الأعضاء الإشتراك و التسجيل

الملتقيات
ADs

ابي افضفض ، هل من منصتين ؟

ابي افضفض ، هل من منصتين ؟


NOTICE

تنبيه: هذا الموضوع قديم. تم طرحه قبل 1596 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة 1OK
    تبين نصيحه من تجربه سابقه ؟ والا تبين فلسفه ؟
    لو تبين فلسفه .. باقعد اقولك انتي حساسه وهذا اكيد شي فيك خصوصا كل ماكبرتي بالعمر وشفتي الناس المتزوجين لان هذي فطره خلقها اللي فينا .. الخ
    وصدقيني انك بتسمعين هالكلام كثيررررر ... لكن ماراح يغير فيك شي ولا تستفيدين شي .. لانه ماراح يأثر عليك بشي ..
    يعني تخيلي نفسك تروحين تدقين على بيوت العالم بتقولين "أنا اسمي هيفاء ... زوجوني ولدكم ؟ هههههه" !!!

    هذي الامور كلها ماتنفع فيها نصايح فيلسوفجيه !

    اما نصيحتي لك كتجربه سابقه !
    انصحك بأمرين ! اذا التزمتي فيها .. صدقيني راح تتغير حياتك .. وانا ما قلتها لك الا من تجربه !

    اول شي .. أملئي حياتك بالقرآن .. يعني تسمعي قران وخلي القران دايم شغال في الشقه عندك .. ابتعدي قد ماتقدرين عن الاغاني و الموسيقى ..
    اقرأي قران كل يوم او يومين لو صفحه .. او حتى على الاقل في قعدتك .. رتلي اي شي حافظته !
    وداومي على هالطريقه بشكل يومي ..

    والشي الثاني .. الدعاااااء ...!
    اذا انتي مقصره في صلاتك .. واضبي عليها في اوقاتها .. وفي اخر سجده من كل صلاه ادعي لنفسك ولاهلك .. وكل صلاة فجر وفي السجده الاخيره ادعي وادعي وادعي وادعي .. لاترفعين راسك الا وانتي داعيه رب العالمين بكل شي بخاطرك ..
    بس غمضي عيونك واطلقي العنان لقلبك !
    خلي الله صاااااحبك ورفيقك وحبيبك .. لو تضايقتي او في خاطرك شي .. اسجدي لله وانظفي كل اللي بخاطرك .. والله ماترفعين راسك الا وانتي شخص ثاني ! وكل هالضيقه اللي بخاطرك تنقلب سعاده وراحة بال !

    ودائما امسكي على اذكارك اليوميه .. لا تخلينها ..

    استغلي اخر ايام رمضان .. تراها فرصه لا تعوض .. جربيها وحاولي تواضبين عليها ... وصلي لو ركعتين في جوف الليل وادعي فيها !

    وصدقيني والله انا متأكد انك راح تدعين لي .. < ماراح تدعين علي والله العظيم ههههه

    ادري ناس بتقول هي نفس النصايح اللي دايم نسمعها .. لكن والله ثم والله ثم والله .. ان هالنصيحه على كثر مانشوفها كثير .. الا إننا ماراح نعرف طعمها الا لما ننفذها من قلب صادق النيه ..
    مو يعني ان احنا كفار والعياذ بالله .. ولكن بطبيعة الانسان .. مايعرف الطعم الحلو .. الا لما يذوقه !


    ارفعي يديك لله ..
    وادعي معي " اللهم إني اسألك عفوك ورضاك .. وأسألك محبتك وقربك ورحمتك .. فلا رحيم غيرك .. ولا رحمن غيرك .. ولا رب لي سواك .. وحدتك وعبدتك وسلمت نفسي لك .. فأغمرني برحمتك .. يا أرحم الرحمين ..
    أللهم اني اسألك الزوج الصالح والأبن الصالح .. اللهم أعفني بزوج صالح .. وأسترني بسترك .. وابعدني عن الحرام وأعوانه .. اللهم أني انا "فلانه" عبدتك الضعيفه والفقيره .. دعوتك بعطفك ورحمتك .. فأعطف علي وأرحمني فإنه لا يعرف مابي غيرك ! .. ولا يرحم بحالي احد سواك !
    لا اله الا انت سبحانك إني كنت من الظالمين (ثلاث مرات) .. وصلى الله وبارك على سيدنا ونبينا محمد وعلى الصحابة والتابعين .. .... آمين "..


