الملحقيه الثقافيه في امريكا توجه بصرف 10 دولارات لكل مبتعث

السلام عليكم ورحمة الله وبركاته


منقول من سبق
تداول كثيرٌ من المبتعثين السعوديين طلاباً وطالبات في أمريكا، باستغرابٍ خطاب مساعد الملحق السعودي في أمريكا الدكتورة موضي الخلف، الموجّه لأندية الطلاب السعوديين بأمريكا، والذي وجّهت فيه بتوزع 10 دولارات - ما يعادل "40 ريالاً" - لكل طالبٍ وطالبةٍ في احتفالات عيد الفطر المبارك لهذا العام.

وعلمت "سبق" أن تعميماً عاجلاً من مساعد الملحق السعودي في أمريكا للشؤون الثقافية والاجتماعية الدكتورة موضي الخلف، موجّهاً لأندية الطلاب السعوديين بشأن احتفالات عيد الفطر المبارك، جاء فيه "أنه ونظراً لقرب حلول عيد الفطر المبارك خلال إجازات الجامعات وعدم تواجد معظم الطلاب والطالبات لقضاء إجازاتهم سواء بالمملكة أو غيرها، ورداً على ما تلقيناه من استفساراتٍ عن كيفية تنظيم فعاليات الاحتفال بالعيد في هذا الوقت من العام.. فإننا نوجّه الاندية بالآتي: صرف جزءٍ من الدعم المخصّص للاحتفال على عدد الطلاب والطالبات المتواجدين فقط، في حدود عشرة دولارات عن كل طالبٍ، والاحتفاظ بالمتبقي لاحتفالات اليوم الوطني للمملكة العربية السعودية لهذا العام ولأنشطةٍ ثقافية واجتماعية متنوعة داخل الجامعة".

والدكتوره مغردة وكاتبته "الحين صارت 10 دولار قليله وماتسوى شي؟ طيب ليه اذا طلبوا منكم الانديه 10 دولار اشتراك بالترم صارت غاليه وكثيره؟"


وهنا رابط الخبر
ط³ط¨ظ‚ | ط§ظ„ظ…ظ„ط*ظ‚ظٹط© ط§ظ„ط«ظ‚ط§ظپظٹط© ط¨ط£ظ…ط±ظٹظƒط§ طھظˆط¬ظ‘ظگظ‡ ط¨طµط±ظپ 10 ط¯ظˆظ„ط§ط±ط§طھ ظ„ظƒظ„ ظ…ط¨طھط¹ط«

الصراحه انا ماحب اكتب مواضيع عن هذي الاشياء ولكن والله انصدمت
يعني عشره دولار والدكتوره والله كنت اعزها بقوه وتقول ليش تقولون غاليه على اشتراك الانديه كل تيرم
يعني عشره دولار تتوقيع انها تكفي لمشوار تكسي للحفل اللي ممكن يسوونه النادي السعودي ولا تكلفة الاغراض اللي ممكن نجيبها معنا للنادي السعودي
والله قريتها عشر الاف قلت ممكن غلطانين بالرقم يعني بدال ماتكحلونها عند الطلاب اللي مطالبين زياده اعميتوها
مادري وش نهاية الامر معكم يعني بظنك هذا سويتي شي مفرح ولا سويتي مشكله ولازم تلقين لها حل قبل لا تكبر؟


وبالنسبه لاصحاب الانديه السعوديه لا يزعلون علي اذا قلت شي ماتحبونه والكلام اللي ابقوله مو لكل الانديه لبعضها
لكن المسأله مو مسألة عشر دولار غاليه ولا كثيره ولا ماقدر ادفعها
المسأله اني اعطيها للنادي واخرتها يجمعونا بقاعه نقعد نسولف وبعدها يجيبون لنا عشاء من مطعم عربي
واذا سوو انشطه يجيبون شبك كورة طائره ويجيبون كورة قدم ويقولون سوينا "اكتفيتي" وبعد اللعب يجيبون اكل من مطعم عربي
واذا النادي ماصار فيه انشطه يقولون ان السبب ان مافيه حماس من الطلاب
ولا مافيه دعم يكفي يعني ادفع عشره دولار كل تيررم ويجيهم دعم من الملحقيه ودعم من الجامعه وفوق كذا يقولون مافيه ميزانيه
ياخوان نلعب على بعض؟!
وغير العنصريه اللي تصير ولحد يقول مافيه عنصريه
في الترشيحات والتقييمات وكل شي
الواحد قبل لا يتخرج يرشح خويه لرئاسة النادي

لا احد يقول لي اذا ما اعجبك اجل انت واللي يتكلمون امسكوا النوادي
ياحبيبي اذا انت مو قد المسؤليه ليش تاخذها
فيه ناس غيرك يقدرون ياخذونها لكنهم مستحين منكم او مايقدرون لان ماعندهم الشعبيه اللي انتم تملكونه
ترى بيوم القيامه انت محاسب على العمل اللي انت مسكته مو بس شهادة تستلمها من الملحقيه بأنك اشتغلت رئيس او عضو نادي سعودي
والله فيه طلاب شفتهم مو ماسكين النادي السعودي في المدينه اللي انا فيها
ومع كذا مسوين انشطه اكثر ماتقارن ابدا باللي يسوونه النادي السعودي
يستقبلون الطلاب الجدد في المدينه
وينظمون مباريات بجميع انواعها المتاحه ودوري وتحديات
ويسوون مسابقات ثقافيه بين فتره وفتره
وفوق كذا اللي عنده ضعف في ماده معينه يحاولون يساعدون
وكله تحت مسمى انت سعودي وانا سعودي وكلنا اخوان



واخيراً اعذروني اذا قليتي ادبي في شيء او اخطيت في حقكم لكن والله ماقدت اتحمل هذا الشي يأملونا بالخير والزياده واخرتها عشره دولار علشان يوصلون لنقطه
وعذرهم اقبح من ذنبهم