رد: رحلتي بعد أسبوع وعندي كم استفسار....!
اقتباس:
المشاركة الأصلية كتبت بواسطة كنت أحبك
^
أخوي انت متأكد مع AT&T
بـ ٥٥ دولار؟
والله شئ ممتاز جداً
ياليت توريني الباقة اللي انت مشترك فيها في موقعهم
انا دخلت على موقعهم وشفت الباقات مافيه اي باقة بري بايد فيها انترنت مفتوح
الباقات المتوفره في AT&T تعتمد على حسب ولايتك .. لان مثل ماسبق وذكرت الشركات الامريكيه اقتصاديه .. تضع اللي تحتاجه الناس فقط !
يعني ممكن ولايه تلاقي فيها باقة انترنت مفتوح وعليها عرض .. وولايه ثانيه باقة النت فيها محدوده !
وهذا مايمنع انك تطلب منهم باقة نت مفتوحه .. لكن راح يزيد .. مثلا لو العرض عندهم مفتوح كل شي ماعدا النت محدود بـ 60$ بالشهر ..
تقدر تقولهم ابي النت مفتوح بعد .. وراح تزيد عليها ممكن 20$ او 30$ زياده !
لانهم يمشون على حاجة الناس واستخدامهم ..
على اساس كذا اذا دخلت الموقع حقهم وجيت تستعرض الاسعار والباقات .. اول شي يطلب منك رقم الـ zip code الخاص بموقعك ! ..
مجرد تحطه .. يطلعلك العروض والباقات اللي في ولايتك ! .. وغالبا تكون اسعار الباقات نفسها وممكن تلاقي باقه او ثنتين غير ..!
واما العروض مثلا بالاجهزه وغيرها راح تكون تختلف !
وعلى كل حال .. الـAT&T تعطي 2GB انترنت .. وانا اشوف ان هذا كثير بصراحه ..
خصوصا للي اساسا عنده انترنت بالبيت .. لانه بالبيت بيستخدم الواي فاي داخل البيت .. وبرى البيت بيستخدم الـ 4G ..
فراح ينتهي الشهر وهو ماخلص حتى 500 ميقا ! خصوصا للي يستخدمون الواتس اب والفايبر والتانقو وغيرها من برامج التواصل الاجتماعي !
حتى لو استخدم الـ 4G طول الشهر وما استخدم الواي فاي .. راح يخلص الشهر وهو مابعد وصل الحد حقه !
لان احجام باقات الانترنت اللي تكون من 2GB واكثر .. هذي يستخدمها اصحاب التحميل الدائم مثل اللي يستخدم ايفون او ايباد .. ويحمل مقاطع فيديو وموسيقا وبرامج بشكل دائم !
وبكل الاحوال .. مادري ليش الناس تبي المفوتر وتفكر فيه ! مايدرون ان المفوتر مشكله !
انا ماخذ خط من AT&T مفوتر .. ومفتوح .. والنت عندي 2GB ويدعم خدمة الـ LTE ..
ومع ذلك ادفع لهم شهريا فوق الـ 134$ .. ليش ؟ لانه مفوتر بس !
ماعندي اي خدمات اضافيه .. الخدمات اللي عندي هي نفس باقة الـ 60$ مسبوقة الدفع ! ..
ولا اقدر اكسر العقد .. فلازم انتظر لحتى يخلص العقد وقتها احول على مسبقة الدفع !..
فانا علشان كذا انصح الاخوان دايما يخلونهم على مسبقة الدفع ارخص لهم .. وبدون عقود ! وقت مايبي ينتهي منهم خلاص !
الشيء الوحيد الفرق هو أني اقدر اشتري من عندهم ايفون 5 بـ 200$ .. بينما لو كنت تستخدم مسبقة الدفع .. فراح تاخذ منهم الايفون بمبلغه الاساسي "مفتوح" بقيمة 650$ ..!
بس هذا الفرق !
اسف على المداخله بس تذكرت هالنقاط بعد ماقريت كلامك وحبيت اضيفها .!
هذا والله اعلم ..,
رد: رحلتي بعد أسبوع وعندي كم استفسار....!
الله يعطيكم العافية ياشباب وربي ماقصرتوا ومشكورين....