المشاركة الأصلية كتبت بواسطة saudi_magic
ابن ال هليله اثريك مستهتر وتسرع هههاي الله يكفينا شر التيكت.. اختي عبير والله الوضع صعب .. انتي حاولي تصومين واذا حسيتي انك تعبانه افطري..عموما احمدي ربك ان جوكم بارد..والله يالقيض عندنا يتعب كنك بالصمان..
ههه والله يا أخي بالعكس أني نظامي لكن طالما اتهمتني خلني أدافع عن نفسي
لي زميل يدرس في نيويورك، رجل عزيز علي، وأنا في ولاية بعيدة عنه كثيراً
أنا وعدته أني أزوره قبل يرجع السعودية، وكنت حاط ببالي أعطيه أغراض من هنا
وفعلاً اشتريت الأغراض وكل يوم أقول بكرة راح أسافر له
وكان عندي خطة أني أطلع يوم أمشي لي مسافة وأريح واليوم الثاني أكمل
لين جاء اليوم اللي قبل سفره وحسيت أني استحيت على دمي وقررت أسافر له
من سوء حظي جتني فكرة أني قلت لازم أسوي تحديث للنفقيتر حقي علشان الطريق
رحت نزلت خرائط على الجهاز بآخر تحديث، وأنا مع العجلة اخترت خيار خاطئ
تعرف مع التثبيت الواحد بس يحط "موافق" "موافق" بدون ما يتأكد أحياناً
أثاري الجهاز قال لي إن الذاكرة غير كافية هل تريد الاكتفاء بعدد من الولايات
وأنا عطيته نعم وحمل لي بعض الولايت وترك البقية
أشغل الموتر الصباح وأمشي وبشكل قانوني وبدون أي تجاوزات
لما طلعت من ولايتي حطيت عنوان الرجال
والجهاز يقول لي غير موجود
أحاول يمين يسار
والله ما فيه أمل
أوقف السيارة وأشوف إيش السالفة
طلع أن ما عندي ولا ولاية مسجلة من بعد ولايتي لين نيويورك
قلت عادي بأستخدم الجوال وأمشي
مشيت شوي وكل شوي ينقطع عني النت والشبكة
لما وصلت المدينة اللي بعدها قررت أني أنزل وأشوف حل
نزلت ورحت دورت مقهى فيه أنترنت
ورحت محل إلكترونيات اشتريت توصيلة من اللاب توب للجهاز
ونزلت المقهى جلست أحمل وفجأة يقول لي الذاكرة ممتلئة
هل تريد تحميل بعض الولايات؟
وهنا عرفت غلطتي السابقة
رجعت رحت اشتريت ذاكرة أكبر
وجيت حطيتها في الجهاز وحملت خرايط من جديد
وأطلع من هناك متأخر وخلاص راح أوصل نيويورك بعد منتصف الليل
والرجال سفره اليوم الثاني
قلت يا ولد حط رجلك والله يستر
مشيت والله ولا صار لي شيء لين قربت أدخل نيويورك
شوي والبوليس وراي
عاد أنا بكل استسلام دقيت إشارة ووقفت
وقال لي: لأنك من خارج الولاية ما راح أستدعيك للمحكمة بنكتفي بالمخالفة
وإذا ما سددتها خلال أسبوعين راح تصدر المحكمة أمر بالقبض عليك هههه
قلت له: أسددها وأنا ابن بيت آل هليلة هههه
اتصلت عليهم بعدما رجعت ولايتي
قالوا يدك على 276 دولار
وبعد يومين وصلني تهنئة أن رخصتك صار فيها نقطتين
وما باقي لي إلا أربع نقاط ويسحبون الرخصة
لو تشوفني هلحين
سياقتي تقول شايب من أيام الملك عبد العزيز
تحياتي،،،
يعني جائز اني افطر بدون تحديد المسافه ؟؟؟