بخصوص مدارس الأطفال الإبتدائية
السلام عليكم
أبغى أستفسر عن مدارس الأطفال....هل عادي أسجلهم في أي مدرسة حكومية والا كيف الوضع
وسمعت انه لازم أوديهم يختبرون بالكتب السعودية...هل هذا صحيح؟؟ واذا ما وديتهم مثلا وش بيصير يعني هل اذا رجعنا السعودية ممكن ما يقبلونهم المدارس أو شيء من هذا القبيل؟
وهل أوقات الاختبارات تتعارض مع أوقات اختبارات الجامعة؟ لأني خايف اني ما يكون عندي وقت أوديهم!!
ووين أوديهم يختبرون؟ في الملحقية في واشنطن والا فيه أماكن ثانية؟
بانتظاركم وجزاكم الله خير
رد: بخصوص مدارس الأطفال الإبتدائية
تسجلهم اخوي في اقرب مدرسه لمقر سكنك يعني اختيار المدرسة مو بيدك بيد school district
رح للموقع الالكتروني حق المقاطعه الي انت ساكن فيها
يعني لو انت ساكن في ولايه نيوجيرسي مقاطعه برلينقتون تكتب في قووقل
Burlington, nj school distric
وتلاقي كل المعلومات عن التسجيل
اذا المدرسة حكوميه فهي اوتوماتيك معترف فيها من الوزراة يعني الملحقيه تصادق عليها
بالنسبه لموضوع اختبار وكتب ماعندي خلفيه نشوف الاخوان
تحياتي
رد: بخصوص مدارس الأطفال الإبتدائية
السلام عليكم
عادي يدرسون في أقرب مدرسة للحي السكني الي انت فيه
ويختبرون مثل باقي الطلبة بنفس المدرسة
وإذا رجعت السعودية يكملون من مكان ما وقفوا << يعني ما يعيدون دراستهم
بالنسبة لسؤالك يختبرون بالكتب السعودية !!
بصراحة ما فهمت ليش اصلا يختبرون في شئ ما درسوه ؟!!
ما أعتقد إن الكلام هذا صحيح إذا درسوا في مدارس أمريكية
أما لو بتدرسهم في مدارس سعودية ،، يختلف الحكي
على فكرة أعتقد إنه ما فيه مدارس سعودية في امريكا الا في واشنطن !!<< مو متأكدة إذا فيه في مكان ثاني لكن لعل أحد الأعضاء متأكد أكثر مني ويفيدك
الله يسهل أمرنا وأمركم ، في أمان الله ..
رد: بخصوص مدارس الأطفال الإبتدائية
أشكركم اخواني عالرد
يعني اذا درسوا الأطفال في مدارس أمريكية ابتدائية خلاص تعتبر معترف فيها من وزارة التربية والتعليم بدون ما يختبرون في الكتب السعودية؟؟ لأني سمعت من أكثر من واحد انه يختبرون في الكتب السعودية !!
فيدوني يا أصحاب الخبره جزاكم الله خير
رد: بخصوص مدارس الأطفال الإبتدائية
اقتباس:
المشاركة الأصلية كتبت بواسطة Ammoori
أشكركم اخواني عالرد
يعني اذا درسوا الأطفال في مدارس أمريكية ابتدائية خلاص تعتبر معترف فيها من وزارة التربية والتعليم بدون ما يختبرون في الكتب السعودية؟؟ لأني سمعت من أكثر من واحد انه يختبرون في الكتب السعودية !!
فيدوني يا أصحاب الخبره جزاكم الله خير
يختبرون بالكتب اللي درسوها ... يعني درسوا بالكتب الانجليزية .. يختبرون بالكتب الانجليزية بنفس المدرسه اللي يدرسون فيها مثلهم مثل بقية الطلبه .. !
