اللي مرافقها والدها تفيدني
السلام عليكم ورحمة الله وبركاته
اخواني اخواتي انا مرافقي والدي ولكن فيزته سياحية طبعا زي ماتعرفون مدة اقامتة 6 اشهر طيب وبعدين اجلس بلحالي مثلا :(
انا عاىلتي مراح يخلوني بلحالي ولاانا اقدر اجلس بلحالي لازم ابوي معي باذن الله كذلك الوالدة مالها احد هنا انا بنتها الوحيدة مافي مجال غير تجي معنا
صراحة احترت في هالمشكلة اللي مخلتيني افكر اكنسل مع العلم قصيت التذاكر
وكمان كيف يكون تفتيش المطار
انا ضايق صدري جدا وخايفة مرره مدري شعوري طبيعي ولا لا
طيب اذا الفيزا ع الحاله مقدر اغير الدولة بعد دراسة اللغة هاذي 3 سنين كيف ابوي يجلس فيها معي اذا ماله الا 6 شهور بالسنة
رد: اللي مرافقها والدها تفيدني
اختك مايحتاج..ابوك يمديه يجدد الفيزه وهو بامريكا..الملحقيه بتساعده بتجدديها تتواصلين مع قسم الشئون الثقافيه والاجتماعيه برئاسة أ موضي الخلف وهم عندهم محاميين وموظفين مختصن بمتابعة قضايا الهجره وراح يجددون فيزه ابوك لاتشيلين هم..امك اذا عندك صك اعاله لها تقدرين تضيفينها ك مرافق بعد ..شعورالخوف شي طبيعي كلنا مرينا فيه.. والتفيش شي عادي بعد..موفقه خير يارب
رد: اللي مرافقها والدها تفيدني
مشكور اخوي والله يطمنك
لكن اللي فهمته مايحتاج لها تجديد فقط لانها مستمره 5 سنين لكن مدة الاقامة هي المشكلة
وصك الاعالة كيف اسويه وابوي موجود انا بغيت. اسويه لكن الوزارة رفضوا يعطوني افادة يقولون ابوك موجود كيف تعيلينها
رد: اللي مرافقها والدها تفيدني
صادقه صك الاعاله مايضبط لان ابوك حي .. الله يطول بعمره.. بس اذا وصلتي ارسلي ايميل للملحق بطلبك ضم والدتك لعل وعسى يضمونها..بالنسبه للفيزه تجديد صلاحية وجود ابوك.. عموما الملحقيه بتساعدك وطريقتها سهله نموذج وترسلينه لادارة الهجره.. وانصحك بالتواصل مع النادي السعودي بسياتل .. عندهم خدمة استقبال من المطار وعندهم فندق يسوي لهم عرض خاص.. ودامك رايحه لسياتل لاتشيلين هم..سياتل صارت مدينه سعوديه ههههاي
رد: اللي مرافقها والدها تفيدني
هذا موقع النادي فيه دليل المدينه وارقام التواصل مع النادي وحساباتهم بتويتر والفيس بوك Sacm Clubs
رد: اللي مرافقها والدها تفيدني
^^^
مشكور اخوي الله يعطيك العافيه والله يرزقك ويوفقك يارب
رد: اللي مرافقها والدها تفيدني
فيزا سياحيه ؟
الفيزا السياحيه مايقدر يطول اكثر من ست شهور بامريكا !
ولكن الفيزا صالحه لمدة خمس سنوات !
اللي مستغربه انك ماطلعتي لهم فيزا مرافقين !
حاولي تغيرين الفيز حقتهم الى فيز مرافقين .. وبكذا تضمنين انهم يبقون معك بامريكا ..
الله ييسر لك امورك ويحقق لك امانيك ولا يبعدك عن والديك ويخليهم لك يارب العالمين ...
رد: اللي مرافقها والدها تفيدني
اميين يارب
فيزة المرافق للزوج والابناء فقط غير ذلك لايعتبر مرافق في وجهة نظرهم
رد: اللي مرافقها والدها تفيدني
محمد الحين صارت الفيزه تتمدد وانت بامريكا.. مايحتاج تطلع من امريكا
- - - مشاركة محدثة - - -
المفروض مطلعه لهم فيزة اوف ١ ومخليه ابوك وامك يدرسون ههههههاي بيجي كلاسهم فله^_^
رد: اللي مرافقها والدها تفيدني
اقتباس:
المشاركة الأصلية كتبت بواسطة saudi_magic
محمد الحين صارت الفيزه تتمدد وانت بامريكا.. مايحتاج تطلع من امريكا
- - - مشاركة محدثة - - -
المفروض مطلعه لهم فيزة اوف ١ ومخليه ابوك وامك يدرسون ههههههاي بيجي كلاسهم فله^_^
والله كويس اذا صارت تتمدد وهم في امريكا .. فما اشوف فيها مشاكل ان شاء الله ..