    اسأل الله أن يلحفك بلحاف الرحمه .. ويغشيك بغشاء الرضا والمحبه والراحه .. ويحفظك ويستر عليك يارب العالمين ..
    المشاركة الأصلية كتبت بواسطة ابن بيت آل هليلة
    فيه شيء مهم لازم نستدعيه دائماً في حياتنا وهو:
    السعادة ليست محطة، ولكنها طريق.

    معنى هذا الكلام:
    لا تجعل هدفك أن تصل لشيء معين على أنه هو سيحقق لك السعادة
    لأنك ستفرح فرحة لحظية وقت الحصول عليه ثم ستتلاشى الفرحة
    لأن الأحلام فعلاً تموت حين تتحقق.

    هذه ليست فلسفة لكن ما أريد أن أقوله لك:
    ليس الزواج ولا الشهادة ولا امتلاك شيء غال ما سيجعلك سعيداً
    بل يجب أن تستحضر السعادة في عملية البحث عن هذه الأشياء

    مثال بسيط:
    إذا سافرت من الرياض إلى لجدة علشان تزور أهلك وقرابتك
    إذا جعلت نقطة الوصول هي السعادة أو هي لحظة السعادة المنتظرة
    فلحظة السعادة وقتية راح تختفي بسرعة ولذلك يجب تغيير السيناريو
    اجعل سفرك من الرياض والمسافة في الطريق هي لحظات سعادة ومتعة
    والوصول للأهل هي جزء من السعادة التي عشتها في أثناء السفر حتى الوصول


    مثال آخر:
    كثير من البنات يتخيلون الحياة الزوجية هي الجنة الصغرى وينتظرونها بلهفة
    لما يتزوجون يصابون بخيبة أمل؛ لأن المتوقع كان أكثر من الواقع ولذلك تسمعينهم
    يقولون: الزواج نكد والرجال فيهم كذا والسعوديين مو رومنسيين ومن هالكلام

    السبب:
    جعلوا الزواج هو محطة السعادة، فلما وصلوا لها وجدوا سعادة لكن أقل مما تخيلوا
    فشعروا بأن الزواج مرحلة نكد، وهي ليست كذلك لكن توقعاتهم كانت أكبر مما هي في الأصل


    مثال ثالث:
    الشخص اللي يدرس خمس سنوات دكتوراه علشان يفرح بلحظة التخرج، هذا مسكين جداً
    لأنه سيعيش خمس سنوات مكتئباً من أجل أن يفرح يوم واحد بعد خمس سنوات!

    مثال رابع:
    الأكل!
    بعضنا لما يأكل حلوى، يجعل السعادة واللذة في أن يبلع الحلوى
    وسرعان ما يمتلئ بطنه ويصبح لا يريد المزيد وتذهب الفرحة بسرعة
    ولذلك، فالأصل أنه ليشعر بمتعة الطعام ينبغي أن يأكل بهدوء ثم يستمتع بالأكل نفسه لا بلع الطعام


    -------

    من يقرأ ردودك في المنتدى سيعتقد أنك أسعد مبتعثة لروحك المرحة في الردود والضحك والتنكيت
    ولكن الصحيح أن من يحاول الضحك والترفيه عن الآخرين هو شخص يصارع هموم كثيرة في حياته

    ويعتقد الناس أنه غير مبال، وأنه لا يهمه شيء رغم أنه محتاج للمساعدة والتعاطف أو على الأقل الفضفضة
    وينحرم من هذا كله

    ----------


    أخيراً:
    "لقد خلقنا الإنسان في كبد"
    الأصل أن هذا وضعنا، ولذلك لا تتخيلي أنه سيأتي يوم تقضين على كل همومك وتبدئين مرحلة السعادة
    فما ينتهي هم إلا ويأتي هم، لغة بعدها قبول ماستر، قبول بعده دراسة، دراسة بعدها أطروحة، بعدها بحث عن قبول دكتوراه....
    بعدها بحث عن وظيفة، بعدها هموم وظيفة بعدها هموم عائلة، بعدها هموم مرض ... إلخ