واذا رجعوا السعوديه .. يمشون على نفس النظام .. يكملون على الكتب اللي يدرسونها بالمدارس السعوديه ويختبرون منها باللغه اللي يدرسون فيها !
إلا في حالة أن المدرسه سعودية ..
يعني لو كان في ولايتكم مدرسه سعوديه وعيالك يدرسون فيها .. فهم راح يختبرون فيها بالعربي .. ويدرسون بالعربي ..
غير هذا كل شي انجليزي !
هذا والله اعلم .,
رد: بخصوص مدارس الأطفال الإبتدائية
اقتباس:
المشاركة الأصلية كتبت بواسطة 1OK
يختبرون بالكتب اللي درسوها ... يعني درسوا بالكتب الانجليزية .. يختبرون بالكتب الانجليزية بنفس المدرسه اللي يدرسون فيها مثلهم مثل بقية الطلبه .. !
واذا رجعوا السعوديه .. يمشون على نفس النظام .. يكملون على الكتب اللي يدرسونها بالمدارس السعوديه ويختبرون منها باللغه اللي يدرسون فيها !
إلا في حالة أن المدرسه سعودية ..
يعني لو كان في ولايتكم مدرسه سعوديه وعيالك يدرسون فيها .. فهم راح يختبرون فيها بالعربي .. ويدرسون بالعربي ..
غير هذا كل شي انجليزي !
هذا والله اعلم .,
أشكرك اخوي
معليش أبغى أتأكد من فهمي....بضرب مثال
لو مثلا ابني خلّص الصف الثالث الابتدائي بالسعودية ورحنا أمريكا ودرس الصف الرابع والخامس والسادس بمدرسة أمريكيه حكومية....وبعدها رجعنا السعودية...هل خلاص على طول ينقبل في الصف الأول المتوسط بدون أي مشاكل؟؟
آسف على كثرة الأسئلة تحملوني جزاكم الله خير
رد: بخصوص مدارس الأطفال الإبتدائية
اقتباس:
المشاركة الأصلية كتبت بواسطة Ammoori
أشكرك اخوي
معليش أبغى أتأكد من فهمي....بضرب مثال
لو مثلا ابني خلّص الصف الثالث الابتدائي بالسعودية ورحنا أمريكا ودرس الصف الرابع والخامس والسادس بمدرسة أمريكيه حكومية....وبعدها رجعنا السعودية...هل خلاص على طول ينقبل في الصف الأول المتوسط بدون أي مشاكل؟؟
آسف على كثرة الأسئلة تحملوني جزاكم الله خير
ايه اذا توثقت اوراقه من الملحقيه .. خلاص اموره طيبه ان شاء الله .. ويكمل وين ماوقف !
توكل على الله ولا تحاتي ..
رد: بخصوص مدارس الأطفال الإبتدائية
جزاك الله ألف خير والله يرحم والديك
رد: بخصوص مدارس الأطفال الإبتدائية
يعطيك العافيه ، حابه اعرف بالنسبه لفيلادلفيا في ولايه بنسلفانيا هل يقبلو اطفالي لاني رايحه بمارس 2014 ان شاء الله وحيكون راح كثير من الدراسه ، ولدي حيكون 5 سنوات و3 اشهر يعني روضه وبنتي 3 سنوات و7 اشهر يعني ( بري سكول ) وابغاهم كلهم بالمدارس الحكوميه المجانيه ، كيف اختار public ولا public charter وكيف اتاكد حيقبلوهم علشان ادور سكن جنبها
رد: بخصوص مدارس الأطفال الإبتدائية
اختي حسب مااعرف فيه ناس يسجلون عيالهم في مدارس تابعه للمحلقيه السعوديه تكون تسجيلهم مثل الانتساب يروحون للملحقيه مدري الاكاديميه وقت الاختبارات
اتوقع كذا سؤالك
بس مااظن يصلح تسوين الطريقتين ياتسجلينهم في مدارس حكوميه او تبع الملحيقه