معهد EF نيويورك محتار وش اسوي ساعدوني

السلام عليكم حبايبي
انا قررت اسافر على حسابي للدراسة بأمريكا وأخترت تخصص وكل شي
لاكن رحت لمكتب ومدح لي هالمعهد وجاني القبول منه وكل شي وباقي القبول الجامعي بيوصل قريب
لاكن قابلت ناس كثير تذم هالمعهد انه تجاري ومافيه تعليم وسيء وماينصحون فيه
وبنفس الوقت قررت اني اروح لمعهد جامعة نورث كالورينا لاني قررت ادرس جامعة هناك لاكن المشكلة ان معهدهم يبدأ بشهر 1 /2014 وانا ماعندي استعداد انتظر كل هالفترة وقبول مشروط
نصحني واحد وقال روح لمعهد ثاني رخيص اجلس كم شهر فيه لين تنظم ولين تبدا دراسة معهد الجامعة
فرحت مكتب ثاني يدبر لي كل الامور وقالي بجيب لي قبول معهد التجاري معهد inlingua بواشنطن ستي وقبول معهد الجامعة والجامعة بياخذ 5 اسابيع على مايخلص كل شي
انتم وش رايكم خصوصا اني مستعجل جدا والاي اف جاهز قبولي وكل شي لاكن جامعة ثاني جابو لي وانا ابي هالجامعة ومعهدها وانا ابي استقر وبنفس الوقت خايف ان الملحقية ماتوافق اغير الجامعة الي فيها التخصص خصوصا اذا رحت ل معهد ef لانهم جايبين لي جامعة ثانيه تعتمد معهدهم
يا أني اغامر لاني مستعجل واروح اي اف واسحب عليهم لين تبدا دراسة معهد الجامعة حقت خويي نورث كالورينا والي اخاف ترفض الملحقية اذا حولت لاني غيرت الجامعة أو انتظر المكتب يجيب لي معهد ثاني معهد inlingua يقول عنه رخيص وبنفس الوقت مصاحب معه معهد الجامعة والقبول الجامعي حق نورث كالورينا أنتم وش رايكم انا في حيرة امررررررررررررررررري ارجوكم ساعدوني وانصحوني خصوصا اني مستعجل جدا جدا

رح تجاري لين تنضم وحول لا تجلس فاضي نصيحة رح

مافيه احد يبي يساعدني ............
ايه بس امشي على اي كلام
الخيار الاول ولا الثاني

اقتباس:

---

نصحني واحد وقال روح لمعهد ثاني رخيص اجلس كم شهر فيه لين تنظم ولين تبدا دراسة معهد الجامعة

---

اللي نصحك بهذه النصحيه كلامه مزبوط،،، بالفعل معهد ef علاوه على ان مستواه متدني ، سعره جدا غالي يعني الشهر ب 2000 دولار وانت بتروح ع حسابك لذلك ،،، نصيحه شيل ef من الخيارات ( معهد مضيعه وقت ووفلوس ) ،، انا درست فيه 4 اشهر نسبه الاستفاده يمكن ما تتجاوز ال10 بالميه ،، ( يعني كلام عن تجربه )،، واللي فااااااااااااااااااااااقع مرارتي كيف الملحقيه تتعامل معاه ،وترسل طلبه عليه، وهم على الجامعات في تخصصات الماجستير يستقعدون لنا في الاعتراف بالتخصص يقول لك ايش الجامعه تصنيفها مو مرا وبطيخ وفلسفه زايده

يعني روح اي معهد رخيص تمشي فيه نفسك الين تضم للبعثه بعد 4 اشهر ، وخلال الاربعه اشهر يمكن تعرف معلومات عن جامعات جديده او انك تروح ع معهدك اللي قلت له بنفس الجامعه اللي بنورث كالورنيا

بالنسبه لنورث كالورينا ما عندي خلفيه عن المعاهد الرخيصه ،،، هنا في شيكاغو في معهد اسمه ( سولكس ) الشهر ب 550 دولار ومعترف من الملحقيه ،،، وفيه معهد ثاني اتذكر قال لي عليه أخ ليبي 3 اشهر ب 900-1000 دولار بس مو معترف من الملحقيه ،،،، يبغالك تتأكد من الملحقيه ان هل من شروط الانضمام بعد ال 4 اشهر ان الطالب يكون درس في معهد معترف من المحلقيه ولا لا؟؟؟ ( نفطه مهمه لازم تعرفها ،،،، المهم اانا اعطيتك مثال ع المعاهد الرخيصه اللي في شيكاغو اللي تسلك الوضع 4 اشهر ،،،، واكيد راح تحصل في نورث كالورينا او الولايات اللي حولها معهد ابو كلب ورخيص هههه

بالتوفيق ،، والله يسهل لك امورك

يعطيك العافية
والحمدلله اني ماخاطرت ب الاي اف