    لذلك:
    الصحيح أن نعتبرها مجرد عقبات وليست هموم نحاول التخلص منها؛ لأن اللحظات اللي راح تكون خالية راح تكون قليلة
    بمعنى آخر، ننظر لحالنا على أنها الحال الطبيعي، فالدراسة والمذاكرة والرسوب هي أشياء طبيعية وليست طاردة للسعادة

    ببساطة:
    حاولي الاستمتاع بكل لحظة في حياتك، ولا تعقدي آمالك على شيء في المستقبل ليجلب لك السعادة.
    ما شاء الله تبارك الله أنت فعلاً فخر المنتدى بارك الله فيكم وفي جهودكم ما بعد ردودكم رد كفيتوا ووفيتوا

    البعض يعتقد أن الهدف من الإبتعاث هو الدراسة وجلب الشهاده فقط فما هي إلا سنوات قليله وترجع بمشيئة الله بالشهادة وأعتقد الهدف أكبر من ذلك فهي تجربه حياة جديدة تستفيد منها في كل شيء وتتوسع فيها مدارك وتصبح صاحب مدى رؤيه بعيد فهي فرصه لن تجدها في أي مكان

    ربما يستطيع البعض إكمال دراسته العليا في السعودية ويحصل على الشهادة إذا كان هذا الهدف لكن أعتقد أن الغالبية لا يبحث عن الشهادة فقط يبحث عن ما هو أبعد من ذلك يكفي بأحد الأهداف أن عشرات الألوف من بناتنا وأبنائنا حين يحتكون بثقافات مختلفة وبأجناس الشعوب الأخرى فإنهم بذلك سوف تتسع مداركهم ومفاهيمهم نحو الحياة بمختلف تشعباتها، وهم أيضا سوف ينقلون للشعوب ثقافتنا وأننا مثلنا مثل غيرنا وليس كما أوهمنا بخصوصيتنا المزعومة.

    بإختصار الإبتعاث تجربه حياة لن تكرر فحاول أن تستثمرها بأفضل شكل
    7 "
  2. لحظه لحظه لحظه

    انتم شطحتو لحته بعيييييييييده

    هالحين انا قلت ابي تزوج ؟؟؟؟؟؟؟؟؟؟

    تراكم فاهمين غلط ، انا اقصد لما أشوف عائله أتذكر أيامي مع اهلي وكيف انا كنت بينهم ومبسوطه وماشيل هم شئ

    فهمتو ؟

    مب قصدي اني شسمه ، وبعدين توني عمري ٢٦ لاحقه خير
    الله يهديكم فتحتو علي باب مدري وش يبي

    ومرافقي مايقصر يمشيني بس انا ما انبسط معه لان اهتماماتي غير عنه
    حتى سواليف بالبيت ما نسولف يا انه يطقطق بالجوال ولا الاب توب ولا طالع

    والهوم سك ذا توه يجيني ؟ كملت سنه توه يتذكر ؟؟؟ بدري

    انا صراحه حماره
    صلاتي مثل وجهي ، صح محافظه عليها بس مب بوقتها
    7 "
  3. [SIZE=4][/SIZE]اولاً : الكل مره بنفس الي مرتي فيه وهذا شيء عادي وطبيعي كلها فتره بسيطه وتعدي بإذن الله
    ثانياً : حاولي تتعرفي على بنات حتى لو تذبي وجهك عليهم ماعليك منهم انتي في غربه روحي للمسجد افطري مع النساء هناك على فكره كل رمضان يفطرن في المسجد حريم ورجال روحي وسولفي وتعرفي ادخلي انشطه واجتماعات في الجامعه افتحي شات صوتي او كتابي ودردشي مع العالم وفضفضي وسولفي وطلعي كل الي في قلبك لا تكتمين ترا الفضفضه تساعد في الراحه النفــسيه
    ثالثاً : فكري في اشياء تجاريه مثلاً تبيعي شناط للبنات في السعوديه عن طريق المنتديات طبعاً تكون ماركات
    وقــبل هذا كله والأهم حافظي على صلاتك واذكار المساء والصباح والأوراد النبويه اليوميه + قراءه القران راح تحسي براحه نفسيه عظيمه بإذن الله


    تحياتي
    لك
    7 "
  4. المشاركة الأصلية كتبت بواسطة Miss Hayfa
    لحظه لحظه لحظه

