هل بطاقتي ( ماستر كارد ) مسروقة ؟

الظاهر اخوك يستهبل.. لو قصده انك ساحبه كاش مايصير لانك ماتقدرين تسحبين كاش الا بالرقم السري وفي امريكا حدك للسحب اليومي ٨٠٠$ .. لكن اذا يقصد انها عملية مشتريات من النت فهذا جائز .. واجراءاها بسيط.. يتصل ع الهاتف المصرفي ويعترض ع العمليه وترجعله فلوس..عموما فيه نقطه انه من خلال حساب اخوك الاون لين بالبنك يقدر يعرف معلومات العمليه.. وين تمت ومنهو اسم التاجر والوقت والتاريخ وكل شي.. وحتى لو اتصل ع الهاتف المصرفي بيعلمونه بتفاصيل العمليه.. وانا عندي بطاقة فيزه كارد من ٢٠٠٩ وياما استخدمتها حتى بمواقع حمايتها ضعيفه ولا قد صار لي شي.. ف اخوك يمكن يستهبل.. كلميه واطلبي تفاصيل العمليه..

هههههههههههههههههههههههههههههههههههههههههههههههههه ههههههههههههههههههههههههههههههههههه يستهبل
والله يسويهااااا ماستبعد شئ عنه

لاني قلت له هات تفاصيل العملية قال بعدين انا مصدع

يبي يبتزك افا ياذي العلم.. طيب انتي استهبلي عليه واشتري لنا ايبادات بفيزته علشان صحيح تسحبين ال١٠ الالف ريال ويتعلم مايستهبل مره ثانيه .. اهم شي ابن بيت ال هليله لاتشترين له لان عنده ايباد هههههاي

كأنك عارف اني ابي ايباد هههههههههههه
لا امزح احس ان ماله فايده اشتريت واحد ولا صرت استخدمه
وبعد شهر شافته امي "الله يطول بعمرها واعمار الجميع" وصار ماينزل من يدها

المهم اذا انتي خايفه انها تنسرق خلي اخوك يطلع لك بطاقة فيزا مسبقة الدفع ويخلي فيها مبلغ بسيط
وبأي وقت يقدر يحول عليها مبلغ من السعوديه

لا لا فعلا صحيح كلام سعودي مجك ، صار يطق طق علي توه فاطر وشبعان ومروق وبيستمخ علي
وانا خفت من جد وجيت للمنتدى بسرعه البرق

ماشاءالله عليك سعودي فيك حنكه ودهاء وفراسه تعرف تقفط، الله يخلف علي مع الخيل ياشقراااا

عموما تستأهل ايبااااااااد

الله يخلي لك امك يالغالي ..والله كان عندي ايباد وانسرق مني باسطنبول وكان عندي جالكسي تاب وعطيته واحد من اخواني .. هم كويسين بس الايفون مغنيك عنهم..بالنسبه لبطاقة مسبقة الدفع حلوه صراحه واغلب الناس قاعدين يستفيدوا منها..هيفاء يالله عادي اخوك ويمون.. ^_^

طيب انا ابي ايباد حتى لو اني ما استخدمه

امين يارب وامهات الجميع
الايفون والايباد يستخدمون نفس النظام تقريباً
والتاب والجالكسي نفس النظام تقريباً
يعني اذا عندك ايفون الافضل انك تشتري تاب
واذا عندك جهاز اندرويد الافضل ايباد

البطاقه حلوه ميزتها آمنه ولا عليها تكاليف
بالنسبه لي عندي بطاقة أأتمانيه مطلعها من زمان ومنتهيه وعندي بطاقة الصراف العاديه للاحتياط الله يبعد الحاجه عن الجميع

هههههههه هيفاء .. الله يخلي لك اخوك ويجعله ذخر لك يارب العالمين ولا يحرمك منه ..

بالنسبه للماستركارد .. اذا كانت في مكان بالبيت مثل درج او طاوله اي مكان يكون مكشوف او سهل الوصول اليه .. فانا انصحك انك تغيرين مكانها !

خلي الاشياء المهمه دايم مع بعض ! وحطيها بشنطة الملابس اللي بالكلوزت .. حتى لو لا سمح الله احد جا يسرق من شقتك .. مايفكر بشنطة الملابس .. لانه يبي شي ثمين ..
فاقرب شي يفتحه هي دروج الطاولات والاماكن المكشوفه ! .. ولا راح يفكر بالكلوزت لانها ملابس ...!

ايضا فيه امر تقدرين تسوينه ..
فيه شي اسمه Save Box .. هذي خدمه تقدمها البنوك الامريكيه .. تاخذين من عندهم سيف بوكس .. وتحطين فيه الاشياء المهمه مثل الجوازات وشهاداتك أو اي شي ثمين ! ..
ويكون هذا البوكس باسمك .. متى مابغيتيه تقدرين تروحين للبنك ويعطونك مفتاحه وتدخلين في غرفة البوكسس وتفتحين البوكس حقك متى مابغيتي ! ..

هذي يستخدمونها غالبا اصحاب الاموال اللي مايحبون يستخدمون البنوك .. ويحطون اموالهم في السيف بوكس ! ..
وهذي اكيد الكل مرت عليه بالافلام الامريكيه .. خصوصا بافلام الاكشن لما يصورون الممثل وهو يحط فلوس او مجوهرات او اي شي ثمين داخل بوكس بالبنك ويسكر عليه !