هل الملحقية تعويض عن هالمبالغ؟ خسرت 1000 دولار !!

مبارك عليكم الشهر

عندي عدة استفسارات بخصوص بعض المبالغ و هل التعويض تعوض عليها من الملحقية أو لا..



اولا: هل تعوض الملحقية لرسوم التقديم على الجامعات (Application fee) ؟ وهل يحتاج الجامعة ترد علي بالرفض او القبول عشان اطلب التعوض او ما يحتاج؟



ثانيا: هل تعوض الملحقية لو ارسلت درجات ايلتس (official score) اضافية الى عدد من الجامعات؟ أو لو ارسلت سجل أكاديمي من موقع (WES) الي ب30$ تقريبا الى عدة جامعات؟
و ايش المطلوب في الحالة الثانية ؟




جدا احتاج ردكم لاني خسرت اكثر من 1000 دولار على التقديمات على الجامعات

بشكل بسيط

الملحقية تعوضك بحالة وحدة فقط

اذا كنت مبتعث وقتها الملحقية تعوضك عن كل الي ذكرته

موفق

الله يسهل امرك اخوي

اقتباس:

---

المشاركة الأصلية كتبت بواسطة فيصل عبدالله

بشكل بسيط

الملحقية تعوضك بحالة وحدة فقط

اذا كنت مبتعث وقتها الملحقية تعوضك عن كل الي ذكرته

موفق

---

ايه انا مبتعث لكن كيف اطلب تعويض وانا بس عندي فاتورة ؟

ممكن تعوضك عن اختبارات الايلتس ثلاث اختبارات بس !
البقيه مادري والله ...

لكن بعموم الحال .. لاتنتظر منهم يعوضونك على كل مبلغ تدفعه !
يعني لو كان المبلغ الاجمالي 1000$ .. ممكن يعوضونك فقط عن 300$ ! قيمة كذا شغله !
اما انهم يعوضونك عن كل شي مستحيل !
يعني مثلا الايلتس .. مسموح لك ثلاث اختبارات نظاميا تعوض عنها !
لكن احتمال تمسك غلط معهم ويعوضونك فقط عن اختبار واحد !

مثل ماحصل معي . صكوني هولد ثلاث شهور .. وعوضوني فقط عن شهر واحد !
بحجة ان الشهرين الباقيه هي عطله مافيها دراسه ؟! . اكيد عطله رسميه بامريكا !


يعني انت وحظك بالمشرف حقك !

كلمه وعلمه باللي عندك وحاول تجيه باسلوب محبب له .. وان شاء الله توصلون لنتيجه حلوه ..

السلام عليكم ورحمة الله وبركاتة ^^ والله الظلم ماعطوك الى حق شهر واحد و الشهرين عذرهم انهاا اجازه حسبي الله ونعم الوكيل عليهم كن الدراهم من جيوبهم

اقتباس:

---

المشاركة الأصلية كتبت بواسطة زايد الحبابي

السلام عليكم ورحمة الله وبركاتة ^^ والله الظلم ماعطوك الى حق شهر واحد و الشهرين عذرهم انهاا اجازه حسبي الله ونعم الوكيل عليهم كن الدراهم من جيوبهم

---

اذا كان حقي راح عندهم .. فحقي مايضيع عند رب العالمين ..

والحمد لله على كل شيء ...

بالنسبة للايلتس انا اختبرت 10 اختبارات تقريبا واثنين توفل والحمد لله كلهم عوضوني اياهم الملحقية بس هذا الكلام كان قبل تقريبا سنه وثلاث شهور

اذا كنت بترفع تعويض للأختبارات انا انصحك انك ما ترفعهم كلهم مره وحده لأن يمكن ما يعوضوك ارفعهم على ان كل مابين اختبار واختبار 15 يوم او شهر يمكن يعوضوك

بالنسبة للابليكيشن للجامعات من تجربه اتوقع انهم ما يعوضوك الا عن الجامعه اللي انت انقبلت فيها كيف؟؟؟؟؟ لأن يطلبوا منك انك ترسل لهم مع الفاتوره القبول النهائي للجامعه

بالنسبه ل (wes) ما ادري بصراحه

بالتوفيق

بخصوص رسوم الابلكيشن الملحقية يطلبون نتيجة القبول بخطاب من الجامعة قبول او رفض ويعوضونك حتى لو رفضتك الجامعة

الله معك وبالتوفييق..