    انتم شطحتو لحته بعيييييييييده

    هالحين انا قلت ابي تزوج ؟؟؟؟؟؟؟؟؟؟

    تراكم فاهمين غلط ، انا اقصد لما أشوف عائله أتذكر أيامي مع اهلي وكيف انا كنت بينهم ومبسوطه وماشيل هم شئ

    فهمتو ؟

    مب قصدي اني شسمه ، وبعدين توني عمري ٢٦ لاحقه خير
    الله يهديكم فتحتو علي باب مدري وش يبي

    ومرافقي مايقصر يمشيني بس انا ما انبسط معه لان اهتماماتي غير عنه
    حتى سواليف بالبيت ما نسولف يا انه يطقطق بالجوال ولا الاب توب ولا طالع

    والهوم سك ذا توه يجيني ؟ كملت سنه توه يتذكر ؟؟؟ بدري

    انا صراحه حماره
    صلاتي مثل وجهي ، صح محافظه عليها بس مب بوقتها
    ههه الا الا انتي ودك بالعرس .. خلاص 26 ماعاد وراها الا التعنيس هههه

    روحي وانا اخوك .. توكلي على الله وحافظي على صلاتك باوقاتها واعملي بنصيحتي ..
    انتي عارفه نفسك وعارفه وين تقصيرك .. فلا تجعلين للشيطان مدخل عليك !

    وأتركي منك اللطم وتكبير الامور والنفسيات اللي مالها طب هههه
    كل هالامور ترا من وساوس الشياطين .. كل ماحسيتي بكذا بس تعوذي من الشيطان الرجيم .. وغيري مكانك
    واشغلي نفسك بطاعة الله ..

    واكسري الروتين بحياتك .. غيري حياتك .. اعيدي ترتيب اثاث الشقه .. وافتحي النوافذ بعد صلاة الفجر كل يوم لمدة ساعه ..
    حتى يتجدد الهواء بشكل يومي !

    ومثل ماقلت لك .. اهم شي عندك القران والصلاه .. التزمي فيها .. وابتعدي عن الاغاني والموسيقى ..
    ترا الاغاني والموسيقى هي اكثر شي يجيب الهم والغم .. والله حتى لو كنتي مبسوطه ومافيك الا العافيه .. تلاقين بسبب اغنيه انعفس كل شي !

    شوفي استبدلي الاغاني بالقران بشكل يومي .. واستمري على القران لمدة لاتقل عن شهر .. صدقيني راح تلاحظين الفرق من اول اسبوع .. وراح انتي بتحسين كان فيه شي بقلبك تغير ماتعرفين وشو بس انه احساس حلو !
    وصدقيني 40 يوم بالضبط .. لو سمعتي اغاني ..راح تحسين بضيقه ولا بترتاحين وراح تقولين ماعاد ابي اسمع ولا احب اسمع .. فماراح تكملين وراح تردين على القران !

    لان سبحان الله .. القلب درجات ..
    نشوف مثلا الناس اللي تحب اول مره .. نلاقي حبهم الاول اقوى من حبهم الثاني والثالث ! يعني كل مره تحب يصير اقل ..
    نفس الشي بالاغاني .. كل مره تسمع اغنيه او موسيقى .. يتركها ويروح للي افضل منها .. وعلى هالحال .. فيصير القلب يحتفظ فقط باللي درجته اعلى بالاحساس !
    فإذا كان احساس الموسيقى او المغني عالي .. لقيتي نفسك منجذبه له وحبيتها .. واذا ماكان احساس المغني او الموسيقى بنفس المستوى اللي حبيتيه .. ماراح يعجبك مهما كان مشهور !

    فبالتالي .. لما تقرأين قران او تسمعينه .. القلب يتشبع بإحساس الخشوع والايمان من كلام رب العالمين .. فبالتالي اذا تشبع من هالخشوع والايمان .. خلاص صعب أنك تتقبلين اي شي ثاني يجي محله بعدين !
    قلبك ماراح يتقبله .. واذا تقبله ماراح تحسين فيه يبقى عندك شي عابر وتفقدين الاهتمام فيه .. ويبقى اهتمامك الاول والاخير او الاحساس الاقوى واللي ياثر عليك هو القران ! لانه لازال الخشوع مغطي قلبك !


    انا حسيت اني طولت بالكلام ..

