السلام عليكم ورحمه الله يا اخوان
انا طالب جديد في الجامعه وسمعت عن دبل ميجر ممكن حد يشرح شنوا هو وهل الملحقيه توافق لي عليه وكيف اقدر اخذه لاني متحمس عن هذي الفكرررره
وشكرا لكم
عرض للطباعة
السلام عليكم ورحمه الله يا اخوان
انا طالب جديد في الجامعه وسمعت عن دبل ميجر ممكن حد يشرح شنوا هو وهل الملحقيه توافق لي عليه وكيف اقدر اخذه لاني متحمس عن هذي الفكرررره
وشكرا لكم
وعليكم السلام ورحمة الله وبركاته
دبل ميجور يعني تخصصين تاخذها بوقت واحد
والملحقيه مو موافقين عليه واصلا اذا جاك مشرف متشدد راح يرفض التسديد واحتمال ايقاف البعثه
فيه طلاب كثير ماخذين دبل ميجور لكن مو بالطريقه العاديه لاخذ الدبل ميجور
والدبل ميجور يختلف كثير حسب الميجور اللي انت تبي تاخذه
يعني من المستحيل انك تاخذ تخصص علوم حاسب و التخصص الثاني يكون هندسه معماريه
لان التخصصين مالهم دخل فبعض وراح تنزل بالفصل الواحد فوق 20 ساعه وبيطلع في راسك الشيب
اغلب اللي ماخذين دبل ميجور يكونون معادلين مواد قد درسوها من قبل
يعني اذا انا معي دبلوم محاسبه وطلعت بعثه بتخصص حاسب آلي
اقدر اكمل البكالوريوس في المحاسبه وبنفس الوقت ادرس تخصص الحاسب الاآلي لان معي دبلوم وعادلت اغلب الساعات اللي في تخصص المحاسبه ولا يبقى لي الا مواد تخصصيه فاقدر اقسمها على اربع سنين
وغير كذا يبي لها واحد دافور يعني مو اي احد يقدم على دبل ميجور
كأني اكلمك عن مادة احياء ومادة رياضيات واقول لك شف الفرق بينهم وعندك اختبارين بكرا على هالمادتين مع بعض
راح يكون عليك ضغط كبير
اشكررررك اخوي على التوضيح وماقصرررت \
انا تخصص مكانيه وقلت ابغى اخذ معاها هندسه صناعيه ولا انا بالانسان الدافور طالب عادي طموووح وبس قلت ابي اخذ لي مع البكلوريس دبلوم بس انه هذا التخصص يفيدني وانا فرش منت جديد
اغلب الجامعات الامريكيه تعطي مع الميجور الاساسي مينوراقتباس:
المشاركة الأصلية كتبت بواسطة الفرج قريب
يعني مثلاً تخصصك ادارة اعمال وتبي تاخذ نبذه عن الماليه
يعطونك مواد تخليك فاهم بالماليه لكن اكيد مو مثل اللي متخصص في الماليه
وتحسب لك في الشهاده وترفع من قوة الشهاده عندك
مثل ماقالك اخوي هاي وي ماقصر ..
بس للمعلومية .. دبل ميجور له شروط معينه .. واحد هالشروط ان الميجور الثاني لابد تكون ساعاته لاتزيد عن 40 او 50 ساعه اضافيه .. (حسب شرط الجامعه) ..
لان غالبية التخصصات عندها مواد عامه مشتركة و موحده مثل الرياضيات والمواد العلميه (فيزيا - كيمياء - احياء ) وغيرها من المواد ..
فإذا كان التخصص الثاني اللي تبيه مواده العامه سبق واخذتها .. يعني بس اللي عليك انك تاخذ فقط كورسات التخصص نفسه ! فهذا مسموح لك ! ويعتبرونه لك دبل ميجور ...
وبرضوه فيه شرط ثاني تشترطه الجامعات .. لابد تكون مخلص عدد ساعات معينه في خلال اربع او خمس سميسترات .. حتى يقبلون بالميجور الثاني !
كل هالاشياء تحدده الجامعه على حسب التخصص اللي تبي تاخذه ..
واهم شرط ان المعدل التراكمي لا يقل عن 2.5 من 4 .. !
هذا اللي اذكره من الشروط اللي عطوني اياها لما كنت ابي دبل ميجور .. بس لما عرفت وقتها ان الملحقيه ترفض دبل ميجور .. كنسلت الفكره وقطيت الورقه مدري وينها هههه تحطمت صراحه !
