جوازي بينتهي بعد شهرين. والتجديد!
بسم الله الرحمن الرحيم
اخواني انا جوازي بينتهي بعد شهرين وحاب اجدده بدون مانزل السعودية
سمعت اني اقدر اني اجدده لاكن مادري كم من الوقت ياخذ
وهل تنصحوني او لا ؟
انا في تكساس تحديدا دينتون وفيه قنصلية هنا في هيوستن
مالأجراءت يلي مفروض اتخذها ؟
وهل فيه احد جدد هنا ؟
رد: جوازي بينتهي بعد شهرين. والتجديد!
تدخل على موقع القنصليه اللي انت تابع لها
وفيه الاجراءات كامله وفيه الاوراق اللي مطلوب منك تعبيها
التجديد انت وحظك فيه ناس بشهر وفيه ناس باربع شهور
رد: جوازي بينتهي بعد شهرين. والتجديد!
اقتباس:
المشاركة الأصلية كتبت بواسطة hayway
تدخل على موقع القنصليه اللي انت تابع لها
وفيه الاجراءات كامله وفيه الاوراق اللي مطلوب منك تعبيها
التجديد انت وحظك فيه ناس بشهر وفيه ناس باربع شهور
ياريت يااخي تجيب لي لنك فيه هذا الكلام لاني دورت ولا حصلت
شكرا
رد: جوازي بينتهي بعد شهرين. والتجديد!
تجديد الجواز يأخذ وقت
تقريباً من شهرين الى ٣
لكن الأفضل انك تسوي تمديد ٦ شهور
واذا رجعت السعودية تجددة أفضل لك
رد: جوازي بينتهي بعد شهرين. والتجديد!
طيب واذا جدد وش يصير بالفيزااااا ؟
لازم نفيز ثانيه ؟
لان انا نفس الحاله بينتهي في شهر أبريل ٢٠١٤ يعني مابقى كثير
رد: جوازي بينتهي بعد شهرين. والتجديد!
اقتباس:
المشاركة الأصلية كتبت بواسطة Miss Hayfa
طيب واذا جدد وش يصير بالفيزااااا ؟
لازم نفيز ثانيه ؟
لان انا نفس الحاله بينتهي في شهر أبريل ٢٠١٤ يعني مابقى كثير
لا الفيزا تبقى صالحة .. بس اهم شئ وقت التجديد تقولوا لموظف الجوازات ان فيه فيزا في الجواز ومايخرمها
وتجدد الجواز وتدبس الجواز القديم بالجديد عشان الفيزا.. طبعاً لو انخرمت الفيزا تعتبر لاغية انتبهو
رد: جوازي بينتهي بعد شهرين. والتجديد!
اذا انت بتقعد بامريكا مده لا تقل عن اربع شهور جدده في امريكا
واذا ارسلت لهم الجواز هم يعرفون ان فيه الفيزا فماراح يخرمون الفيزا واكتب ملاحظه بالجواز بالصفحه الرئيسيه للاحتياط ان فيه فيزا بالصفحه الفلانيه
الجواز القديم بيصير كله مخرم ماعدا صفحة الفيزا
Services For Saudi Nationals
هذا رابط السفاره اللي فيه خدمات المواطنين
بتلاقي فيه اللي تحتاج ان شاء الله
رد: جوازي بينتهي بعد شهرين. والتجديد!
لحظه لحظه تلخبطت
الحين يدبسون الجواز الجديد مع القديم بس عشان القديم فيه فيزا ؟
صح علي ؟ ذا الي فهمته
هذا لو جددت بالسعوديه
طيب لو جددت بامريكا اكتب ان فيه فيزا بالصفحة كذا وبالتالي يرسلون لي جواز جديد مدبس عليه الفيزا ؟؟؟
طيب وش تنصحون أجدد هنا ولا بالسعوديه ؟ وش الاضمن بخصوص الفيزا ؟
رد: جوازي بينتهي بعد شهرين. والتجديد!
السلاام عليكم ورحمة الله وبركاتة ^^^ اي نعم يدبسون القديم في الجديد
انا انصحك تجددينه في السعودية علشانهاا اسرع من هناا مثل مقالو الاخوان
رد: جوازي بينتهي بعد شهرين. والتجديد!
يا أخوان ترى تجديد الجواز في أمريكا مجرد يعطونك صفحه وحده يعني حق أبو سفره يعني لازم ترجع للجوازات في السعودية وتجدد جوازك فقط للتوضيح
وما ياخذ وقت خويي ما قعد أسبوع ويمكن أقل بعد بس ترسله بفيديكس وتدفع بوليصه روحه ورجعه