    ولكن عسا الله ان يغفر لنا ولك ويهدينا واياك ويثبت اقدامنا على دينه وطاعته .. ويجعلنا واياك من المقربين والمحببين اليه .. ويكتب لنا المسره والطمأنينه ... ويحفظنا من كل شيطان رجيم ... ويبعد عنا كل شر يارب العالمين !
    7 "
  5. يعطيكم العافيه جميعا

    1OK ياخي لا تضيق صدري
    انا عانس يعني الحين ؟؟؟

    اصلا عادي ، عادي جداً

    انا فعلا صلاتي ماش ، وكل مره أحاسب نفسي والومها وارجع أكررها
    مشكلتي لا نمت وأذن الفجر واسمع الأذان بس ما اصحى
    لكن اذا رن الجوال أطمر كني جنيه
    بإذن الله هذا اخر غلط ارتكبه

    لكن الأغاني مب مره معها ترااا
    جوالي مافيه ولا اغنيه وحده ماعدا نغمات الجوال نفسها فقط

    والاي باد نادرا نادرا نادرا اني افتح اليوتيوب عشان اغنيه ، مب طوع فيني بس ربي هاديني من هالناحيه والحمدلله

    عموما نص الحمل راح بمجرد كتابتي للموضوع
    بمشي على نصايحك 1OK وانا ادري مسبقا انها بتضبط

    الله لا يخليني منكم
    7 "
  6. السلام عليكم
    بعد اول رجعه لي من امريكا قابلت واحد من شيبان الحاره
    وكنت لابس تيشير مكتوب فيه I'm Just Bored وهو قد درس في امريكا قبل عشرين سنه ومتقاعد من زمان وروحه شبابيه للحين
    ناسي اللغه بس قعد يحاول يقراها اخر شي قال لي ترجمها تراي ماعرفت قلت له المعنى
    وقال لي "لآآآ يابوخالد الكلام هذا مو لك، المؤمن لا يمل ابداً، وين ماراح يونس روحه بالطاعه، ويكفي اذا المؤمن يعبد الله انه يكون من اسعد الناس"
    الصراحه كلامه كان بالصميم
    قبل لا اسافر لامريكا لا يمكن اني اجلس بالبيت ابداً
    ارجع من دوام الجامعه ولا المدرسه اتغدا وبعدها اتقهوى مع الاهل بعد العصر واطلع من البيت اذا قعدت بالبيت احس اني فاضي لازم اطلع واروح واجي واقابل الناس وربعي واتعشى معهم ما ارتاح الا اذا كنت طالع
    وجيت لامريكا والله تجيني فتره ما اتحرك من الشقه ابداً
    حتى الاكل اطلب بيتزا اونلاين ما احب اطلع من الشقه ولا احب اجتمع مع الشباب كثير مره وحده بالاسبوع ولا بالجامعه اقابلهم وبس
    باقي الوقت بالشقه قاعد
    وما اسافر الا باجازة الصيف
    ومع كذا الحمد لله ما احس اني ضايق صدري ولا اشيل هم اني لحالي ولا اطلع ولا اجي ولا اقول لو اني مكمل بجامعتي بالسعودي كان الحين متخرج ومتوظف مع الشباب اللي متخرجين

    ايمانك بالله سبحانه وتعالى لحاله يكفيك عن اي شي يضيق صدرك
    القرآن يونسك بوحدتك ويصفي قلبك
    7 "
  7. نصحيه خليك بمكانك بس

    استفيدي من وقتكك باشياء كثيررره الدراسي الدراسي ولا خدي لك ااجازه اسبوعيين وارجعي للا امريكا


    انا كنت مثلك والحين جالس بالسعوديه لمدة ٦ شهور ونااادم ندم ما يعلم فيه الا ربكك وسعي صدرك و انا اخوك وانبسطي مع الكل بالذوق وما يرضى دينككك


    واذا تبين مرافق ارسلي اسم المعهد عشان اجي اوسع صدرك بالتوووفيق يارب
    7 "
  8. المشاركة الأصلية كتبت بواسطة Miss Hayfa
    يعطيكم العافيه جميعا

    1OK ياخي لا تضيق صدري
    انا عانس يعني الحين ؟؟؟

    اصلا عادي ، عادي جداً

    انا فعلا صلاتي ماش ، وكل مره أحاسب نفسي والومها وارجع أكررها
    مشكلتي لا نمت وأذن الفجر واسمع الأذان بس ما اصحى
    لكن اذا رن الجوال أطمر كني جنيه
    بإذن الله هذا اخر غلط ارتكبه

