الأعضاء الإشتراك و التسجيل

الملتقيات
ADs

سؤالين سهلين عن الضمان المالي ، تعالو

سؤالين سهلين عن الضمان المالي ، تعالو


NOTICE

تنبيه: هذا الموضوع قديم. تم طرحه قبل 1655 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Miss Hayfa
    Miss Hayfa

    مبتعث مميز Characteristical Member

    Miss Hayfa الولايات المتحدة الأمريكية

    Miss Hayfa , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى IS , بجامعة -
    • -
    • IS
    • أنثى
    • Moon township, PA
    • السعودية
    • Dec 2011
    المزيدl

    July 14th, 2013, 12:22 PM

    السسسسلام عليكم

    كيفكم عساكم بخير؟


    عندي استفسارين عن الضمان المالي ، ياليت الي يقدر يفيدني لا يتردد وبكون شاكره مقدما للجميع.

    1- عندي ضمان مالي بغرض القبول لجامعه بدون تاريخ انتهاء ( اصلا مدري اذا الضمان المالي بغرض القبول يجي فيه تاريخ انتهاء ولا لا ) لكن فيه تاريخ اصدار ومر على تاريخ اصداره 6 شهور ، تتوقعون الجامعه بتقبله ولا بيقولون لا قديم جيبي جديد ؟

    2- السؤال الثاني، الضمان المالي بغرض القبول هل يحتاج يكون في ظرف مغلف مختم من الملحقيه؟ ولا عادي اطبعه طوالي واحطه انا بظرف وارسله؟

    وبسسسس

    دعواتي بالتوفيق والنجاح وتسهيل الآمور للجميع ورمضان كريم

    :
    :
    :
    :
    :
    :

    <-- نايس فيس ههههه
  2. وعليكم السلام
    قدمت على جامعتين اول ماخلصت المعهد
    الجامعه الاولى عطيتهم ضمان مالي باسمي وكنت مطلعه من البنك احتياط قبل لا اطلع ابتعاث لاني كنت اسمع بمشاكل الملحقيه
    ووافقوا عليه لكن طلبوا مني ارسل لهم نسخه من ضمان الملحقيه قبل تبدا الدراسه
    الجامعه الثانيه ارسلت لهم الضمان ورفضوه وطلبت من الملحقيه ضمان واعطوني وارسلته للجامعه مطبوع ابيض واسود
    اخرتها راسلتني الجامعه وقالت مايحتاج انك ترسلها بالبريد العادي ارسل اوراقك بالايميل ولازم ترسلها لنا ملونه


    يعني تعتمد على الجامعه لكن الشي المهم ان اغلبهم يبغون الاوراق على الايميل
    7 "
  3. طيب الجامعه ذي قالت ارسلي الاوراق الرسميه بالبريد مثل التوصيات و المعادله و الوثيقه وقالو صوره من الجواز والفيزا بالايميل .
    بس ماحددت شي للضمان

    لازم اسمع كلامهم؟

    صراحه ماودي ارسل نص اوراقي بالايميل ونصها بالبريد
    ودي كلها مع بعض في ملف وارسله بالبريد وافتك

    مادري ؟ وش رايك؟
    7 "
  4. لان الاوراق الاكاديميه بتروح لقسم القبول بالجامعه والاوراق الاوراق الثبوتيه بتروح لقسم الطلاب الاجانب والضمان المالي لقسم الماليه
    اذا كان عندهم نظام نفس نظام الجامعه اللي انا فيها فبيكون شي حلو
    جامعتي فيه موظفين مختصين باستلام الطلبات ويوزعون الاوراق للاقسام بدون الحاجه لمراسلة قسم معين
    ومن عند الموظفين يتراسل الطالب مع الجامعه والموظف يكون محطة وصل بين جميع الاقسام
    7 "
  5. هاها قال يومين

    تتعامل مع مشرفين مختلين عقليا يطلعون روحك على لا شئ

    جلست اسبوعين أطالب بالضمان لما عطوني ، مع اني مرسله أيلتس جديد

    عذرهم ان التخصص مب تخصصي مع انه تخصصي بس الإعاقة العقلية الي فيهم والباقي تعرفه

    استغفر الله خليتني أحش ، اللهم اني صائم
    استغفر الله استغفر الله استغفر الله
    7 "
  6. عينوا خير واذكروا الله ..

    الامور بسيطه باذن الله ..

    غالبية الجامعات تقبل الضمان المالي بغرض القبول حق الملحقيه .. ومايحتاج تطبعينه حتى ..
    غالبيتهم ترسلينه لهم على الايميل او ترسلين لهم نسخه منه ..
    ومايهمهم تاريخ الاصدار طول ما الضمان فعال !

