الأعضاء الإشتراك و التسجيل

الملتقيات
ADs

استفسار رحلتي بعد أسبوع وعندي كم استفسار....!

استفسار رحلتي بعد أسبوع وعندي كم استفسار....!


NOTICE

تنبيه: هذا الموضوع قديم. تم طرحه قبل 1644 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية يروسي
    يروسي

    مبتعث مستجد Freshman Member

    يروسي الولايات المتحدة الأمريكية

    يروسي , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Finance , بجامعة Cal poly pomona
    • Cal poly pomona
    • Finance
    • ذكر
    • Covina, California
    • السعودية
    • Jul 2012
    المزيدl

    July 18th, 2013, 09:53 PM

    السلام عليكم....

    رحلتي بعد اسبوع ان شاءالله وعندي عدة استفسارات....

    مكتوب بالاي توني بداية الدراسه يوم 5 اغسطس هل اروح للمعهد قبل هاليوم فيه اجراءات اخلصها ولا اجيهم يوم 5 بالضبط؟؟؟

    وش افضل بنك افتح فيه حساب وهل فيه اشياء اطلبها منهم بعد ما افتح الحساب لاني قريت هنا بالمنتدى عشان تفتح حساب بالملحقية لازم تاخذ من البنك شيك ملغي او حاجة زي كذا

    وش افضل شركة اتصالات عشان بطلع رقم وكم اسعارهم واسعار باقات النت وهل كل باقاتهم مفوتره ولا فيه مسبقة الدفع ووش الخيار الانسب لي كطالب مبتعث؟

    بالنسبة للسكن انا ودي اسكن مع عائلة هل اطلب من المعهد يوفر لي سكن مع عائلة ولا انا اختار عائلة من خلال مواقع الانترنت مثل كريغلست وغيرها واذا سكنت مع عائلة وماارتحت معهم اقدر اطلع عادي ولا لازم ادفع قيمة الشهر كامل وهل السكن مع عائلة من خلال النت أمان من ناحية السرقة والجواز وغيرها؟
  2. الأفضل تروح للمعهد قبل التاريخ المحدد
    وراجع موقعهم عشان تعرف التواريخ اللي لازم تسجل فيها وموعد اختبار تحديد المستوى

    بالنسبة للبنوك أنا عن نفسي اشوف بنك اوف امريكا وتشيس هم الأفضل وبكل مكان تلقاهم

    شركات الاتصالات فيه تي موبيل وتي اند تي .. بالنسبة لي تي موبيل اسعارها أفضل بكثير
    وبتلقى عندهم باقة تقريباً ب٦٥ دولار ومفتوح انترنت واتصال ورسائل

    السكن مع عائلة بعض المعاهد تعطيك عناوين شركات توفر لك السكن
    وبعض المعاهد هم متعاقدين مع عوائل ويرسلون طلاب لهم .. انت استفسر من المعهد وبيعطوك الخبر الأكيد
    بالتوفيق
    7 "
  3. المشاركة الأصلية كتبت بواسطة كنت أحبك
    الأفضل تروح للمعهد قبل التاريخ المحدد
    وراجع موقعهم عشان تعرف التواريخ اللي لازم تسجل فيها وموعد اختبار تحديد المستوى

    بالنسبة للبنوك أنا عن نفسي اشوف بنك اوف امريكا وتشيس هم الأفضل وبكل مكان تلقاهم

    شركات الاتصالات فيه تي موبيل وتي اند تي .. بالنسبة لي تي موبيل اسعارها أفضل بكثير
    وبتلقى عندهم باقة تقريباً ب٦٥ دولار ومفتوح انترنت واتصال ورسائل

    السكن مع عائلة بعض المعاهد تعطيك عناوين شركات توفر لك السكن
    وبعض المعاهد هم متعاقدين مع عوائل ويرسلون طلاب لهم .. انت استفسر من المعهد وبيعطوك الخبر الأكيد
    بالتوفيق
    يعطيك العافيه على شرحك للأخ
    بس ابي اعرف تي موبيل افضل من اي ناحية؟
    لان الاسعار نفس اللي عند اي تي اند تي
    الشبكه حقت اي تي اند تي افضل يعطونك ثري جي ولا فور جي
    وبكل مكان شغال مايقطع
    تي موبيل تقطيع واماكن مافيها شبكه وفوق كذا مجبور على جي اس ام اذا جوالك من خارج الشبكه

