اخر سنة في البكالوريوس كيف ابدأ التقديم عالماستر في امريكا ؟؟

السلام عليكم و رحمة الله و بركاته

ما ابى اطول عليكم... الحمد لله هذه سنتي الاخيرة في كلية ادارة الاعمال بكالوريوس تخصص محاسبة و اتوقع اتخرج بنسبة اكبر من 4.0 من 5 و الحمد لله لغتي الانغليزية ممتازة
و ابغى اقدم عالماستر سواء محاسبة او تخصصات اخرى ادارية في جامعات ميشيغان او بردو او ايسترن الينوي

ايش المطلوب مني اسويه و الشروط عشان يجيني القبول من الجامعة غير الشهادات و اختبارات التوفل, و, و الخ

وعليكم السلام ورحمة الله وبركاته ...

أنتظر لحتى تتخرج .. وتستلم الشهاده .. وبعدها تقدر تقدم على الجامعات لدرجة الماجستير ..!

تسلم,, بس ما اختبر او اسوي شي قبل ما اتخرج؟ لان خطتي اخلص المواد في السمستر اللي بعد الجاي و الصيف يكون co-op و وقته يفتح الابتعاث للمرحلة العاشرة

اقتباس:

---

المشاركة الأصلية كتبت بواسطة 1rebellious

تسلم,, بس ما اختبر او اسوي شي قبل ما اتخرج؟ لان خطتي اخلص المواد في السمستر اللي بعد الجاي و الصيف يكون co-op و وقته يفتح الابتعاث للمرحلة العاشرة

---

لا ياغالي اساسا ماراح تقدر تسوي شي بدون شهاده !
فلا تستعجل على الامور .. كل شي بوقته حلو ! ;)
واذا المسأله على مرحلة الابتعاث .. فإن شاء الله تقدر تسجل بالابتعاث .. المرحله العاشره ماراح تكون اخر مراحل الابتعاث !
وايضا تقدر تطلع على حسابك الخاص لو كنت مستعجل ماتبي تنتظر المرحله اللي عقبها !
وتنظم على البعثه وقتها !

فالامور ماتحتاج انك تستعجل فيها .. لابد انك تاخذ الامور بهدوء وتخلي كل شي بوقته ولا تستعجل بشيء ابدا !
فما تدري وين الله كاتب لك رزقك .. ممكن بعد التخرج تكنسل كل هالفكره بقدرة قادر ! وممكن تغير وجهة حياتك ..

فلا تستعجل وانا اخوك على رزقك ..

وعسا الله يسهل امرك ويوفقك ..

اتوقع انك ما يحتاج تنتظر لمرحلة جايه تقدر اصلا وانت قاعد بامريكا تسوي طلب ترقية بعثة عن طريق البوابة الالكترونية وتدرس تكمل الماجستير على طول بدون حتى ما ترجع للسعودية

تقدر تتطلع على الشروط عن طريق الدخول على البوابة الالكترونية

ارجع واقول اتوقع وماني متأكد

اقتباس:

---

المشاركة الأصلية كتبت بواسطة فيصل 123

اتوقع انك ما يحتاج تنتظر لمرحلة جايه تقدر اصلا وانت قاعد بامريكا تسوي طلب ترقية بعثة عن طريق البوابة الالكترونية وتدرس تكمل الماجستير على طول بدون حتى ما ترجع للسعودية

تقدر تتطلع على الشروط عن طريق الدخول على البوابة الالكترونية

ارجع واقول اتوقع وماني متأكد

---

الرجال باقي بالسعوديه لو لاحظت كلامه ;) ومعلوماته !

وصحيح كلامك .. لو كان هو يدرس في امريكا وعلى البعثه .. فهو يقدر اساسا يكمل ماستر ويضبط اموره دون الحاجه لانه يعود لللسعوديه ويخلص اموره من هناك !

لكن اللي يدرس بالسعوديه بكالريوس .. ويبي يكمل ماجستير .. لازم يتخرج اول شي .. بعدها يفكر بمسألة الماجستير ..
بدون الشهاده ماراح يقدر يقدم على الجامعات الامريكية !