الأعضاء الإشتراك و التسجيل

الملتقيات
ADs

تقرير تـــحـــذيــــر ===> احــــتـــفــــظــوا بــالـــفـــاتوره لايــصــير لكم الي صارلي

تقرير تـــحـــذيــــر ===> احــــتـــفــــظــوا بــالـــفـــاتوره لايــصــير لكم الي صارلي


NOTICE

تنبيه: هذا الموضوع قديم. تم طرحه قبل 1601 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية غربـ9
    غربـ9

    مبتعث فعال Active Member

    غربـ9 الولايات المتحدة الأمريكية

    غربـ9 , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى لآيوجد , بجامعة لآيوجد
    • لآيوجد
    • لآيوجد
    • ذكر
    • مدري, لآيوجد
    • السعودية
    • Feb 2010
    المزيدl

    July 31st, 2013, 11:25 AM

    السلام عليكم ورحمة الله وبركاته

    ياخوان الفاتوره مهمه جداً في امريكا تحفظ حقوقك وتقدر تسترد فلوسك وتسترجع البضاعه
    لذالك احتفوا فيها
    قبل كم يوم رحت بقاله صغيره متعود اجيها كل يوم اخذ غرظ ومشيء وعادتي ماطلبهم الفاتوره اذا قالي تبي فاتوره اقوله لا المحاسب متعود على الشيء هذا المهم اليوم شيكت على حسابي لقيت الكلب ساحب 40$ وانا اساساً ماشتري بـأكثر من 6 دولار من البقاله هذي!!! الي سواه الماحسب عرف اني ماطلب الفاتوره وكل يوم اجي استغل الشيء هذا وسحب المبلغ دون علمي
  2. وعليكم السلام ورحمة الله وبركاته ...

    هو الفاتوره امرها مهم .. والكثير يغفل عن هالامر لقلة المعرفه في هذا الموضوع ..

    لذلك الواحد لازم يحتفظ بوصل الفاتوره دائما .. وقبل ان يحاسب يتأكد من المبلغ اللي حاسب عليه ..
    لان احيانا يحصل فيه تلاعب او حتى يحصل فيه خطأ بالحساب !

    انا مره في ول مارت .. حصل معي تقريبا نفس الموقف .. بس اللي كان يحاسب كان يحاسب على عجل ..
    وكل شي يحسبه مرتين .. اغراضي كلها انا عارف انها ماراح تتعدى 50$ .. فقالي الحساب 130$ !
    استغربت قلت هاللحين هالشويتين ب 130$ ؟ انا مو اول مره اشتري علشان تقولي هالمبلغ ..
    طبعا الرجال مايدري ان عندي خبره بالكاشيرات لان سبق واشتغلت فيها بالسعوديه في بنده ..
    فقلت له سو Suspend للحساب وعطني الورقه .. واستغرب قالي لا ماقدر ياتدفع يا الغيها ..
    فقلت له اجل ناد السوبرفايزر حقك .. ونادا السوبرفايزر وعمل Suspend .. وقعدت اراجع بالفاتوره معه وطلع محاسب على كل شي مرتين !
    واعتذر لي ورجع والغاء لكل المشتريات وحاسب من جديد .. وطلع الحساب 43$ !
    انه ن انهم يسوون Suspend او Void لاي مشترى .. لانه وببساطه مجرد ما الكاشير يسويها ... الكاشير مايفتح من جديد الا بمفتاح السوبرفايزر !
    وكذلك الكلام ينطبق على الاسترجاع !