لان على حسب كلام المشرفه لي في هذاك الوقت .. حتى لو اخذت دبل ميجور وتخرجت ... لما تجي معادلة الشهاده .. يخيروني بين الميجرين .. واختار واحد منها يعادلون الشهاده عليها ! والميجر الثاني يصير كانك يابو زيد ماغزيت !
فلذلك انسى الفكره .. الا اذا كنت ماراح تعادل الشهاده .. هذا شي ثاني !
لان بعض الشركات الخاصه مثل سابك وارامكو وغيرها .. تقبل الشهادات الاجنبيه حتى لو ماعدلتها ! فبالتالي لو كنت ظامن شي فيها ممكن يمشي وضعك !
لكن حتى ولو .. الملحقيه الان تشدد على هالنقطه لان الكثير سوواها !
علشان كذا صاروا يشددون على سالفة ارسال الجداول والتاكد من انها بالتخصص نفسه مو تخصص ثاني !
واعتقد بعد الملحقيه عندهم عدد ساعات معينه للطلاب .. فمثلا لو قلنا انك طالب بكالريوس .. طالب البكالريوس حتى يتخرج لابد يخلص على الاقل 124 ساعه .. ولا تزيد عن 130 ساعه ..!
فلو زادت عن الـ 130 ساعه مثلا قول زادت 40 ساعه .. عرفوا ان هذا دبل ميجور .. ويرفضون انهم يدفعون باكثر من عدد الساعات المسموح فيه !
وممكن يوقفون الضمان المالي حقك بعد ولا يدفعون للجامعه شي !
يعني باختصار نظامهم تطعيس يارجل .. ماتعرف لهم طريق !
على ان المفروض انهم يكونون من اول الناس بانهم يشجعون الطلاب على مثل هذي الفرص لانهم يتفانون ويتفاخرون بالطلاب المتميزين "إعلاميا" ويقولون انهم يساعدونهم وما الى ذلك من امور !
بس الظاهر ان فكرة الدبل ميجر مايبونها لاجل الوظائف !
لان لو عندك دبل ميجر فانت تتيح لك فرص اضافيه في الوظائف .! فيكون عندك مجالين تقدر تتوظف فيهم !
وحنا يكفينا بالسعوديه العطاله الحاليه اللي حتى الجامعيين رجعوا يكملون دراستهم لاجل بس يفتكون من العطاله !
فزبدة الموضوع .. خلك على مجنونك لا يجيك اللي اجن منه ;)
اي والله الله يعين على البطاله بالسعوديهاقتباس:
المشاركة الأصلية كتبت بواسطة 1OK
اكلم واحد من ربعي بالسعوديه
خريج حاسب الي شبكات راتبه 1500 كامل مع البدلات مالقى وظيفه وهو طالع ابتعاث ولا يقدر ينظم للتأمين يقول قاعد على الوظيفه اباخذ خبره فقط
والحين مقدم على شركه خارج السعوديه بيعطونه راتب محترم وافقوا عليه مبدأياً
نظام جامعتي يختلف تقريباً عن الجامعه حقتك
الجامعه عندنا مسويه لجميع الطلاب مواد اساسيه ومقسمتها على السنوات
بحيث انك كل فصل تنزل 16 ساعه لأي تخصص وكلنا تقريباً نفس المواد لكن فيه اختلاف خفيف جداً في بعض التخصصات
الا اذا كنت تبي صيفي راح تتغير الخطه الدراسيه عندك
فيه مواد انزلها بالسنه الثانيه يجون معنا طلاب تخصصهم فن ومالهم دخل بالماده لكن الماده اجباريه من الجامعه لجميع الطلاب
والتخصصات كلها تقريباً 8 ساعات بالسمستر او 6 ساعات اذا ماعندك مادة مختبر او مكتبه
يعني اذا الواحد بغا ياخذ دبل ميجور بينزل له اقل شي 22 ساعه بالسمستر
وفيه بعد الجامعه تعطي دبلوم لبعض المواد وتقدر تقسمها على اربع سنوات علشان تاخذها ومتطلبات المواد كلها وحده
بأول سنه كنت منزل رياضيات تابعه للتخصص حقي كان معي طلاب تخصصهم تاريخ
والرياضيات اللي كنا ماخذينها خاصه لمادة الفيزياء والكيمياء يعني مالها اي علاقه بالتاريخ
ولحد الحين معي طلاب كنا مع بعض بالسنه الاولى وتخصصاتنا مخلتفه عن بعض لكن متطلبات البكالوريوس تجمعنا
فهي صعبه الواحد ياخذ دبل ميجور اذا ماكان معادل مواد من قبل
صدقني لو الناس قدمت خارج السعوديه .. بيلاقوون خييييير .. بس الناس مسمره انفسها بالسعوديه !اقتباس:
المشاركة الأصلية كتبت بواسطة hayway
وانا اقولك فيه وظايف داخل السعوديه .. والله فيه .. بس يبيلهم يجتهدون ويسعون في الموضوع شوي .. وغالب الوظايف يطلبون خبرات !