    لكن الأغاني مب مره معها ترااا
    جوالي مافيه ولا اغنيه وحده ماعدا نغمات الجوال نفسها فقط

    والاي باد نادرا نادرا نادرا اني افتح اليوتيوب عشان اغنيه ، مب طوع فيني بس ربي هاديني من هالناحيه والحمدلله

    عموما نص الحمل راح بمجرد كتابتي للموضوع
    بمشي على نصايحك 1OK وانا ادري مسبقا انها بتضبط

    الله لا يخليني منكم
    هههههه لا تضيقين خلقك ولا شي .. خلاص توك مابعد عنستي هههههه

    شوفي باقولك شغله وانا اخوك بالنسبه للصلاه ..
    اذا انتي مثلا نمتي عن الصلاه او تسمعينها ولا تصحين .. فيه لها حل ..

    وقتي المنبه عندك على اوقات الصلاه .. وقبل لاتنامين .. وبعد الاذكار .. تنوين انك تصحين على الصلاه .. مثلا قولي نمتي بالليل .. تنوين انك تصحين لصلاة الفجر ..
    اذا نويتيها بصدق وعزمتي على الامر .. الملائكه تجي وتصحيك للصلاه ..
    وتلاقين نفسك تصحين حتى قبل الاذان !
    اول ماتصحين .. قولي " بسم الله .. اصبحنا واصبح الملك لله ... اشهد ان لا اله الا الله .. محمد رسول الله ".. واذا لازلتي تحسين بكسل تعوذي من الشيطان الرجيم .. وقومي ..
    قبل لاتشيلين البطانيه سمي بالله وشيليها .. وصدقيني من مجرد تشيلينها خلاص تتنشطين !

    لو واضبتي على هالطريقه .. صدقيني راح تمسكين صلاتك على اوقاتها بإذن الله .. ورب العالمين راح يعينك عليها .. لان نيتك صافيه لله ..


    الله يعينك ويقويك على طاعته ويثبتك على دينه يارب العالمين ..

    المشاركة الأصلية كتبت بواسطة hayway
    السلام عليكم
    بعد اول رجعه لي من امريكا قابلت واحد من شيبان الحاره
    وكنت لابس تيشير مكتوب فيه I'm Just Bored وهو قد درس في امريكا قبل عشرين سنه ومتقاعد من زمان وروحه شبابيه للحين
    ناسي اللغه بس قعد يحاول يقراها اخر شي قال لي ترجمها تراي ماعرفت قلت له المعنى
    وقال لي "لآآآ يابوخالد الكلام هذا مو لك، المؤمن لا يمل ابداً، وين ماراح يونس روحه بالطاعه، ويكفي اذا المؤمن يعبد الله انه يكون من اسعد الناس"
    الصراحه كلامه كان بالصميم
    قبل لا اسافر لامريكا لا يمكن اني اجلس بالبيت ابداً
    ارجع من دوام الجامعه ولا المدرسه اتغدا وبعدها اتقهوى مع الاهل بعد العصر واطلع من البيت اذا قعدت بالبيت احس اني فاضي لازم اطلع واروح واجي واقابل الناس وربعي واتعشى معهم ما ارتاح الا اذا كنت طالع
    وجيت لامريكا والله تجيني فتره ما اتحرك من الشقه ابداً
    حتى الاكل اطلب بيتزا اونلاين ما احب اطلع من الشقه ولا احب اجتمع مع الشباب كثير مره وحده بالاسبوع ولا بالجامعه اقابلهم وبس
    باقي الوقت بالشقه قاعد
    وما اسافر الا باجازة الصيف
    ومع كذا الحمد لله ما احس اني ضايق صدري ولا اشيل هم اني لحالي ولا اطلع ولا اجي ولا اقول لو اني مكمل بجامعتي بالسعودي كان الحين متخرج ومتوظف مع الشباب اللي متخرجين

    ايمانك بالله سبحانه وتعالى لحاله يكفيك عن اي شي يضيق صدرك
    القرآن يونسك بوحدتك ويصفي قلبك
    نفس الموضوع ها هنا ..
    من يوم رحت امريكا .. أول سنه او سنتين تقريبا صح مافيه مكان مارحت له .. بحكم انها بيئه جديده وكذا !
    بس بعدها خلاص بالشقه 24 ساعه ..
    وحتى لما رجعت السعوديه .. ماطلع من البيت دايم مع اهلي مستانس ومبسوط ولا علي خلاف لله الحمد ..