    ومره حصل لي موقف .. حاسبوا لي على كل الاغراض وفي تقريبا غرضين ماحاسبوا لي عليه بس حطوها مع الاغراض على اساس انها محاسب عليها !
    فلما وصلت البيت اشيك على الاغراض والفاتوره .. لقيت انهم ماحاسبوا على اغراض تقريبا قيمتها 40$ ..
    فقلت ماشي مو مشكله .. واحتفظت بالوصل وكتبت وراه القيمه اللي ماحسبوها علي حتى ما انسى ..
    رحت لول مارت تقريبا عقبها باسبوع اعتقد او اسبوعين .. واشتريت اغراض وتذكرت الفاتوره .. فرحت ادور نفس الكاشير اللي حاسبت عنده المره اللي فاتت ولا لقيته ..
    فقلت اروح عند اي كاشير واحاسب .. وفعلا رحت لكاشير مطرف فاضي ماعنده احد .. حاسبت عنده وقلت له ابي اكلم السوبرفايزر .. فاستغرب قال ايش المشكله اقدر اساعدك ههه خاف
    قلت له لالا بس نادها معليه .. فنادا على السوبرفايزر .. ولما جات عطيتها الفاتوره السابقه وقلت لها ان الموظف الاول فيه كذا سلعه ماحسبها والقيمه الاجماليه مايقارب 40$ ..
    وقالت لي ايش اسم الموظف فقلت لها شكله لاني ماعرفت اسمه .. وعرفته هي .. قالت خلاص وشكرتني على امانتي ههه قالت لو احد غيرك ماكان رجع !
    قلت لها ببساطه .. لان الإسلام أمرني بذلك ! فتبسمت هي ..
    وحسبوا القيمه الناقصه من الفاتوره اللي راحت بالفاتوره الجديده .. واخذوا صوره من الفاتوره القديمه ..
    وشكرتني على امانتي ومن هالامور .. وانا سويت هالشي لسببين .. الاول عارف ان هالفاهي اللي حاسب لي بالمره الاولى راح يطلعون العجز من ظهره ! لان هذا نظام الكاشيرات .. اي عجز بالحساب يطلعونه من ظهر الكاشير وممكن يفصلونه بعد !
    السبب الثاني والاهم .. ان هذا حرام وحنا ما الله حادنا على الحرام .. فالحمد لله حنا بخير ونعمه!

    ومن بعدها صرت اذا جيت ول مارت كل الكاشيرات يعرفوني هههه صرت مشهور عندهم ههههه
    وشهرتي صارت عامل طيب يخلصوني بسرعه خخخخ

    فامور مثل هذي تحصل كثير .. لكن الواحد لابد انه يكون منتبهه في ايش يدفع وايش ياخذ ! ويراعي حقه وحق الناس!
    واتفهه الامور ترى ممكن تأثر على ناس كثيره .. وممكن هالتأثير يكون ايجابي ويحببهم بالاسلام ..

    7 "
  3. ياسبحان الله من بعض الاطفال والعقليات انا ماحبيت اكتب اني اشتري دخان لحرمته وتقديراً لأعضاء هذا المنتدى لكن يجونك اطفال مدري وش يبون من هالتعليقات السامجه يخلي لــــب وهدف الموضوع ويعلق تعليقات خارجه !
    7 "
  4. كلامك صحيح... وهذه تحصل بطريقتين

    الطريقة الاولى تكون ماهي متعمده ولانظلم البائع يمكن من الضغط العمل او غلط.
    الطريقة الثانيه يكون متعمد وبالاساس عنصري.. للاسف في مناطق كثيره في امريكا نجد عنصريين وخصوصا اذا عرف انك عربي يحقد
    عليك لان اصبح عدد كبيرررر من الامريكان الان يعرف الشي هذه ان السعوديه والخليج يرسلون طلابهم ومبتعثين وياخذون راتب بدون عمل ولاشي
    وياخذون مبلغ حلو.. وهذه كله بسببنا للاسف نحب نتفاخر بالشي هذه
    الحذر مهم انا بصراحه دايم اخذ الفتورة اقلها اخذها واتاكد من السعر اللي انسحب بعدها عادي ارتاح
    7 "
  5. شباب سؤال حتى لو مافي فاتورة تقدر ترجع فلوسك اذا فيها زيادة بس اتوقع استرجاع السعة نفسها لازم فاتورة

    طيب حتى لو ما اخذت الفاتورة تقدر تسوي claim بالبنك وترجع فلوسك
    صارت لي مرة بمطعم عربي حسابنا كان 83 دولار ويوم جيت اشيك ع حسابي لقيتة 145 دولار او شي زي كذا
    ع طول كلمة البنك وعلمتهم ورجع لي الباقي

    ومرة في السينما اتوقع حاسب لي ماء ب 16 دولار ورحت بلغتهم وقلت اشلون وقال اعطني بطاقتك ورجع لي الباقي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.