    بالنسبه لصاحب الموضوع اللي اتكلم عنه باقات مسبقه الدفع
    7 "
  4. المشاركة الأصلية كتبت بواسطة hayway
    يعطيك العافيه على شرحك للأخ
    بس ابي اعرف تي موبيل افضل من اي ناحية؟
    لان الاسعار نفس اللي عند اي تي اند تي
    الشبكه حقت اي تي اند تي افضل يعطونك ثري جي ولا فور جي
    وبكل مكان شغال مايقطع
    تي موبيل تقطيع واماكن مافيها شبكه وفوق كذا مجبور على جي اس ام اذا جوالك من خارج الشبكه

    بالنسبه لصاحب الموضوع اللي اتكلم عنه باقات مسبقه الدفع

    تي آند تي معروف ان شبكتها أفضل
    لكن لو تبي تاخذ خط مفوتر يبيلك تدفع تأمين ٥٠٠ دولار لان ماعنده سوشل سيكورتي
    ثاني شئ .. تي آند تي تعطيك ١ جيجا انترنت في الباقات البري بايد ..
    تي موبيل تعطيك انترنت مفتوح ..
    وفيه فرق في رسوم الشركتين .. عن نفسي كنت ابي احول لتي آند تي بس لقيتها غالية في أكثر من باقة
    وماتقارن في تي موبيل ابداً من ناحية الاسعار .. لكن قوة الاتصال انا اؤيدك تي آند تي أفضل
    7 "
  5. المشاركة الأصلية كتبت بواسطة كنت أحبك
    تي آند تي معروف ان شبكتها أفضل
    لكن لو تبي تاخذ خط مفوتر يبيلك تدفع تأمين ٥٠٠ دولار لان ماعنده سوشل سيكورتي
    ثاني شئ .. تي آند تي تعطيك ١ جيجا انترنت في الباقات البري بايد ..
    تي موبيل تعطيك انترنت مفتوح ..
    وفيه فرق في رسوم الشركتين .. عن نفسي كنت ابي احول لتي آند تي بس لقيتها غالية في أكثر من باقة
    وماتقارن في تي موبيل ابداً من ناحية الاسعار .. لكن قوة الاتصال انا اؤيدك تي آند تي أفضل
    انا الحين مع اي تي اند تي
    بعض الاوقات يصير فيه عرض للي بيطلعون شرايح بري بايد
    يعني مثلا انا حاليا ادفع 55 دولار مع انترنت ومكالمات ورسايل مفتوحه بدون حدود
    حتى الشهر الماضي كان عندي مشكله بالانترنت
    فكنت استخدم الانترنت حق الجوال عن طريق اللاب توب واستخدامي للانترنت كان 7 قيقا
    وبعدين استخدام الانترنت بالجوال مايتعدى بالعاده واحد قيقا الا اذا كنت بتسوي شبكه هذا شي ثاني
    وحتى لو بتسوي شبكه ماراح تضبط مع تي موبيل لضعف شبكتهم
    7 "
  6. يعطيكم العافية ياشباب.....بخصوص السكن من عائلة
    في بعض العوائل يحطون اعلانات بالنت لغرف بالايجار كيف طريقة السكن عندهم هل اكلمهم واروح لهم كذا علطول بدون عقد وبدون شي وهل هي امنه ولالا؟
    واذا سكنت عندهم وما ارتحت لهم لازم ادفع قيمة الشهر كامل ولا بس الايام اللي قضيتها عندهم؟
    7 "
  7. أنا أرى ان الاخوان اعطوك معلومات قيمه .. لكن تبقى بعض اسألتك غير مجاب عليها لسبب أننا مانعرف انت بتروح اي ولايه واي مدينه ..
    لان كل ولايه وكل مدينه تختلف عن الاخرى بالخدمات !

