محتار ونفسيه تعبانه

حاول ترفع من مكافئتك مبلغ بسيط كل شهر وجمع مهر واخطب يا ولد الناس وان شاء الله تتزوج و كمل دارستك وارضي اهلك وعف نفسك والله يسهل امرك

وعليكم السلام

ليه ماتوضح لهم سبب دراستك وهو البحث عن وظيفة افضل وان ال 4 سنوات راح تمر بسرعة وراح ترجع بشهادة وتتزوج ، او اتزوج وارجع مع زوجتك لامريكا ، هم في الاخر اهلك واكيد راح يتفهمو وضعك

شوف حبيبي بما انك خلصت الله وداخل ع الجامعه فالهم الاكبر راح

نصيحه لاتطيع كلامهم وكمل جامعتك اللغه ماعد تسوي شي زي قبل كمل دراستك ولاحق خير

وتقدر تتزوج وانت تدرس اذا على الزواج بنك التسليف يعطيك 45000 روح ملك فيها وسو عرس صغير وجب زوجتك معك هنا

وتكون ضربت عصفورين بحجر واحد

نصيحه لاترجع

الله يوفقك .. كمل دامك مشيت ف الطريق وش الفايده ترجع وماعندك شهاده ،، وبعدين الرجال مايعيبه العمر ف الزواج وتقدر لمن تستقر ف دراستك تتزوج وتجيبها معك امريكا بس لاترجع شهادتك بتخليك ف احسن وظيفه .. وقبل كل شي استخير واذا ربي أراد تكمل راح تكمل ..

نصيحتي لا ترجع الا وانت مااخذ شهادة تستاهل غربتك .. الشهادة هي الي بتنفعك ولا الزواج موو طاير وتوك صغير , تقدر بنص دراستك تتزوج وتجيبها معك , يعني اذا بقى لك سنتين او سنه وتخلص ممكن تتزوج وتجيبها معك مرافقه.

لا ترجع محد نافعك الا ششششهادتك !


باكر راح يقولون جاب شهادة من أمريكا ما راح يقولوا تزوج !

وعليكم السلام ورحمة الله وبركاته
الله يطول بعمر الوالد ووالدين الجميع
فيه طلاب بكالوريوس كثير كبار بالسن اكبر منك وماجوا الا انه فيه فايده اكبر
تخيل نفسك بوظيفه حكوميه البكالوريوس ما راح يكون اسوء من الثانويه العامه
وحتى لو بالقطاع الخاص شخص مع خبره او شخص مع خبره وشهاده

واذا المسأله على الزواج انصحك تتزوج
اذا على مصاريفه فالملحقيه تصرف لك مكافأه ولزوجتك مكافأه وبعد تحسين المكافأه يصير تستلم انت وزوجتك نفس الشي
وناس كثيره جداً من المتزوجين تنصح بالزواج اذا فيه مقدره
اللي يقول لك انه هم ومشاكل ،،هي تعتمد على الشخص نفسه هل هو متزوج بس يبي يجرب او انه متزوج وهو يبي يعيش حياة حلوه ومستقره
واحد من ربعي كان يدرس معي الحين ماشاء الله متخرج ويكمل ماستر
تزوج اول ماخلص اللغه والحين عنده بنت
خصوصاً ان اهلك راح يدعمونك بهالزواجه سواء معنوي او مادي

طبعاً ممكن تسأل ليش اغلب الطلاب مايتزوجون
لأسباب كثيره وأولها ماعندنا دعم معنوي من الاهل
فكثير من الاهل مايبغون يزوجون ابنائهم ولو انهم عرضوا عليهم المسأله لكن بالواقع مافيه احد يبغى يزوج ولده وهو صغير بالسن
واحد من اخواني من قبل لا يطلع للغه واهلي كانوا يكلمونه عن الزواج ورفضوا انه يسافر من دون زواج
لانه كان عمره 27 سنه عاقل وفاهم ولو ماكن عنده وظيفه مضمونه بعد التخرج
وانا الوالده سألتني مره وحده ليش ماتتزوج لكن ماكان سؤالها علشان من جد اتزوج كان سؤالها علشان تشوف انا طالع ادرس ولا طالع ادشر
والسبب اني صغير بالسن مع اني كنت ادرس بالجامعه

فأنت عندك دعم من اهلك وعندك دعم من الملحقيه وبنك التسليف يوفر لك 45 الف قرض
تزوج وسافر ادرس اهلك بيرتاحون لانك طالع مع زوجتك والملحقيه تصرف لك راتب لزوجتك فماعليك خوف ان شاء الله
وبترجع معك شهادة محترمه توظفك ان شاء الله بافضل من المكان اللي كنت راح تتوظف فيه

والله الاخوان ماقصروا .. كلامهم عين الصواب ..

بس تدري .. اسلوب النذاله دايم يمشي في هالامور ..
اذا اهلك مسوين لك كل هالزحمه .. قلهم خلاص باتزوج وخذ سلفه من بنك التسليف 45 الف وتزوج فيها .. وارجع امريكا ..
وسداد القرض علقه في رقبة واحد من اخوانك ههههه خلهم يجربون النذاله هههه
يبونك تتزوج ؟ .. خلاص يتحملون المصاريف هههه وانت ريح راسك بامريكا والتفت لزوجتك ودراستك !
وعيش حياتك يارجل .. ولا تكدر خاطرك وتعقدها على نفسك

أنـآ من نآحيتي اشوف أن الشهآدهه مو للوظيفه فقط انمـآ علم والشهآده لنفسكك

اول شي رآح ترفع مقدآرك بالمجلس والعمر عمره مآكآن عآئق فنصيحتي كمل درآستك وأرتقي ولو تتزوج وتجيب زوجتك اعتقد رآح ترتآح نفسيتك وترضي الوآلد سلمه الله

والله ولي التوفيق