الحمدلله انضمام المرافق للبعثه لكن لدي تساؤل!!
السلام عليكم ورحمه الله
انا مبتعث وزوجتي مرافقه وانضمت للبعثه الحمدلله
زوجتي عندها دبلوم حاسب لكن مارفعته للملحقيه ، رفعنا للملحقيه شهادتها الثانويه .. عشان تُعطى اربع سنوات ابتعاث .. لان لو رفعنا الدبلوم راح تعطى سنتين فقط وراح تجبر ع تخصص الحاسب
لكن قدمنا بالثانوي عشان تختار التخصص اللي تبيه وزياده ع ذلك عشان تعطى اربع سنين للابتعاث.
سوالي هل يحق لنا بعد صدور قرار الابتعاث ان نعادل الدبلوم في الجامعه عشان نختصر الساعات للبكالوريوس والا راح اواجه مشكله في الملحقيه في تقليل مده الابتعاث من اربع سنين الى سنتين او في تصديق الشهاده بعد التخرج؟
رد: الحمدلله انضمام المرافق للبعثه لكن لدي تساؤل!!
وعليكم السلام
اتوقع والعلم عند الله انها راح تواجه مشاكل كثيره يمكن تمشي عند بعض المشرفين ولا يقولون لك شي لكن اذا جاك احد براسه مشاكل ماراح تمشي عنده
وفيه طلاب كان باقي لهم سنه ويخلصون البكالوريوس بالسعوديه ويوم انهم سافروا بغرض اللغه باجازة الصيف ضموهم للبعثه
بعدها سوو تأجيل وكملوا البكالوريوس ويوم رجعوا للسعوديه
تم الغاء بعثاتهم لانهم كانوا مقدمين على البكالوريوس وهم معاهم شهادات بكالوريوس
وفيه طلاب مقدمين على بكالوريوس وهم معهم بكالوريوس ولا احد قالهم شي
لكن اذا تبي الصدق افضل لها تبدا من جديد علشان يطلع معدلها عالي
او تقدر تروح للتعليم العالي وقل لهم واحد من اخواني بيجي معه دبلوم صيدله وهو مبتعث بكالوريوس وخله يشرح لك الخطوات وما ارفق الشهاده
كذبه بيضاء:o
رد: الحمدلله انضمام المرافق للبعثه لكن لدي تساؤل!!
ما ادري اش ح تفرق .. لو بعثتها 4 سنين
و انتم خلصتو الدراسة في سنتين
بالتالي لازم تغادرو .. يا تجلس و تدرس او تعودو
وفي حال ان الملحقية اعتطتها سنتين و هيا تحتاج اكثر
ح يزودوها الى سنه زيادة
رد: الحمدلله انضمام المرافق للبعثه لكن لدي تساؤل!!
اقتباس:
المشاركة الأصلية كتبت بواسطة al6if
ما ادري اش ح تفرق .. لو بعثتها 4 سنين
و انتم خلصتو الدراسة في سنتين
بالتالي لازم تغادرو .. يا تجلس و تدرس او تعودو
وفي حال ان الملحقية اعتطتها سنتين و هيا تحتاج اكثر
ح يزودوها الى سنه زيادة
المشكله اذا الجامعات ماعادلت كل المواد او ما عادلت اغلب المواد
فهذي بتصير مشكله كبيره
لان الدراسه ممكن تمتد لثلاث سنين ونص
لان فيه مواد ببعض الجامعات اجباريه لطلاب البكالوريوس
الجامعه اللي انا فيها مع معادلة المواد مجبور اني ادرس سنه كامله مواد اجباريه
وبديت ادرس مواد التخصص بالصيف علشان الوقت مع اني معادل مواد
وغير كذا انا ما احب انزل ساعات كثيره فمدة البعثه ماتكفيني احتجت اني اطارد وراهم فتره طويله قبل لا يجيبون فيني العيد
اذا هي قدمت على الدبلوم ممكن يعادلون نصف المواد
ويتركون جميع المواد اللي ماهي من التخصص
وبهالحاله بيصيرون يدورون عن جامعه تعادل المواد بغض النظر اذا كانت الجامعه سيئه او جيده
لانهم يبغون جامعه تعادل المواد وتحمل كل التخصصين، تخصص الزوج وتخصص الزوجه
ومشاكل المعادله لطلاب الدبلوم كثيره ومستحيل يعادلون لك جميع المواد
- - - مشاركة محدثة - - -
وممكن انه يفيدها لو عادلت المواد والملحقيه اعطتهم اربع سنوات
تقدر الزوجه تنزل اقل عدد ممكن من الساعات
منها تريح وتهتم بالدراسه اكثر
ومنها ماتشيل هم ان عندها جامعه وقعده وزحمة وقت
رد: الحمدلله انضمام المرافق للبعثه لكن لدي تساؤل!!
رد: الحمدلله انضمام المرافق للبعثه لكن لدي تساؤل!!
الله يعطيكم العافيه ويوفقكم في هذا الشهر الفضيل
اخوي hayway
كلامك جدا منطقي و فعلا ممكن افتح باب ع نفسي ، فمن الافضل ان تسير الامور كما هي
رد: الحمدلله انضمام المرافق للبعثه لكن لدي تساؤل!!
لا اعتقد انك راح تواجهه مشكله من قبل الملحقيه .. بخصوص المعادله ..
لان أهلك عندهم دبلوم مو بكالريوس !
ونظام المعادله في الدبلوم يختلف عن نظام المعادله في البكالريوس !
على كل حال افضل حل وانا اخوك انك ترفع طلب استفسار للمشرف او تسأل الملحقيه عبر التويتر .. او الفيس بوك ..
وراح يعطونك معلومات شافيه بهذا الخصوص !
هذا والله اعلم ..
رد: الحمدلله انضمام المرافق للبعثه لكن لدي تساؤل!!
10 k الله يعطيك العافيه كفيت و وفيت
رد: الحمدلله انضمام المرافق للبعثه لكن لدي تساؤل!!
موضوع معادلة المواد بينك وبين جامعتك حالياً
هي انضمت للبعثة واتوقع عندها قبول
الي مطلوب منك تسوية انك تعادل المواد وبس وماراح تدري الملحقية بالموضوع هذا ابدا
بيطلبون سجل اكاديمي غند نهاية كل ترم فانت احذف من السجل الاكاديمي المواد المعادلة
احس الموضوع يخوف شوي زي ماقال اخونا هاي وي يمكن تطيح بيد مشرف راعي ماشكل ويدقق وبعدها يقول كيف ويروحون ينبشون بارواقها وبعدين يقولون ليش تكذبين علينا ان عندك بس ثانوي
رد: الحمدلله انضمام المرافق للبعثه لكن لدي تساؤل!!
هذا الخوف يا نايف ، لكن شكلي باسكت ع الموضوع والله يعينهم يدرسون البكالوريوس من البدايه