    فمثلا ... البنوك .. معروف في امريكا ان بنك Chase وبنك Bank of America اكبر بنكين في امريكا ..!
    ويعتبر بنك Chase البنك ألاول في امريكا ويأتي بعده بنك Bank of America . ..
    ولكن المشكله تكمن بأن هنالك مناطق في امريكا لا تجد فيها صرافات او فروع Chase بشكل منتشر !
    بس ممكن تلاقي فروع وصرافات Bank of America منتشره فيها بشكل كبير .. وهنالك ايضا مناطق اخرى .. ينطبق عليها العكس !

    وممكن تلاقي منطقتين .. مثلا المنطقه الشماليه منتشر فيها بنك Chase والمنطقه الجنوبيه منتشر فيها Bank of America ..

    هذا كله يعتمد على السكان نفسهم ! .. فإذا كانت نسبة كبيره من سكان الولايه يستخدمون Bank of America .. فمن الطبيعي راح تتفتح الشركه فروع كثيره لها بالولايه .. وهذا ايضا ينطبق على بقية البنوك ..

    فالبنوك الامريكيه كلها اقتصاديه .. ولا تفتح اي فرع او تضع اي صرافه الا في أماكن يستفاد منها ...


    والكلام ايضا ينطبق على شركات الاتصالات ...
    فاكبر ثلاث شركات اتصالات بامريكا هي AT&T و Verizon و T-Mobile ..
    وكل من هذه الشركات متوفر لها تغطيه بغالبية المناطق .. ومهما كانت كبيره الا ان هنالك مناطق تغطيها شركه او اثنتين .. ولا تغطيها بقية الشركات ! ..

    AT&T تعتبر اكبر شركه لها تغطيه على أمريكا .. وهي تستخدم نظام GSM .. ويأتي بعدها الـ Verizon .. ولكن الـ Verizon تستخدم نظام CDMA "الشريحه الممغنطه" ..

    اما T-Mobile فهي شركه ايضا لها تغطيه لا يستهان بها .. وتستخدم نظام الـ GSM .. وهي الشركه التي تنافس AT&T ...

    اسعار الباقات بالشركات متقارب بشكل كبير ... بل بعض الباقات متشابهه بالاسعار .. وهذا بسبب توحيد الاسعار بينهم حتى لا يخسرون عملائهم !
    والخدمات ايضا متشابهه بحد كبير .. ولكن تختلف في امور بسيطه !


    الموهم بالموضوع .. هو ليس بالشركه الافضل .. وإنما بالتغطيه الافضل داخل ولايتك !
    فممكن تسكن بمنطقه تكون تغطية T-Mobile فيها اقوى من تغطية AT&T والعكس !

    فلذلك لابد أن تعرف ماهي اقوى تغطيه بالمنطقه او المدينه اللي راح تسكن فيها علشان تحدد !
    وعلى الغالب الـ AT&T بتكون مغطيتها .. لكن ممكن تكون فيه مناطق منخفضه داخل المدينه يكون الارسال فيها ضعيف بـ AT&T وقوي بـ T-Mobile ..


    الان نعود لأسألتك ...

    بالنسبه لبداية الدراسه .. فلابد تكون حاظر بالمعهد في يوم 5 اغسطس .. يعني تكون بامريكا قبلها باسبوع حتى ترتب اوضاعك ..

    اما بالنسبه للبنك ... فافتح حساب في Bank of America .. لان فروعه اكثر ومتوفر بشكل اكبر .. ولكن لو كانت الولايه اللي بتروح لها او المدينه فيها فروع Chase متوفره بكثره .. فلا مانع من انك تفتح حساب فيه .. يبقى الامر راجع لك ..
    لكن من الافضل يكون في بانك اوف امريكا .. حتى لو تنقلت بين الولايات .. الا تكون صرافات البنك متوفره وتقدر تستخدمها ..
    خصوصا على الطريق !


    اما عن شركة الاتصالات ... فانا ارجح AT&T .. لانها تملك اكبر تغطيه .. وحتى لو كنت مسافر وعلى الخط .. ماتفصل معك الشبكه ..
    بعكس T-Mobile .. فيه مناطق مافيها تغطيه خصوصا على الهاي وي وانت مسافر .. تنقطع التغطيه مسافه لاباس بها وبعدها ترجع !

