الابتعاث والغربه

معي في معهد اللغه ياباني عمره 13


على اني ارشح لك تدرس في السعوديه بكالوريوس ثم تطلع للماستر

وجهة نظري الابتعاث >>>حلو اذا كان في مرحلة الماستر >>من جميع النواحي


والله يكتب لك اللى فيه الخير

ذكرتني بطبيب ابتعثنا أنا وإياه في نفس الأسبوع لبريطانيا عام 2008
ولما وصلنا، أنا ما أعرف أحد يستقبلني ولا يساعدني ولا هم يحزنون
وهو كان عنده أصدقاء وناس يعرفهم استقبلوه وضبطوا له سكن
جيت أنا بس أضربها يمين ويسار وأتعلم في خلق الله ههههه
في أول أسبوع قابلته عدة مرات، يقول لي: وش جابني هنا
يا زين قهوة العصر مع أمي وأبوي ويا زين مدري إيش
أحيان كنت أحسه يبي يبكي لو أحزّنه بس شوي ههههه
بعد شهر أنهى بعثته ورجع للسعودية ولا كمل بعدها

----------------
أما تعليقي
ترى ما فيه غربة بعد وسائل التواصل الحديثة
أنا هنا كأني معهم في السعودية، الوتس آب ما يقصر يفي بالغرض
لدرجة أني في الصيف ما رجعت السعودية وجالس هنا أستمتع بالجو

-----------
أما كونك عشرين وهل ممكن تتحمل الغربة
إذا قصدك هل تصمد أمام المغريات
فهي على الرجل نفسه، فيه ناس حشمت نفسها وهي في قوة شبابها
وفيه ناس في الثلاثينات والأربعينات جت ودجت وراحت تطرد ملذاتها في كل اتجاه
وأنت أدرى بنفسك.

تحياتي،،،

ههههههاستغفر الله شكلك تحس بتوحد الحين تركت الموضوع كله وجيت عند سعنون باين على عقلك سعنون