إنهاء بعثه : تكفون يا اخوان حسب خبرتكم وش اسوي ؟

السلام عليكم ورحمة الله وبركاته جميعاً فى البداية أحب أبارك للجميع بمناسبة حلول شهر رمضان الكريم سائل المولى ان يتقبل منا صيامنا وقيامنا ويجعلنا من عتقائه من النار... يا أخوان انا قبل سنه ونص ولله الحمد انتهيت من دراسة اللغه وكان عندي قبول من جامعه وفى اثناء دراستي اللغه وصلت رساله من المشرف بعدم طلب ضمان مالي لهذه الجامعه نظر لتكدس عدد طلاب السعوديين فيها .. فبعد انتهاء فترة اللغه طلبت من المشرف ضمان مالي لكذا جامعه ورفض لنفس السبب وهو تكدس عدد الطلاب السعوديين فوضعني على الهولد و إضطررت ارجع السعوديه ولقل خبرتي ارتكبت خطأ وماطلبت من المشرف ان يضعني على الهولد لسبب مرافقتي الوالده فى تدهور صحتها واستمر هذا الكلام لسنه ونص وقبل سته شهور ارسلت للمشرف اسماء عديده للجامعات اطلب منه ضمان مالي وكل الجامعات متكدسه وانا حريص على الجامعات اللي تعادل الساعات لان عندي دبلوم من كلية الجبيل ومهتم جدا بالمعادلة وتفاجئت يا اخوان امس برسالة مكتوب فيها انهاء البعثه لتعذر عن الدراسه بدون سبب ... وش تنصحوني به يا اخوان ارجوكم هل اذهب للوزاره وهل فى مجال اني استرجع بعثتي والله احس بضيقه وكئابه ونفسيتي تدهورت جدا جدا فأرجوكم انصحوني وش اسوي

وعليكم السلام ..
سنة ونصف ساحب عليهم ولا تواصلت معهم ولا عطيتهم خبر ولا شيء !!!!!!!!!!

اقتباس:

---

المشاركة الأصلية كتبت بواسطة ناصر 2004

وعليكم السلام ..
سنة ونصف ساحب عليهم ولا تواصلت معهم ولا عطيتهم خبر ولا شيء !!!!!!!!!!

---

اعرف ان تعاملي مع الموضوع خطأ لكن الظروف كانت جدا سيئه والمشرف نفسه مابلغني بمده معينه او تواصل معي

اقتباس:

---

المشاركة الأصلية كتبت بواسطة ناصر 2004

وعليكم السلام ..
سنة ونصف ساحب عليهم ولا تواصلت معهم ولا عطيتهم خبر ولا شيء !!!!!!!!!!

---

سنه ونصف لكن كنت اتواصل مع المشرف واطلب منه ضمان مالي بغرض القبول وكان يرفض بسبب ان الجامعات المذكوره متكدسه بالسعوديين وفاجئني برسالة انهاء البعثه علما انه ماحدد لي المده

الله يسهل عليك اخوي , نحن الان في شهر الرحمة و البركة شهر رمضان المبارك

انصحك انك تذهب الى الوزارة , نسأل الله الكريم ان يسهل أمورك

اسمع حبيبي

اول شي هل طلبت تأجيل بعثة بعد ما خلصت اللغة والا لا

ثاني شي تاريخ إنهاء البعثة متى الرسالة وصلتك أن الطلب مقبول

جاوب على السؤالين هذي وراح أساعدك أقلك أش تسوي

اقتباس:

---

المشاركة الأصلية كتبت بواسطة أبو ثامر 1

اسمع حبيبي

اول شي هل طلبت تأجيل بعثة بعد ما خلصت اللغة والا لا

ثاني شي تاريخ إنهاء البعثة متى الرسالة وصلتك أن الطلب مقبول

جاوب على السؤالين هذي وراح أساعدك أقلك أش تسوي

---

هلا أخوي بو ثامر مبروك عليك الشهر وعلى جميع الأخوان وتقبل الله منا ومنكم صالح الأعمال أنا للأسف لقل خبرتي ماعملت تأجيل للبعثه لأن المشرف بعد نهاية فترة اللغه وضعني على الهولد على طول.. والرسالة وصلتني البارح الساعه 6 المغرب والأجراء للعملية مقبول لكن لم ادخل البوابة اشوف أن المعامله مكتوب فى الملحقيه رغم اني قبل فترة لا تقل عن 6 أشهر كنت أرسل للمشرف وأطلب منه ضمان مالي لعديد من الجامعات ويرفض بسبب ان الجامعات متكدسه فنصيحتك الله يجزاك خير اخوي بو ثامر وش اسوي وهل فى امل استرد البعثه والله تعبان نفسيا يا اخوان

أرسلت لك رقمي على الخاص أخوي احمد

وعليكم السلام
رح للوزاره فرع الغدير هناك تقدر تتعامل معهم شخصياً وبيساعدونك ان شاء الله