    لان اساسا الضمان المالي الاصلي ياخذونه من الملحقيه نفسها !
    فالضمان المالي اللي تقدمين فيه هذا مجرد ورقه تثبت ان الملحقيه تتكفل فيك !

    والجامعات الان صارت تاخذ بطلاب ساكم كثير لان فلوسهم مدفوعه كاش مقدما !

    فمختصر الكلام .. ماتحتاجين كل هالتعب وكل هالاسئله ..

    الضمان المالي بغرض القبول هذا مقبول بجميع الجامعات ..
    الفرق بس بنقطه وحده .. فيه جامعات ترفضه وتقولك نبي تصدرين ضمان مالي باسم جامعتنا ! وبعدها نعطيك القبول !

    ومثل هالجامعات امرها بسيط ! .. اذا كانت الجامعه عاجبتك وتبينها ! كل اللي عليك انك تطلبين ضمان مالي ثاني من الملحقيه باسم الجامعه وتخلصين اجرائاتك مع الجامعه !
    واذا ماعجبتك ولقيتي مثلا في جامعه ثانيه .. طنشي الجامعه وشوفي الجامعه الثانيه اللي عجبتك !

    يعني الامر بسيط مايحتاج له كل هالتعقيدات !


    انا اذكر واحد من اصحابي الله يذكره بالخير ..
    كنت انا وياه نقدم له على جامعات ..
    فقبلته جامعه يبيها وشرطوا عليه مايعطونه اي قبول الا لما يجيب ضمان مالي باسمهم !
    رحنا للملحقيه كلمنا المشرف حقه وقال المشرف لا ! ما اعطيكم ضمان مالي الا لما تجيب لنا القبول من الجامعه !
    ردينا للجامعه كلمناهم .. وقالوا لا .. مانعطيكم القبول الا لما تجيبون لنا ضمان مالي باسمنا !
    حاولنا في الجامعه وفي الملحقيه .. وكل واحد يتشرط ! وحنا قاعدين مابين هذا وهذا !

    فقلت لصاحبي انا عندي طريقه .. وان شاء الله انها تضبط ! قال وشهي ! قلت اصبر ..
    رحت وكلمت الجامعه .. وقلت لهم ان الملحقيه ماتعطي ضمان مالي الا بعد القبول ..
    والضمان المالي هذا يبين لكم انهم متحملين تكاليف دراستي ..
    لكن مايصير فعال لحتى تصدرون القبول حتى يجيكم الضمان باسمكم ..

    واذا كنتوا لازلتوا غير مقتنعين بالاووراق اللي عندكم .. ابي تكتبون خطاب موجه الى ساكم .. وترسلونه على هذا البريد ..( وعطيتهم بريد المشرف حق صاحبي) ..
    تطلبون منه اللي تبون .. او تكلمونه على هذا الرقم ( وكتبت رقمه ) .. !

    الموهم ثاني يوم .. لقينا رد من الجامعه ادارة التسجيل والقبول ..
    وحده كويسه اللي دقت علينا .. قالت انا اعتذر بس نظام الجامعه بالضمان المالي نظام حازم شوي .. ولكن الضمان المالي اللي من ساكم وضعه يختلف ..
    فلذلك راح نرسلك القبول بشرط ماتبتدي الدراسه الا بعد ماتقدم لنا صوره من الضمان المالي الاصلي .. وفعلا .. جاب صاحبي القبول ومشت اموره لله الحمد ..

    والضمان المالي حتى اللي يصدر .. كل اللي تحتاجينه فقط صوره منه .. الاصلي يوصلهم من الملحقيه دايركت انتي مالك شغل فيه ..
    بس احيانا يكونون الجامعه يتنحون شوي على هالنقطه .. فتكفيهم صوره تثبت ان الضمان المالي فعال .. حتى هم يكلمون الملحقيه ويتاكدون اذا هم ارسلوا الضمان المالي الاصلي لهم او لا !

    خبرك ربعنا بالملحقيه مزاجيين ! ..



    ^^
    لازال صايم هههه
    7 "
  7. توني ادري ان فيه نوعين ضمان مالي بغرض القبول !

    فهمت من كلامك انه فيه ضمان مالي مفتوح بدون اسم جامعه معينه ، وفيه ضمان مالي بسم جامعه

    انا الي معي ضمان مالي مكتوب فيه اسم إلجامعه واسم التخصص وكل شئ
    وفيه تاريخ إصدار بس وتم على صدوره ٦ شهور

    افهم من كلامك أنهم بيقبلونه بغض النظر عن تاريخ إصداره ؟

    وجزاكم الله الف الف خير ماقصرتوووو جميعا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.