    والباقه اللي راح تحتاجها هي باقة Prepaid .. مسبقة الدفع .. تدفعها بشكل شهري ! وتكون خدماتها مفتوحه لمدة شهر كامل !
    ولا تحتاج الى الفواتير !

    اما بالنسبه للسكن ... فأتفق مع المعهد يكون افضل .. لان المعهد يختار عوائل بحسب معايير يحطها المعهد .. حتى تناسب الطالب ..
    حتى لو كان المبلغ اغلى من المبلغ اللي راح تدفعه لعائله من برى المعهد ..
    لان لو اخذت من برى المعهد ممكن ماترتاح للعائله او تحصل بينك وبينهم مشاكل .. وتتخالفون وما الى ذلك من امور ..
    لكن المعهد يختار لك العائله اللي يشوف انها مناسبه لك .. ولو حصل اي مشاكل مع العائله تتجهه للمعهد دايركت وتشتكيهم وهم يتعاملون مع الموضوع .. !


    هذا والله اعلم ..,
    7 "
  8. المشاركة الأصلية كتبت بواسطة كنت أحبك
    تي آند تي معروف ان شبكتها أفضل
    لكن لو تبي تاخذ خط مفوتر يبيلك تدفع تأمين 500 دولار لان ماعنده سوشل سيكورتي
    ثاني شئ .. تي آند تي تعطيك 1 جيجا انترنت في الباقات البري بايد ..
    تي موبيل تعطيك انترنت مفتوح ..
    وفيه فرق في رسوم الشركتين .. عن نفسي كنت ابي احول لتي آند تي بس لقيتها غالية في أكثر من باقة
    وماتقارن في تي موبيل ابداً من ناحية الاسعار .. لكن قوة الاتصال انا اؤيدك تي آند تي أفضل
    التأمين هذا مطبق على كل الشركات .. حتى T-mobile عندهم نفس النظام ..
    اما عن باقات مسبقة الدفع .. فكلها موجود فيها االخدمه المفتوحه ..
    يعني مثلا .. انت عندك SmartPhone وتبي خدمة Prepaid مفتوح !
    AT&T يعطونك خدمة Prepaid (ويسمونها GoPhone ) مفتوحه للفور جي و LTE .. ومفتوح مكالمات ورسائل .. بقيمة 60$ شهريا ! ..
    اما الـ T-mobile بخدمة الـ Prepaid .. يعطونك نفس الخدمات لكن بـ 70$ شهريا !.
    بس ما ادري هل هم يدعمون خدمة LTE او لا ! .. ماني متاكد .. لكنهم يدعمون الـ 4G ..

    فالفرق بسيط .. وهذي سياسة شركات الاتصالات .. حتى مايخسرون عملاء ...

    وغيرها الكثير من الباقات مسبوقة الدفع .. فيها الغالي والرخيص .. على حسب استخدام الشخص .!
    7 "
  9. المشاركة الأصلية كتبت بواسطة كنت أحبك
    ^


    أخوي انت متأكد مع AT&T
    بـ ٥٥ دولار؟
    والله شئ ممتاز جداً
    ياليت توريني الباقة اللي انت مشترك فيها في موقعهم
    انا دخلت على موقعهم وشفت الباقات مافيه اي باقة بري بايد فيها انترنت مفتوح
    هذا رابط العروض اللي عندهم الحين
    Prepaid Cell Phone Plans, GoPhone Plans, & Prepaid Smartphone plans from AT&T
    للبري بايد

    ومطلع شريحتي من زمان
    يعني فيه اوقات ينزلون عروض تكون كويسه
    وفيه شركه ثانيه اسمها نيت تن تتزل عروض وشبكتها تبع اي تي اند تي
    تنزل عروض كل فتره
    والعرض اللي عندهم الحين كل شي مفتوح لكن الانترنت واحد ونص قيقا ب45 دولار
    كان الانترنت عندهم مفتوح قبل 2013
    جربت اغلب الشركات وافضلها اي تي اند تي من ناحية الشبكه
    تي موبايل بعض المرات يصير جوالي خارج التغطيه فوق انه لازم ابراج GSM
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.