس !!
شلون تخلينه 400 !!
قعد يقول هذا النظام عندنا ومادري كيف ..
فـ وش الحل و اللي قد مرت عليه هالتجربه يعلمني الله يجزاه خير
مشكورين مقدما
-
رد: مشكلتي مع الطيار
وعليكم السلام ورحمة الله وبركاته
مادري وش نظامهم لكن يمكن حسب لك الفرق بالرحلات الداخليه
لان عندي التذاكر ترتفع من 550 لـ 1200 من نيويورك لولايات بعيده اوقات الكرسمس
-
رد: مشكلتي مع الطيار
لو تغير من الطيار بالسعودية يكون افضل
-
رد: مشكلتي مع الطيار
^ راح لهم خالي وقالو مايغير لك الا اللي حجز لك !!
و جزاكم الله خير على الإفاده
-
رد: مشكلتي مع الطيار
نعم هذا صحيح مايقدرون يغيرون الا بعد مايراسلون المكتب الي بامريكا الي مصدر التذكرة
ع العموم الفرق الي طالع لك مو فرق الخطوط السعودية كله
الفرق هو الرحلات الداخلية
انا غيرت رحلتي من السعودية لي ولزوجتي وقالي الموظف حق الطيار بالرياض
الخطوط السعودية تغييرها مو واجد المشكلة بالخطوط الداخلية واظطريت اني ادفع حوالي 1000 دولار عشان اغير التاريخ والبلا كله من خطوط الاسكا الفرق كله لهم
ولو سويت ذكي بتقوله غير الخطوط السعودية بس راح تحصل اسعار الخطوط الداخلية بامريكا فاحشة لاني جربت وقلت اخذ سعر الطيار وانتهينا.
ملاحظة قالي لي الموظف/
يقولي السعر هذا هو فرق لان سافرت بالتذكرة اصلا ولو غيرتها قبل ماتسافر يمكن ارخص شوي
بحالتك ذي كلم الملحقية وقولهم وضعك
اما انك تدفع 650 دولار هذا مبالغ فية جدا
فنصيحة لك وانت حاليا ماسافرت ولا شي كلم المحلقية وشوف
فية حل ثاني بس قبل تسوية اسال الطيار الي بامريكا قولهم لو حبيت اني الغي التذكرة يعني تلغيها وتاخذ فلوسها هل بيعطونك او لا؟؟؟
اذا وافقوا احجز انت ع حسابك تذكرة بالوقت الي تبية وخذ فلوس التذكرة حقت الملحقية
فية موضوع كيف تسويها
-
رد: مشكلتي مع الطيار
الله يععطيك العافيه اخوي نايف
اليوم كلمتهم وقالي موظف افضل حل انك تلغيها وترتاح من وجع الراس
وبعدين تحجز من جديد
لكن اخاف الغرامه تكون اكثر