    والحمد لله الضيقه الواحد مايحس فيها الا اذا ابتعد عن ربه ولا تروح الا اذا قرب من ربه ...
    يكفيني كلام الشايب يوم قالك " لآآآ يابوخالد الكلام هذا مو لك، المؤمن لا يمل ابداً، وين ماراح يونس روحه بالطاعه، ويكفي اذا المؤمن يعبد الله انه يكون من اسعد الناس " ..

    والله انه صدق .. الواحد مايحس بطعم السعاده والراحه الا بالإيمان ..
    كما قال النبي صلى الله عليه وسلم " ثلاث من كن فيه وجد حلاوة الإيمان،أن يكون الله ورسوله أحب إليه ممن سواهما،وأن يحب المرء لا يحبه إلا لله،وأن يكره أن يعود في الكفر كما يكره أن يقذف في النار ".

    فايش هي الدنيا بدون طاعة الله ورسوله ؟ ...

    اسأل الله ان يذقنا حلاوة الايمان وان يجعلنا واياكم من الذين يظلهم الله في ظله يوم لا ظل الا ظله ..!
    7 "
  9. Miss Hayfa بقولك كم شغله وان شاء الله تعجبك !!!

    1_ اهم شي الصلاة تحافظين عليها عشان نفسيتك تصير حلوه وابتسامتك ما تفارق وجهك !!!

    2_ تعلمي اطبخي .. روحي مكان ترفيهي العبي بلياردو ولا بولينق يا شيخه العبي كوره ههههههههههه اهم شي تسوين رياضه .. انا عندي سيكل شاريه من الأمزون ب 150 دولار كشششششخه اصفر على اسود،،

    بصراحه مونسني معا انه معي سياره بس فلللله السيكل يونسك ،، بس انتبهي اذا ناويه تشترين ، حطي لمبه قدام السيكل وورى زي البريك عشان ينور ترا مخالفه هههههه من جد اتكلم ...

    3_ الدراسه لا تخلينها وانا اخوووك والله في ناااس ودهم بهالفرصه ،، انتي ما تبين تدرسين عشان مضايقه وما تعرفين وش تسوين المفتاح اللي راح يونسك هو ( الصلاااااة ) ...

    4_ تعرفي على بنات سعودييات ولا امريكيات ولا اسيويات اهم شي احد يرد عليك الصوت ،، اعزمييهم عندك وسوي مثل ما يسون الشباب السعودي لا عزموا اجاانب اشغلوا اهلهم يقولون لهم ( قد مره جربت عربك فود ) يحسسوني ان عربك فود ماخذ المركز الأول بالعالم هههههههه وتبدأ العزايم ويتونسون ...

    4_ يا شيخه اشتريلك سوني واشتري شريط كراااش استانسي ،،، والا تدرين شلون اشتري شريط حرامي سيارات ودوسي ببطن اللي بالكمبيوتر لا طفشتي هههههههههههههههه ..

    5_ ترا اذا حافظتي على الصلاة ،، الصلاة هي اللي راح تعدل جدولك اليومي وراح تكونيين سعييده ،،، افا علييك بس لا يضيق صدرك

    على فكره اذا ما تعرفين تطبخيين وودك تتعلميين طبخه قولي الطبخه والشباب ما راح يقصرون يعطونك المقاديير ...

    انا الحين بعلمك اول طبخه (( جيبي مقلاه وحطي زييت شوي طيب لمن يقلي الزيت شوي _ جهزيلك بيضتيين وحطييها وعاااد اقعدي قلبيها قلبيها قلبيها لمن تدوخ بعديين بالهنا والشفا )) شفتي

    ترا الحياه سهله


    الله يوفقك يا رب .. انا عندي لك شي مررررره حلوو ،، كل يوم لا صحيتي اقرأي آية الكرسي ، وسورة الاخلاص والمعوذتين ،، وقبل لا تناميين اخر سورتين من آيتين من سورة البقرة ترا والله راااح تحسيين ب Feeling goooooooood ..

    تحياتي
    7 "
2 من 6 صفحة 2 من 6 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.