عرض للطباعة
السلام عليكم
أبغى أستفسر عن مدارس الأطفال....هل عادي أسجلهم في أي مدرسة حكومية والا كيف الوضع
وسمعت انه لازم أوديهم يختبرون بالكتب السعودية...هل هذا صحيح؟؟ واذا ما وديتهم مثلا وش بيصير يعني هل اذا رجعنا السعودية ممكن ما يقبلونهم المدارس أو شيء من هذا القبيل؟
وهل أوقات الاختبارات تتعارض مع أوقات اختبارات الجامعة؟ لأني خايف اني ما يكون عندي وقت أوديهم!!
ووين أوديهم يختبرون؟ في الملحقية في واشنطن والا فيه أماكن ثانية؟
بانتظاركم وجزاكم الله خير
تسجلهم اخوي في اقرب مدرسه لمقر سكنك يعني اختيار المدرسة مو بيدك بيد school district
رح للموقع الالكتروني حق المقاطعه الي انت ساكن فيها
يعني لو انت ساكن في ولايه نيوجيرسي مقاطعه برلينقتون تكتب في قووقل
Burlington, nj school distric
وتلاقي كل المعلومات عن التسجيل
اذا المدرسة حكوميه فهي اوتوماتيك معترف فيها من الوزراة يعني الملحقيه تصادق عليها
بالنسبه لموضوع اختبار وكتب ماعندي خلفيه نشوف الاخوان
تحياتي
السلام عليكم
عادي يدرسون في أقرب مدرسة للحي السكني الي انت فيه
ويختبرون مثل باقي الطلبة بنفس المدرسة
وإذا رجعت السعودية يكملون من مكان ما وقفوا << يعني ما يعيدون دراستهم
بالنسبة لسؤالك يختبرون بالكتب السعودية !!
بصراحة ما فهمت ليش اصلا يختبرون في شئ ما درسوه ؟!!
ما أعتقد إن الكلام هذا صحيح إذا درسوا في مدارس أمريكية
أما لو بتدرسهم في مدارس سعودية ،، يختلف الحكي
على فكرة أعتقد إنه ما فيه مدارس سعودية في امريكا الا في واشنطن !!<< مو متأكدة إذا فيه في مكان ثاني لكن لعل أحد الأعضاء متأكد أكثر مني ويفيدك
الله يسهل أمرنا وأمركم ، في أمان الله ..
أشكركم اخواني عالرد
يعني اذا درسوا الأطفال في مدارس أمريكية ابتدائية خلاص تعتبر معترف فيها من وزارة التربية والتعليم بدون ما يختبرون في الكتب السعودية؟؟ لأني سمعت من أكثر من واحد انه يختبرون في الكتب السعودية !!
فيدوني يا أصحاب الخبره جزاكم الله خير
يختبرون بالكتب اللي درسوها ... يعني درسوا بالكتب الانجليزية .. يختبرون بالكتب الانجليزية بنفس المدرسه اللي يدرسون فيها مثلهم مثل بقية الطلبه .. !اقتباس:
المشاركة الأصلية كتبت بواسطة Ammoori
واذا رجعوا السعوديه .. يمشون على نفس النظام .. يكملون على الكتب اللي يدرسونها بالمدارس السعوديه ويختبرون منها باللغه اللي يدرسون فيها !
إلا في حالة أن المدرسه سعودية ..
يعني لو كان في ولايتكم مدرسه سعوديه وعيالك يدرسون فيها .. فهم راح يختبرون فيها بالعربي .. ويدرسون بالعربي ..
غير هذا كل شي انجليزي !
هذا والله اعلم .,
أشكرك اخوياقتباس:
المشاركة الأصلية كتبت بواسطة 1OK
معليش أبغى أتأكد من فهمي....بضرب مثال
لو مثلا ابني خلّص الصف الثالث الابتدائي بالسعودية ورحنا أمريكا ودرس الصف الرابع والخامس والسادس بمدرسة أمريكيه حكومية....وبعدها رجعنا السعودية...هل خلاص على طول ينقبل في الصف الأول المتوسط بدون أي مشاكل؟؟
آسف على كثرة الأسئلة تحملوني جزاكم الله خير
ايه اذا توثقت اوراقه من الملحقيه .. خلاص اموره طيبه ان شاء الله .. ويكمل وين ماوقف !اقتباس:
المشاركة الأصلية كتبت بواسطة Ammoori
توكل على الله ولا تحاتي ..
جزاك الله ألف خير والله يرحم والديك
يعطيك العافيه ، حابه اعرف بالنسبه لفيلادلفيا في ولايه بنسلفانيا هل يقبلو اطفالي لاني رايحه بمارس 2014 ان شاء الله وحيكون راح كثير من الدراسه ، ولدي حيكون 5 سنوات و3 اشهر يعني روضه وبنتي 3 سنوات و7 اشهر يعني ( بري سكول ) وابغاهم كلهم بالمدارس الحكوميه المجانيه ، كيف اختار public ولا public charter وكيف اتاكد حيقبلوهم علشان ادور سكن جنبها
اختي حسب مااعرف فيه ناس يسجلون عيالهم في مدارس تابعه للمحلقيه السعوديه تكون تسجيلهم مثل الانتساب يروحون للملحقيه مدري الاكاديميه وقت الاختبارات
اتوقع كذا سؤالك
بس مااظن يصلح تسوين الطريقتين ياتسجلينهم في مدارس حكوميه او تبع الملحيقه