فالناس ماتفكر الا بس انها تلاقي وظيفه زينه مالقت خلاص مو لازم وظيفه لحتى تجي الوظيفه اللي عليها الكلام !؟ وماراح تجي اذا احد فكر بهالطريقه !
صحيح الامور صعبه .. لكن اللي بيخلص النيه لله ويسلم امره لربه ويسعى في امره .. صدقني رب العالمين بيكتب له ارزاق مو رزق !
واما عن الكورسات العامه بالجامعات .. فهذي شي اساسي .. وكلها شغل مادي للمعلوميه ! وانت شفت المواد العامه تلاقي نفسك في ماده مالها شغل بتخصصك ! بس مطلوبه عليك !
يعني تدرس كمبيوتر تلاقي كورس تاريخ ؟! وش دخل التاريخ بالكمبيوتر ؟!
هذي اللي ذبحتني انا .. بس انا ركزت على الرياضيات خلصت المستوى المطلوب اللي علي .. وكملت باقي السميسترات بكورسات التخصص حقي .. وتركت المواد العامه هههه مالتفت لها ياشيخ فقعت كبدي !
واللحين انا مضطر اني ارجع اخذ من المواد العامه لان اساسا ماعاد فيه مواد تخصص ههه باقي لي كم ماده بالتخصص واخلصها ان شاء الله .. فالان رجعت بالمقلوب ادرس المواد العامه ومخلص مواد التخصص !
ومريح بالي ..
الفكره من هالطريقه .. ان حتى لو بغيت ارجع السعوديه .. اقدر اكمل المواد العامه اون لاين ! وانا بالسعوديه ... واجي امريكا وقت التخرج اخذ شهادتي وامشي خخخخ < مخ ;)
طيب يعني ياشباب سالفه دبل ميجر انساها ...
يالله ام التحطيم اانا راح اتصل على المشرررررف وبسآله وان شاء الله خير ماقصرتوا ياشباب
بس السوال ياشباب يعتي هذا دبل الميجر ٤٠ ساعه بس يعني ما تزيد طيب لو درستها على حسابي هل فيه مشكله ؟؟؟
ياخي هذا بدال ما الملحقيه تستانس تسوي كذا بعدين اانا اعرف كويتي وخذ دبل ميجر وحمسني بس ما استقعدت له اني اسآله لاني ما اعزفه عدل
خلك من الكويتي .. الكويتي جاي على حسابه او على بعثه حكومته .. ونظام البعثات بالكويت ماهو مثل نظام البعثات السعودي ..اقتباس:
المشاركة الأصلية كتبت بواسطة الفرج قريب
اما الاربعين ساعه .. فهي تزيد وتنقص على حسب الميجر الثاني اللي بتاخذه .. هذي الامور يحددها لك المشرف الجامعي .. (مو حق الملحقيه) ..!
وتقدر تدرسها على حسابك .. بس ماراح تقدر تعادلها ... يعني خساير على الفاضي !
لاتفكر بهالموضوع انساه مره وحده .. مالك فايده فيه يارجال !
شكرا لك الله يعطيك العافيهاقتباس:
المشاركة الأصلية كتبت بواسطة 1OK
انا ادرس ميكانيكا واذا خذيت معاها هندسه صناعيه راح تصير في المستقبل شهادتي خنفشاريه وانا مالي نيه اني اعادل ناوي اخلص البكلوريس وارجع اشتغل
الموضوع هل اذا اشتغلت هنا في السعويه راح تعترررف فيها ولا دراسه على الفاضي والسلام
لانه الهندسه الصناعيه شامله من هندسه واداره اعمال يعني ٢ في واحد يعني هذا المهندس لما يشتغل مهندس في المستقبل عنده داريه اداريه بعد و مهندس في نفس الوقت
انا كان ودي ادرس هندسه صناعيه لانه جدا روعه ادره مواد يزنس و هندسه بعد بس انه ما تنفعني الا اذا خذتها ماجستير اكون عندي قاعده قويه هي عندي بكالوريس مكانيكا و الماستر صناعيه
بس انا فكره الماستر شايلها من بالي اصلا بالعربي طفشت من الدراسه ابي اتخرج واشتغل ف قلت استغل الفرصه ذي واخذ هندسه الصناعيه هي الدبل ميجر شكرا ...